Uô trơưk Thủ tướng Chính phủ luôs hâux lưv 1956 chiê kriê cơưv cxuô lênhx laox tôngv nhoz thax tsav tox siêz uô hâux lưv, hâur iz shông tỉnh tox siêz Yên Bái tưz kriz tâu yênhx puô lớp cơưv kriê uô hâux lưv trâu cxuô lênhx laox tôngv nhoz hâur thax tsav tox siêz. Đhâu 7 shông uô trơưk luôs hâux lưv hêik ntơư, tỉnh Yên Bái tưz yax kriê tâu zuôr xar 69 cxênhz lênhx laox tôngv uô hâux lưv; chor cơưv đhâu uô hâux lưv cux muôx 88% lênhx muôx hâux lưv uô truôx; hâur ntơư muôx 350 lênhx tưx cxiv tsa hợp tác xã, doanh nghiệp thiêz đhâu hâur iz shông huôv tsar uô, tưz muôx 900 chuôz zis tưz hla đhâu cêr yêiz pluôs. Zơưv Lê Văn Lương, phưv Giám đốc sở laox tôngv-xã hội  tỉnh Yên Bái hêik pâuz:

  “Hâur ntu 2018-2020, pêz tsênhv sir jos hâur iz shông cov yax kriê tâu 6 cxênhz lênhx cơưv uô hâux lưv. Kror tiv 2, kriê cơưv uô hâux lưv trơưk li luôs hâux lưv 1956, hlôngr yiêz tsoz chos cov huv đros cxuô thax tsav qơư nhoz “./.

                                                         (Tsu cxêik nhênhv-Trấn Long)

Sik thav đros têx tuz sâu xor xưv VOV, zơưv Phạm Văn Khiên, Phưv Chi Cục tsar Chi cục yuôx jôngr tỉnh Điện Biên xav jênhv: Đhâu thâuv txeik tâu tsôngv box têx mông heik pâuz lok sâuv muôx iz luz yêz lox tsênhv taz tov gra, thiêx têx ntông far tôngx trâu sâuv yêz ntơưv jok Phiêng Bung, xã Mường Báng, huyện Tủa Chùa, tổ côngz xưv muôx 4 lênhx hâur Hạt yuôx jôngr huyện Tủa Chùa tưz qir muk qênhz yuôx shuôs. Qênhz pov tổ côngz xưv, lênhx nênhs tsar yêz lox tưz cxoz txưv tsar yêz muk chênhr, tsi uô trơưk cơ quan muôx vax huôv chei cov đrêk yêz, tưz tsar luz yêz lox co lok đrâu Hạt yuôx jôngr huyện Tủa Chùa luz yêz cheix uô hâux lưv. Thâuv tổ côngz xưv cov lênhx tsar yêz grêk, qênhz yuôx mak lênhx nênhs co tưz tsi uô trơưk thiêz tso têk khiêr gâuv trâu hâur xuz jôngr.  Đhâu hlo thâuv muôx têx li heik sâuv, tổ côngz xưv Hạt yuôx jôngr huyện Tủa Chùa tưz heik trâu hâu nov Ủy ban huyện, Công an huyện Tủa Chùa pâuz chiê por hưv truôx jông ntơưv qơư thiêz yơưz vơưz, zok nriêr lênhx nênhs co. Đhâu qênhz yuôx shuôs luz yêz, pov muôx 460 luz lâus chav ntông far tôngx, muôx nhos 3 yiv đruôz tsi pâuz tsênhz qơư thiêz lênhx tsưr ntông, taz sik xuz thơưx xav tinhv tâu chor ntông no tâu fax thâux txix thax tsav zov chênhr nhiês ntor cơư têx ntông far tôngx tsi trơưk chei ntơưv xã Xá Nhè, huyện Tủa Chùa lok./.                                        

                                                   (Vũ Lợi-Riê Lâux cxeik, nhênhv)

Li tưz xa mông, ntơưv jos Boong, xã Chiềng Pằn, huyện Yên Châu, tỉnh Sơn La tưz muôx yưv iz txuz uô yêz siz đrâuk siz tsông, uô 11 lênhx nênhs trâus saz. Đhâu ciês txuz uô yêz siz đrâuk siz tsông, chor nênhs trâus saz ntơư tưz tâu chox zênhx max chox muk chơưv kho trâu tsêr kho moz huyện Yên Châu, tỉnh Sơn La thiêz xav txos trâu nhiv no, chor nênhs trâus saz ntơư tưz jông mê njik. Cưk yuôx Nguyễn Tiến Thịnh, thơưx sêiz car tsêr kho moz huyện Yên Châu, tỉnh Sơn La hêik pâuz:

 “Nhiv no mak muôx iz lênhx tsênhv thor chiê chox muk chơưv kho trâu tsêr kho moz tỉnh Sơn La, lênhx nênhs ntơư cux trâus tsik saz pês tsơưs; đuô li 10 lênhx mak tưz jông mê njik, tsik yuôr lênhx nênhs tưs trâus moz saz./.

                                              (Tsu cxêi nhênh-Trấn Long)

Tuô tuk niêv đaz lâus tal, tuk zơưv vâur tsar yêz máy muk đrâu iz luz yêz ô tô lox cov tuôs taz sik tsi tuôs. Txuz plâuz no muôx yưv thâuv zar hnuz kêix 21/10 ntơưv jok 9, phường Hợp Minh, TP Yên Bái uô trâu tsôngv box sđ heik chuôs tsi txos.

Bùi Anh Mỹ (34 shông, nhoz ntơưv xã Việt Hồng, huyện Trấn Yên), tỉnh Yên Bái chox niêv lâuk Hoàng Thị L (26 shông) muk trâu hâur tsêr kruô, nhoz jok 9, phường Hợp Minh, TP Yên Bái. Ntơưv tsêr kruô co, Bùi Anh Mỹ tưz tuô niêv lâuk Hoàng Thị L. Tuô tas, Mỹ cheix yêz meir lok trâu txox cêr Âu Cơ, đhâu ntơư tso yêz muk đrâu iz luz yêz lox tsênhv tuôx tov hâur ntêx tuôx đros thiêz tsưr ziv xar zos đrâu yêz cov tuôs, taz sik tsi tuôs, mak tsuôl trâus moz mê njik xưz. Đhâu nus qênhz yuôx, Bùi Anh Mỹ krêz lênhk tiêk, nhiv kruôr tuô tuôs nênhs ntơưv tsêr kruô. Xav jênhv Bùi Anh Mỹ têx luk krêz ntơư, lưv lươngv Công an qênhz pov niêv lâuk Hoàng Thị L tưz trâul tuôs. Txuz plâuz co tsênhv tâu lưv lươngv muôx vax huôv tror qênhz yuôx, uô tsênhz mênhx. Tâu pâuz, Bùi Anh Mỹ thiêz L gơưk zos zơưv vâur thiêz niêv đaz lâus, taz sik ho nhiês siz đênhr, tưz trâus chuôz zis heik ntâu jiês./.                                                      (Tuấn Xuân-Riê Lâux cxeik, nhênhv)