Đros thiêz têx cêr cxâuv Toax anr tik trâu zơưv Đinh La Thăng, Trịnh Xuân Thanh thiêz chor nênhs cik txos, zơưv Hoàng Xuân Hùng, nhoz phường Nam Cường, TP lào Cai heik pâuz:

“Trơưk li cur, tik cêr cxâuv trâu chor nênhs heik sâuv zos huv đros thiêz ntơư zos iz kro lok sâuv chei têz qơưk xưv bluô têx lênhx tiz nênhs xar nox nhiêx têz qơưk. Đhâu têx txuz li no muôx têx seiz pov, txơưv lênhx tưs uô zav hâux lưv tưs lox lok sik mê, taz sik puôr lênhx tsuv xưv bluô ntov jông, côngz fênhx. No cux zos iz kro trâu hur tiz si tsôngv box sđ cux li têx hâu nov lox ntơưv têx cơ quan, ban ngênhx seiz njiê pov thiêz tsi cxoz cơưv shâuv, uô trơưk têx tsi jông ntơư; iz chas co zos uô trâu tsôngv px sđ njênhs njôngr lok Đảng thiêz têz qơưk tsưr ziv chox car”./.

(An Kiên-Riê Lâux cxeik, nhênhv)

Luôs hâux lưv Hội đôngx tu thiêz tik cêr cxâuv trâu zơưv kuz chủ tịch hội đôngx Tập đoanx trox pa VN Đinh La Thăng  nhoz 13 shông cêr cxâuv; zơưv Trịnh xuân Thành nhoz cêr cxâuv tax tas siv nênhx, viv cxoz txưv uô tuôr xuôv tas ntâu txos têz qơưs têx nhiêx txiêx, tưz tâu tsôngv px sâuv thax tsav tỉnh Điện Biên jông siêz trâu luôs hâux lưv tu txuz plâuz ntơư. Zơưv Nguyễn Tuấn Anh, zos iz lênhx px nhoz jos 17, phươngx Mường Thanh, đrôngl Điện Biên, tỉnh Điện Biên hêik pâuz:

 “Txix thâuv hnor mông zơưv Đinh Lang Thăng thiêz  zơưv Trịnh xuân Thanh trâus ntêk cxov, pêz cux tok njôngr siêz, viv oz lênhx hâu nov ntơư uô tuôr xuôv tas ntâu têz qơưs têx nhiêx txiêx”./.

                                                                   (Tsu cxêik nhênhv-TTT)

140 ntâu txuz uô yêz siz yar siz tsông tâus cêr tưz muôx yưv hâur thax tsav tỉnh Sơn La hâur shông đhâu, uô zuôr xar 80 lênhx nênhs trâul tuôs, 140 ntâu lênhx trâus saz. Pir li shông uô ntêx txo grêk tsơưs iz txuz, zuôr xar 20 lênhx trâus tuôl. Jênhv tinhv hâur six hơưv kaz shông, ziv muôx chôngz nênhs thiêz ntâu yêz mul lok tâus cêr. Chênhr viv li, Ban ngaz tuk zoz thôngz tỉnh Sơn La tưz chox kriê têx lưv lươngv muôx vax huôv sir jos fuô uô ntâu faz tsưr ziv, chiê txo grêk tsơưs têx txuz uô yêz siz yar siz tsông tâus cêr hâur thax tsav. Zơưv Trịnh Xuân Hùng, Giám đốc Sở Zoz thôngz yêz lox, Phưv tsar ban Thường trực Ban ngaz tuk zoz thôngz tỉnh Sơn La heik pâuz:

“Hâux lưv hâur shông 2018 zos chuôz tsar tiês lênhx nênhs chiê uô hâux lưv qênhz yuôx, qênhz shuôs thiêz xưv bluô ntov jông têx lênhx tiz nênhs uô cxâuv chei cheix yêz mul lok tâus cêr; nhênhz chơưv, uô jux juk têx luôs hâux lưv xưv bluô chor nênhs uô cxâuv thôngz đhâu cxeik đuôz txix camera. Uô reik đros trâu xưv bluô têx uô cxâuv thiêz yax mông, fuô kriê têz qơưk têx chei, cui tinhv chiê gra siêz lênhx nênhs cxaz chuôz cheix yêz mul lok tâus cêr li txux chi tsưr ziv jênhv pâuz thiêz uô lơưr têx chei, cui tinhv lok taz por truôx tuk zoz thôngz”./.

(Hoàng Long-Riê Lâux cxeik, nhênhv)

Zar hnuz kêix hnuz 22/1, công an đrôngl Lai Châu, tỉnh lai Châu tưz muôz ntâu zav nox trâus vuôz tsuôz kiêk nênhs thâux chox muk hlơưr por tsês. Đros ntơư, thâuv 1 six têis cik sơưr nzor hnuz 21/1, công an qênhz yuôx đrôngl Lai Châu tsênhv taz tov uô hâux lưv trâu ntơưv ntu cêr Võ Nguyên Giáp, tưz sêiz pov iz luz hnaz tso trâu ntơưv iz saz ntus cêr, lực lươngx kriz sêiz zos hnaz ntiv plaz hnhur buô tưz zuôr tsư lưx, đhâu ntơư lực lươngx tưz muôz têx plaz hnhur buô hêik sâu chor muk phâuk por tsês zos đrêiv chêi têz qơưs tso tơưv./.

                                            (Tsu cxêik nhênhv-Khắc Kiên)