Cik txos txuz hâux lưv pov iz lênhx nênhs tuôs ntơưv lênhx nênhs muôz fov tuô zuk tuôs luz tsêr nhoz huyện Mai Sơn, tỉnh Sơn La xưk li VOV tưz xa mông, pos Lèo Thị Còi, Tiểu khu tsar tiểu khu 3, thị trấn Hát Lót, huyện Mai Sơn, Sơn La puz pâuz: Nguyễn Công Thoan tuô zuk tuôs zos lênhx nênhs tâu Công an sêiz car. Tiv hâuk zax zênhz, hok nhiv kruôr tơưv tsêr tux lok tiv muôl muôs zax zênhz. Thâuv Nguyễn Công Thoan tuô zuk tuôs, qênhz yuôx ntơưv qơư, lưx lươngv txơưx jênhv poz muôx iz lênhx nênhs trâus tuôs tưz lưx jux juk nhoz hâur lênhx nênhs noz luz pak đêx zus njêl. Lênhx no co tâu xav jênhv zos zơưv Tòng Văn Dân, nhoz jok Cút, xar Mường Bon, huyện Mai Sơn tưz tsik pov uô ntêx co ntâu hnuz. Tòng Văn Dân zos lox tôngv tự do. Lưx lươngv txơưx jênhv tưz piz njuôk sêiz nênhs tuôs. Xuz thơưx xav jênhv no zos iz txuz tuô tuôs nênhs. Nhiv no txuz hâux lưv tsênhv tror tâu qênhz yuôx uô cov tsênhz mênhx./.

                                        (BTS-Luk Thox cxêik nhênhv)

Coz nas lox lok đros khâur jênhs chuô hâur thax tsav huyện Tủa Chùa, tỉnh Điện Biên nhiv kruôr đhâu tưz uô iz lênhx trâus pôngz plox mông, 91 luz tsêr trâus uô ruôr hiêv, hâur co 3 luz tsêr trâus vâu puôk tsuôx, 8 luz tsêr trâus  zơưk trur tas hur si. Iz chas ntơư, nas lox, khâur jênhs chuô tsênhv ntâuk tos 7 luz fuôx gox sâuv pak đêx Sông Đax, njuôk xav hur si têx trâus uô ruôr hiêv tas muôx nhos 950 tsov đeiv. Ủy ban huyện Tủa Chùa tưz tso têx đoanx muk qênhz yuôx shuôs ntơưv têx thax tsav qơư trâus ntux uô hiêv; chêx tsôngk zok nriêr lênhx nênhs trâus pôngz plox mông sâuv pak đêx sông Đax, thiêz bo têx fuôx gox trâul tos đêx. Cvhox kriê têx xã, thị trấn hu sđ ntơưv qơư zênhx max đros paz têx chuôz zis trâul uô hiêv, lar heik zos têx chuôz zis muôx vax tsêr trâus vâu, zơưk trur khưx phưx, kho zênhx max chiê truôx tuk luz nênhx, sei đrơưv thôngz sâu, ntâuk grê tsênhz mênhx têx lênhx nênhs trâul uô hiêv chiê muôx tsưr ziv paz zênhx max./.

                        (KT-Riê Lâux cxeik, nhênhv)

Zar tar su hnuz 21/2, iz luz yêz lox thaux hóa chất phốt pho tưz trâus cuz hnhiêz sâuv txox cêr muk chênhr Nội Bài-Lào Cai, ciês jê ntơưv qơư đrêk zuôr trox yêz. Lưx lươngv cảnh sát phax cuz tuô cuz tưz tuô tâu hluôr tơưl tuôs đhâu muôx 2 six hơưv. Ntơưv qơư, hluôr tơưl cuz ntâu nhoz zar yêz thiêz chor los yêz tov kaz tiv phốt pho cxênhv lok saz đrâuv njiz chuô uô txêik cuz. Tas nro zar đrav kaz yêz trâus puôk tsuôx hnhar, hmôngr jông tsik muôx nênhs uô chak. Nhiv no cơ quan txơưx jênhv tsênhv qênhz yuôx qir tiv hluôr tơưl cuz./.

                                 (Đinh Tuấn-Lik Thox cxêik nhênhv)