Tsôngv box sđ nhoz Sơn La moz siêz txos hâur têx hnuz đhâu zos Cơ quan Công an tỉnh Sơn La tưz tso tơưv quyết tinhv xơưz xưv, tik cêr cxâuv trâu 17 lênhx nênhs, hâur ntơư muôx 15 lênhx đảng viên thiêz tso chei ntêk cơư 15 lênhx nênhs, tsi khênhr khiêr muk đhâu thax tsav qơư nhoz 2 lênhx nênhs. Tsôngv box sđ kruôs txos tỉnh Sơn La têx sir jos hâur hâux lưv phax tar nox nhiêx têz qơưk.

Mông tsênhz mênhx txix Công an tỉnh Sơn La ntơưv jiês cơưv zos Ban Tuyên giáo Tỉnh ủy seiz car zar hnuz keix hnuz 19/11 lok luôs hâux lưv qênhz yuôx xuz thơưx txuz plâuz: Tsi moz siêz uô jông hâux lưv zok muôz uô hiêv lox txos pâux nzir zuôr ar têz ntơưv thax tsav tsêr meir tênhv tênhz Sơn La. Trơưk li sox seiz, tsôngv box sđ jông siêz, thôngx ziv thiêz ntâuk grê siêz lok têx mông xa tâu sei thiêz zênhx max no thiêz chor hâu nov muôx vax huôv têx sir jos hâur lês uô luôs hâux lưv co. Zơưv Trần Minh Huấn, nhoz jok 9, phường Tô Hiệu, TP Sơn La heik:

“Cur pov cấp ủy thiêz hâu nov tỉnh Sơn La tưz sir jos uô jông hâux lưv phax tar nox nhiêx têz qơưk. Seiz cxuô tsôngv box sđ lok six jông siêz thiêz thôngx ziv. Vav chiê siêz tiêk cấp ủy, hâu nov sir jos xưv bluô ntov jông têx lênhx nênhs uô cxâuv heik sâuv chiê uô tsov iêr trâu têx canr bôv txơưr đuô tsênhv lês uô têx hâux lưv tâu zok muôz”.

Yuôr pos Nguyễn Thị Kim Thanh, Phưv Chủ tịch Hội liên hiệp têx hội Khoa học kỹ thuật tỉnh Sơn La heik:

“Canr bôv uô zuôv mak ntơư zos iz kro tsi jông hlo. Taz sik tưz uô zuôv mak tsuv lênhk nhav, tik cêr cxâuv cov txos qơư. Tsênhz tiês no zos iz kro trâu têx lênhx canr bôv txơưr đuô seiz njiê chiê sir jos uô jông zuk têx hâux lưv tâu zok muôz, cov tsôngv px sđ njênhs njôngr”.

Nhiv no tsôngv box nhoz Sơn La vav tok njôngr cơ quan muôx vax huôv zênhx max uô tsênhz mênhx têx lênhx canr bôv uô cxâuv hâur txuz plâuz no. Iz chas ntơư heik tiêk, têx cơ quan muôx vax huôv sei đrơưv sik đros xưv bluô thiêz muôz tik cêr cxâuv cov txos qơư chiê txo grêk tsơưs têx txuz jông xưk li ntơư, taz por truôx luz nênhx nox nhoz trâu tsôngv box qơư nhoz yiêz, zuôr qơư uô tsêr meir tênhv tênhz Sơn La. Zơưv Quàng Quỳnh Đôi, nhoz TP Sơn La heik:

“Cur lok six xar lênhx canr bôv tưs uô zuôv mak muôz tik cêr cxâuv cov txos qơư chiê trâu tsôngv px sđ njênhs, njênhs trâu têx hâu nov”./.                                                                                                           (TTTB-Riê Lâux cxêik-nhênhv)

Txiêz nanv zoz thôngz sâuv thax tsav tỉnh Lai Châu tưz ndê tas nro 3 luôs hâux lưv zos chor txuz, chor nênhs tuôs thiêz nênhs trâus saz hâur 11 luz hli đhâu. Tsênhv tsênhz, txos tas hnuz 15/11, sâuv thax tsav tỉnh tưz muôx yưv 87 txuz txiêz nanv zoz thôngz, uô 40 lênhx nênhs tuôs, 90 ntâu lênhx nênhs trâus saz; 80 yêz ô tô, yêz mêir trâus saz hnhar, njuôk xav têx trấu shiêv tas xar muôx 1,2 tiv đêiv. Thiếu tá Đỗ Tú Anh, phưv trưởng phongx cảnh sát zoz thôngz, Công an tỉnh Lai Châu puz pâuz: Qir tiv muôx yưv chor txuz txiêz nanv zoz thôngz sâuv thax tsav zos chor yêz cxaz chuoz zoz thôngz chuôz ndê ntâu, tiv zix zos yêz ô tô, yêz mêir, tiv zix zos yêz lox thâux hax huv muk trôngx đriv Ma Lù Thàng. Chor yêz lox thâux huv tuôx Lai Châu phênhv ntâu zos jiês xuz thơưx cxaz chuôz, tsar yêz muk lok têx cêr ndê tox, cêr lêv pâuz tsik tâu cxuô, tso siêz thâuv tsar yêz uô muôx yưv txiêz nanv. Thiếu tá Đỗ Tú Anh puz pâuz nzir:

“Phongx tưz hêik trâu ban giám đôvs Công an tỉnh, UBND tỉnh pâuz têx ntâuz ntơưr chiê chor kriê chor nganhx sik côngv chiê chox kriê côngz xưv taz por ngaz tuk zoz thôngz. Lưx lươngv cảnh sát zoz thôngz tưz chuôz cxaz qênhz yuôx, uô 2 qơư đrêk so yêz, hêik tsar yêz sêiz shuôk jông yêz uô ntêx thâuv zuôr muk đhâu ntu cêr ndê trôngz gâuk, lêv. Ntơưv oz kror qơư no zuôr muôx nênhs sêiz jor hnuz hmo, hêik tas nro cxuô zav yêz, tiv zix zos yêz kruô tsuv đrêk chiê qênhz yuôx yêz cov jông”./.

                                                                                                             (Khắc Kiên-Lik Thox cxêik nhênhv)

Chiv kôngz ntux tsâus shông no, huyện Văn Yên muôx tsưr ziv tsêz chos 2.450 ha têx kôngz chiv ntux tsâus. Txos iz đraz hli 11, tas nro huyện tưz tsêz chos tâu 2.288 ha, bâuv li 93% ntâu pir li tsưr ziv tso tơưv. Poz cưk mak chos tâu 1.765 ha, tâu 100% ntâu tsưr ziv. Hâur ntơư têx poz cưk sâuv têx liêx têz uô 2 chiv blêx 1.015 ha.... Taz sik, têx jiês đêx nas lox hâur six hơưv nhiv kruôr đhâu tưz uô 490 ha têz poz cưk chiv ntux tsâuk trâus uô hiêv, phênhv ntâu zos têx poz cưk chiv ntux tsâus sâuv têx liêx têz uô 2 chiv blêx. Chor xã trâus uô hiêv hnhar zos: An Thịnh 70 ha, Đại Phác 62 ha, Yên Phú 55 ha, Tân Hợp 23 ha, Yên Hợp 18 ha, Đông Cuông 17 ha thiêz Hoàng Thắng 15 ha./.

                                 (KT-Riê Lâux cxeik, nhênhv)