Trơưk li Bôv tuz lênhv Biên phôngx tỉnh Lai Châu heik pâuz, nhiv kruôr đhâu, Ủy ban qênhz yuôx Đảng ủy Bộ tuz lênhv Biên phôngx ntơưv qơư tưz kỷ luật 5 lênhx canr bôv, sỹ quan , hâur co tsi puz 2 lênhx nhoz hâur đảng. Đại tá Lê Công Thành, seiz car chính trị, Bôv tuz lênhv Biên phôngx Lai Châu heik pâuz: Chor canr bôv, sỹ quan heik sâuv tưz uô cxâuv têx cui tinhv lok sâuv seiz car thiêz têx hâux lưv zok muôz, uô cxâuv têx cui tinhv đảng viên tsi tâu uô. Kỷ luật zênhx max li ntơư tưz paz gra siêz Đảng txux chi, pênhr xưv chox car, paz lưv lươngv Bôv đôiv tuz lênhv Lai Châu uô tiêr tâu jông hâux lưv chính trị zok muôz./.

(TTTB-Riê Lâux cxeik, nhênhv)

Hnuz 19/2 nhiv kruôr đhâu (zos hnuz xiêz 8 Tsiêz) shux xênhz têx tsêr cơưv cxênhx 2 thiêz cxênhx 3 ntơưv Yên Bái tror muk cơưv ntơưr đhâu jiês so nox tsiêz. Côngz xưv phax tar moz Covid-19 tâu têx tsêr cơưv tsov cưv uô jông chiê taz por trâu hâux lưv kriê thiêz cơưv ntơưr muôx chêx cuk. Lơưr Sở zaoz zux thiêz thox cxov tỉnh Yên Bái li số laov pov cov, shux xênhz cxênhx 2 thiêz cxênhx 3 sâuv thax tsav tỉnh Yên Bái tror muk cơưv ntơưr tax 92% ntâu. Têx tiv phaz muôx shux xênhz tror muk cơưv ntơưr tax siêz zos TP Yên Bái, thị xã Nghĩa Lộ, huyện Văn Yên, Lục Yên....2 huyện tox siêz Mù Cang Chải thiêz Trạm Tấu shux xênhz tror muk cơưv ntơưr đhâu jiês so nox tsiêz tax tsơưs đuô 80%. Têx tsêr cơưv zuôr sik côngv đros chính quyênx tiv phaz vênhv tôngv shux xênhz tror muk cơưv ntơưr hâur ciêz no./.

(TTTB-Txâur Vax cxeik nhênhv)

Đhâu tsiêz têz qơưk tưv shông 2021, huyện Phù Yên, tỉnh Sơn La tưz tror xưv bluô ntov jông têx lênhx nênhs uô cxâuv cui tinhv lok phax tar moz Covid-19 hâur thax tsav.

Txix hnuz xiêz 7/2 txos nhiv no, Công an Thị trấn Phù Yên tưz qênhz yuôx, heik 29 lênhx nênhs tsi uô trơưk cui tinhv lok chox ntâuz bos kror ndâux ntơưv têx qơư côngv thôngx. Heik 8 qơư uô jâuz mor nox, tsênhv uô tsik tâu trơưk cui tinhv zos tax so tsi krêz qơư uô jâuz mor nox. Iz chas ntơư, quyết tinhv xưv bluô 5 lênhx nênhs cxoz txưv uô cxâuv tsi chox ntâuz bos kror ndâux ntơưv qơư côngv thôngx, iz lênhx trâus bluô 2 tsov đeiv.

ủy ban thị trấn Phù Yên cux uô ntơưr bluô 4 qơư muôs đêx hâuk, cà phê, đêx kaz jiz...viv tsi uô tsik tâu trơưk chêi tso tơưv./.

(Trấn Long-Riê Lâux cxeik, nhênhv)

Zar hnuz keix hnuz 21/2, ntơưv qơư seiz car y tế cêr siz yuôv IC 12, cêr muk chênhr Nội Bài-Lào Cai, lưx lươngv muôx txơưx jênhv tỉnh Yên Bái tưz yưr lir 2 lênhx nênhs cxoz txưv tsi đrês yêz chiê njuôs siv thiêz heik kriê y tế zos Lại Việt Quốc (xênhz shông 1983) nhoz phường Âu Cơ, thị xã Phú Thọ, tỉnh Phú Thọ thiêz Nguyễn Trung Thông (xênhz shông 1973) nhoz thị trấn Yên Bình, huyện Yên Bình, tỉnh Yên Bái. Lưx lươngv muôx txơưx jênhv tưz njuôs siv thiêz heik 2 lênhx nênhs no tsuv heik kriê y tế; thôngx cxix uô ntâuz ntơưr yưr lir lơưr pháp luật li cui tênhv.

Tâu pâuz, cxôngx hnuz 29/1 txos nhiv no, lưx lươngv muôx txơưx jênhv tỉnh Yên Bái uô jênhv vưv seiz car y tế ntơưv cêr yuôv IC12, cêr muk chênhr Nội Bài-Lào Cai tưz pov thiêz yưr lir 7 lênhx nênhs tsi uô trơưk têx tsưr ziv phax tar moz Covid-19./.

(TTTB-Txâur Vax cxeik nhênhv)