Têik cik 21/6, Phưv chủ tịch thường trực Côx hôiv Tòng Thị Phóng đros đoanx têiv plor Côx hôiv tỉnh Sơn La njiz cử tri ntơưv huyện Vân Hồ, tỉnh Sơn La hêik trâu cử tri pâuz jiês cơưv tiv 5, côx hôiv khóa 14. Hêik ntơưv jiês njiz, pos Tòng thị Phóng phêiz kênh têx phiv liv đros huyện yiêz Vân Hồ, thôngx cxix hêik mênhx: Tiv nhiv kruôr phêiz yiêz, viv li ntu zuôr txos tỉnh tsuv tsov cưv đuô txos pênhr jos yưv pênhr chiê paz trâu huyện huôv tsar. Đoanx têiv plor Côx hôiv tỉnh, lênhx tov tỉnh Sơn La tưz têz, cêir chêx cử tri iz cxiê ziv chênhv nhoz hâur zuk qênhx. Thôngx cxix, sâu jênhv cử tri têx ziv chênhv muôz trâu Côx hôiv thiêz chor Bôv, nganhx muôx qênhx sêiz shuôk, cêir chêx. Jiês no, pos Tòng Thị phóng tưz khơưk muôz huv trâu 14 ziv chuôz zis tâu sơưv cêr chêi, xaz pênhz, chuôz zis muôx luz nênhx txov nhêv nhoz huyện Vân Hồ; chuôr yuô, uô hâux lưv đros cán bộ, chiến sỹ lưx lươngv vũ trang huyện Vân Hồ./.

(Tuyết Lan-Lik Thox cxêik nhênhv)

Zar hnuz kêix 21/6, đôngx chir Lâm Văn Năm, Phưv Bí thư Thường trực Tỉnh ủy muk seiz yuô thiêz phôngv côngz têx canr bôv, viên chức, nênhs lox tôngv ntơưr pov tsir Điện biên Phủ ndax chiv nhênhv 93 shông Hnuz Ntơưr pov tsir ccáh mạng VN (21/6/1925-21/6/2018). Đôngx chir Lâm Văn Năm hei mênhx, six hơưv zuôr txos, ntơưr pov tsir Điện Biên Phủ tsuv tror hlôngr yiêz, gra siêz tsơưr lươngv têx mông, jax sâu; uô lơưr jông đuô thiêz pưs txux lok sâuv yax xa mông, kriê  tsưr ziv trâu tsôngv box sđ; heik tâu zênhx max cxuô lênhx tsôngv box  li têx tsưr ziv, siêz xar txos trâu Đảng, têz qơưk./.

(KT-Riê Lâux cxeik, nhênhv)

Ntơưv jiês cơưv tiv 7, HĐND tỉnh khoar 15, UBND tỉnh Lào Cai tưz muôx tờ trình số 104 muôz trâu jiês cơưv sêiz shuôk thôngz đhâu bê ntơưr cxaz nzir têx côngz trinhx, dự án tsuv sâu tsês, hlôngr yiêz đuô tsưr ziv sir zôngv chiê zôngv trâu tsưr ziv huôv tsar kinh tế-xar hôiv viv kror liv trâu têz qơưk, công côngv shông 2018 sâuv thax tsav tỉnh Lào Cai. Lơưr co, muôx 117 dự án tsuv sâu tsês, hlôngr đuô tsưr ziv sir zôngv ar cxaz nzir tso trâu bê ntơưr shông 2018 nhoz chor huyện, thành phố, đros tas nro ar tsuv sâu tsês, hlôngr đuô tsưr ziv sir zôngv ntâu đuô 594 hec ta./.

(KT-Lik Thox cxêik nhênhv)

Tsar ndê nhiêx hli trâu têx lênhx nênhs tsi car uô đreiv iz zav hâux lưv tưs. Co zos ntâu lênhx cử tri xã Giang Ma, Bình Lư huyện Tam Đường, tỉnh Lai Châu li ziv chênhv, têx lul heik ntơưv jiês chuôs njiz cử tri đhâu jiês cơưv tiv 5, Côx hôiv khóa 14. Ntơưv jiês chuôs njiz, cử tri xã Bình Lư heik cov tsar ndê têx nhiêx hli trâu têx lênhx nênhs tsi lês car uô đreiv iz zav hâux lưv, uô Tsar ban côngz xưv mặt trận jêx jok; Muôx chei paz trâu têx lênhx uô hâux lưv hluôk nênhs yôngz phôngz ntơưv xã; paz nhiêx thêv tênhv tênhz trâu têx chuôz zis pluôs txix 6 luz hlik iz jâuk grêk yuôr 3 luz hlik iz jâuk; tsênhv chei paz canr bôv heir nênhs tsơưs. Hâu nov Ủy ban huyện Tam Đường, xã Bình Lư tưz têz thiêz phênhz tsênhz mênhx têx lul heik, thix ziv sâuv zos zuk vax huôv đơưk tu. Yuôr têx lul heik , thix ziv tsi zos lơưr vax huôv têz thiêz phênhz mak zuôr tâu Đoanx đại biểu Côx hôiv tỉnh sâu jênhv thiêz xa txos trâu têx bộ, ngênhx T.Ư; têx sở, ban, ngênhx tỉnh cik txos chiê đơưk tu./.

(KT-Riê Lâux cxeik, nhênhv)