Zar hnuz kêix 21/5, zơưv Nguyễn Xuân Thắng, Bí thư Trung ương Đảng, Giám đốc Học viện Chính trị Quốc gia Hồ Chí Minh, Chủ tịch Hội đôngx Lý luận Trung ương thiêz đoanx côngz xưv Ban Bí thư Trung ương Đảng tưz muôx jiês  uô hâux lưv đros lênhx tov tỉnh Lai Châu lok hâux lưv kriz uô, tsưr tsix uô lơưr Bôv Chinhr trị li Chỉ thị 35 lok Đại hôiv Đảng cxuô cấp sâuv thax tsav, txos trâu Đảng li Đại hôiv têiv plor thôngz têz qơưk jiês tiv 13. Bí thư Trung ương Đảng Nguyễn Xuân Thắng sâu jênhv thiêz hênhr kruôk Lai Châu li têx sir jos hâur kriz uô Chỉ  thị 35. Đros co, hêik  tỉnh tror nhênhz chơưv tsênhz trung ương li chox kriê lok côngz xưv lênhx nênhs; tror kriz uô đuô côngz xưv cêv kuôk cán bộ phưx vưv trâu đại hôiv. Pov cov Chính trị tsuv tsov cưv txos tsar tov tsênhv tsênhz ntơưv tiv phaz; Đại hôiv tsuv tsov cưv txos uô jông đuô côngz xưv cxiv tsa Đảng, cxiv luôs chính trị; phuôx huiz sik côngv siêz cxuô mênhx cxưx, uô trâu Lai Châu zos yênhx tỉnh huôv tsar hâur ntu zuôr txos./.

(Khắc Kiên-Lik Thox cxêik nhênhv)

An Kiên nênhs sâu xor xưv nhoz Đeix nta suôz VN iz suôv faz Bắc tso mông: Tas cik hnuz 21/5 ntơưv jiês khiêz phêv lơưr kaz ciês hâur Đại hội teiv plor Đảng bộ huyện Bát Xát, tỉnh Lào Cai jiês tiv 23, Ban chấp hành đảng bộ huyện khóa yiêz six cxiv 2020-2025 tưz tsưr tsix khiêz phêv jiês xuz thơưx tso ntơưr bo xeir têx hâu nov coaz tsôngv. Lơưr co, zơưv Nguyễn Trung Triều tâu bo xeir uô Bí thư huyện ủy khóa 23. Zơưv Nguyễn Trung Triều, Bí thư huyện ủy Bát Xát hu lơưs tas nro đảng bộ thiêz tsôngv box têx mênhx cxưx hâur huyện phuôx huiz đas jos, sik côngv siêz uô zênhx liv têx tsưr ziv nghị quyết tso tơưv, sir jos chox Bát Xát yênhx huyện ntus đriv huôv tsar tiv zix tỉnh Lào Cai shông 2025./.

(An Kiên- Txâur Vax cxeik nhênhv)

Đros xar tuôr chiê, uô trâu chôngz lênhx hluôk nênhs hâur thiêz đrâuv tỉnh pâuz tâu ntâu đuô lok mênhx cxưx Thái li têx luk hêik, ntơưr sâu, iz chor shux xênhz thiêz cưk kriê ntơưr Tsêr cơưv Phôv thôngz mênhx cxưx Nội trú tỉnh Điện Biên tưz xar tơưv, cxiv tsa Dự án sik paz uô chiv chir cơưv ntơưr mênhx cxưx Thái sâuv mạng Internet. No cux zos tsưr ziv xar tơưv tưz tax tâu giải iz hâur jiês sik tưr xar tơưv hluôk nênhs thôngz têz qơưk tiv 15 shông 2019 thiêz tâu ntâuk gri zuôr paz muôx ntâu kror jông tsênhv tsênhz hâur luz nênhx. Lò Thị Kim, mênhx cxưx Thái, nhiv no tsênhv zos shux xênhz lớp 12C1 tsêr cơưv Phôv thôngz Mênhx cxưx Nội trú tỉnh Điện Biên. Thành viên câu lạc bộ “Nhiêv luk Thái” hêik:“Pêz vav tiêk zuôr paz trâu chor nênhs zos mênhx cxưx Thái, phênhv ntâu zos chor nênhs tưz zênhx pâuz luk Thái mak lơưr tsuôk zos cxêik tâu luk tsoz tsiz uô luk Thái thiêz đhâu co lơưr cơưv chor ntơưr mak zuôr sâu tâu zuk mênhx cxưx li chor ntơưr lơưv. Hok chor shux xênhz tsik zos mênhx cxưx Thái xar cơưv mak pêz zuôr cxiv uô Wedsite thiêz pêz zuôr uô têx tsưr ziv cơưv txix piz cơưv txos trâu chor nênhs cơưv tưz zênhx pâuz. Muôx ntơưr sâu, tsưr ziv hêik thiêz sâu têx ntơưr”./.

(Vũ Lợi-Lik Thox cxêik nhênhv)

Tòa án tỉnh Sơn La tror krêz jiês tik cêr cxâuv đros 12 lênhx nênhs hâur txuz uô cxâuv cêr chei jiês thik THPT têz qơưk shông 2018 ntơưv tỉnh Sơn La. Hội đồng xét xưv tưz nus têx lênhx nênhs uô cxâuv zos Nguyễn Thị Hồng Nga, Trần Xuân Yến, Nguyễn Thanh Nhàn, Đỗ Khắc Hưng, Nguyễn Minh Khoa, Cầm Thị Bun Sọn...ntơưv jiês tik cêr cxâuv, Nguyễn Thị Hồng Nga kuz chuyên viên phòng khảo thí thiêz coar lik tsơưr lươngv zaoz zux, Sở zaoz zux thiêz thox cxov Sơn La têz: Trần Xuân Yến tưz muôz trâu nưs 3 đeiv ntơưr sâu bê têx shux xênhz, số báo danh, mã đề thi, qơư thik thiêz chor điểm tsuv chuôz ndê cxaz. Đros thiêz đeiv ntơưr sâu bê têx shux xênhz mak Trần Xuân Yến muôz, bê têx shux xênhz tâu lênhx nênhs txơưr heik paz chuôz ndê điểm muôx Trần Văn Điện, Lò Văn Huynh, Nguyễn Thanh Nhàn, Đinh Hải Sơn puôr lênhx tâu pos Nga muôz trâu chiz coaz tố tụng. Yuôr Đỗ Khắc Hưng mak heik paz chuôz ndê điểm đhâu điện thoại.Tas nro têx lênhx nênhs heik paz chuôz ndê điểm thik pos puôr lênhx tsi heik txos nhiêx txiêx. Muôx Trần Văn Điện tưz uô tsâus pos thiêz muôz chor nhiêx txiêx zos 1 tỷ 40 tsov đeiv viv paz chuôz ndê điểm thik trâu 4 lênhx shux xênhz. Têz tòa án li luk nus, Trần Xuân Yến kuz Phưv giám đốc Sở zaoz zux thiêz thox cxov tỉnh Sơn La khav tênhv tsuôk heik paz seiz shuôk điểm thik xưz, tsi heik paz chuôz ndê điểm thik./.

(TTTB-Txâur Vax cxeik nhênhv)