Đros siêz xar phêiz kênh têx phiv liv, thôngx cxix hêik pêx xênhv sir jos hâur luz nênhx thiêz tok tsiêz shir phaz, lov jêv, tsâu sor, Ủy ban Mặt trận têz qơưk Việt Nam tỉnh Lào Cai tưz sêiz nus, khơưk muôz huv trâu chor chuôz zis muôx luz nênhx txov nhêv tiv zix ntơưv xar Tung Chung Phố (Mường Khương, Lào Cai). Ntơưv tsaz yênhx, đoanx tưz khơưk muôz 30 kror hax huv, iz kror zos 1 triệu đêiv thiêz uz hnaz huv. No zos huôx tôngv muôx tsiv gri tsênhv tsênhz hêik tơưv cêr siz hluz siz paz, đros tas nro xar hôiv tsoz phưz tsiêz trâu nênhs pluôs./.

                 (KT-Lik Thox cxêik nhênhv)

Đros siêz xar, tsi chiê tsôngv box pluôs tưs tsi muôx tsiêz nox...txos nhiv no tỉnh Lai Châu tưz muôz 3,6 tỷ đeiv cxôngx tỉnh li phênhv nhiêx txiêx, têx phênhv tâu paz txưv, têx lênhx nênhs jông siêz, têx doanh nghiệp paz txưv tâu zuôr xar 10 tỷ đeiv chiê paz txưv têx ziv chuôz zis pluôs, chuôz zis tâu sơưv cêr chei sâuv thax tsav. Têx đồng chí lênhs tov tỉnh, lênhs tov nganhx, têx huyện tưz mul seiz nus, phôngv tsiêz thiêz khơưk muôz huv trâu pox nhuôs thiêz têx zênhx pênhz phax. Zơưv Đỗ Ngọc An, Chủ tịch UB tỉnh Lai Châu puz pâuz:

“ Shông no Lai châu muôx iz kror yiêz zos tỉnh ủy tưz pheiz côngz tas nro têx đ/c tỉnh ủy viên, têx đ/c lênhs tov têx nganhx mul xênhz huôx đros têx chi bộ jêx jos, xã. Têx đ/c no muôx txơưx jênhv lov lik sik côngv đros têx sở nganhx, đoanx thêv thiêz huiz tôngv uô chiê reik đros tiv phaz, đros tsôngv box đuô tsoz phưz trâu tsôngv box jông đuô hâur six hơưv nox tsiêz no”./.

           (Lan Kiên- Txâur Vax cxeik nhênhv)

Hâur tsaz yênhx “Tsiêz lok uô cê” shông no, txix phênhv cuiv “Xar hôiv Liên đoàn lox tôngv tỉnh Sơn La” thiêz chor taz viv, nênhs siêz jông li têx paz, Liên đoàn lox tôngv tỉnh Sơn La tưz khơưk muôz 16 “Luz tsêr sor công đoàn” , xar muôx 300 kror hax huv tsiêz đros tsiv gri muôx 620 triệu đêiv ntâu trâu công nhân viên chức lox tôngv muôx luz nênhx txov nhêv sâuv thax tsav tỉnh Sơn La.

Zos iz hâur chor nênhs lox tôngv muôx luz nênhx txov nhêv tâu paz huv hâur jiês no, niêv tix Zax Thị Nhừ, cưk kriê ntơưr tsêr cơưv nhuôs zâu Lóng Luông, huyện Vân Hồ, tỉnh Sơn La hêik:“Cur tu zus oz tuk mê nhuôs, tuk tiv 2 tsênhv trâus muôx moz, chuôz zis mak lok six txov nhêv. Hnuz no tâu Liên đoàn lox tôngv tỉnh muôz puz iz kror huv zos 50 triệu đêiv chiê cxiv uô iz luz tsêr nhoz, cur zuôr zôngv chor nhiêx no cov zos li tsưr ziv zos uô iz luz tsêr cov truôx trâu 3 niêv tuz nhoz”./.

             (Trấn Long-Lik Thox cxêik nhênhv)

Ntơưv thax tsav tul ndêx 55, xã Nà Bủng, huyện Nậm Pồ, tỉnh Điện Biên. Phax tar zax zênhz thiêz nênhs phamv cxâuv ( Bộ chỉ huiz Bộ đội pênhz phax tỉnh) đros Zênhx pênhz phax Nà Bủng nhiv kruôr ntês tâu 2 lênhx nênhs zos Ly A Súa xênhz shông 1977 thiêz Hù A Chớ xênhz shông 1998 puôr lênhx nhoz ntơưv jos Huổi Hông, cụm Pa Lăn, huyện Mường Mày, tỉnh Phoong Sa Ly, têz qơưk Lào viv muôv muôs zax zênhz. Sâu tâu 6 cxênhz njiêr zax zênhz tổng hợp, 3 cir zax zênhz; 1 luz điện thoại di động thiêz iz cxiê chuôz zênhx muôx lênhx coaz. Sâu jênhv yênhx tix jông hâur tơưv txênhz Chuyên án 039L, UB tỉnh Điện Biên tưz khơưk muôz ntơưr kruôk trâu tập thể thiêz têx lênhx nênhs muôx yênhx tix jông hâur tơưv txênhz phax tar zax zênhz thiêz nênhs phamv cxâuv zax zênhz./.

            (KT- Txâur Vax cxeik nhênhv)