Zơưv Lường Văn Sơn, Chủ tịch Ủy ban xã Núa Ngam, huyện Điện Biên heik pâuz: Zar hnuz kêix hnuz 22/2, ntơưv xã Núa Ngam muôx iz jiês ntux tsâuk, xor đrông lox đros trâu lok nas thiêz lok lơưs uô hâu nov ntơưv qơư thiêz tsôngv box puôr lênhx trâus nyei. Ntux lok nas lox đros lơưs hâur nhos 10 phênhz. Xav têx trâus uô ruôr hiêv xuz thơưx, mak tưz uô tsôngv box  4 luz tsêr nhoz jok Ten Núa, xã Núa Ngam trâus zơưk trur tas. Txos nhiv no, ntơưv qơư tsi tâu sâu jênhv nzir têx trâus uô hiêv lok sâuv lênhx nênhs, têx kôngz, tsoz chos, tsiêx tu zus thiêz têx chuôz zênhx txơưr đuô.

Nhiv no lok sâuv hâu nov xã Núa Ngam tưz huiz tôngv têx lưv lươngv thiêz tsôngv box sđ ntơưv qơư sik đros cxiv kho, tuôv uô têx tsêr fênhz suôz nhoz tax trâu chor chuôz zss muôx vax tsêr trâus zơưk trur chiê lơưr muôx qơư nhoz, pư đhâu hmo. Iz chas ntơư cxiv tsa tsưr ziv qênhz shuôs đuô hur si têx trâus uô ruôr hiêv txơưr đuô tiv coz nas chuô lox heik sâuv uô chiê zênhx max muôx tsưr ziv paz trâu tsôngv./.

                                            (Vũ Lợi-Riê Lâux cxeik, nhênhv)

Bộ y tế nhiv kruôr cuêz tênhv uô siv kror dịch vụ y tế trâu y tế tiv phaz ntơưv 2 huyện Văn Chấn thiêz Trấn Yên, tỉnh Yên Bái. Kror dịch vuv y tế tâu cuiz tênhv ntơưv Thông tư 39 shông 2017 tâu uô lơưr txix hnuz 1/12/2017. Lơưr co, thâuv muk njuôk kho moz ntơưv huyện thiêz xã, tas nro pêx xênhv zuôr tâu sơưv 76 dịch vuv y tế đros 241 bê ntơưr yuôx muôx đros thiêz tâu thêv 100% nhiêx txiêx njuôk kho moz bảo hiểm y tế. Kror dịch vụ y tế zos 2 kror, iz kror zos cuiv Bảo hiểm y tế thêv thiêz kror tsênhv yuôr zos nhiêx txiêx têz qơưk thêv chiê paz tsoz phưz đas jos xuz thơưx thiêz paz gra siêz đas jos trâu pêx xênhv./.

                                                    (KT-Lik Thox cxêik nhênhv)

Hâur six hơưv tsiêz têz qơưk đêr shông 2018, tsêr Bảo tàng tỉnh Sơn La tok muôx nhos 7 cxênhz ntâu lênhx kruô tuôx ndis shuôs uô si seiz têx đuôz shav uz no. bảo tàng krêz trôngx txix hnuz xiêz 1 tsiêz, tso lênhx nênhs nhoz đreiv ntơưv qơư seiz jor thiêz chox kriê cêr phưx vưv tsôngv kruô tuôx ndis shuôs uô si. Iz chas ntơư, bảo tàng tỉnh tsênhv uô jông têx luôs hâux lưv phưx vưv têx hâu nov tỉnh tuôx hlơưr shaz hơưv shov ntơưv qơư nda tsêr tux Sơn La, qơư ndo côngz pâux txiêx njis têx tuz lênhv tâu tas siv nênhx thâuv ntu tir ntâuk trok châuz tsêr tux Sơn La, qơư txi côngv phuôz têik Lê Thái Tông./.

                                                   (KT-Riê Lâux cxeik, nhênhv)