Hnuz 22/9, zơưv Phạm Minh Chính, uỷ viên Bộ chính trị, Bí thư Trung ương Đảng, tsar Ban tsưr tsix Trung ơưng tưz đros đoanx uô hâux lưv trâu Ban Thường vụ tỉnh uỷ Sơn La. Zơưv Phạm Minh Chính, tưz muôz Bộ chính trị quyết tênhv uô côngz xưv so lâuk trâu zơưv Hoàng Văn Chất, kuz bí thư tỉnh uỷ Sơn La thiêz muôz Bộ chính trị quyết tênhv trâu zơưv Nguyễn Hữu Đông, uô bí thư tỉnh uỷ Sơn La ntu 2015-2020./.

                                    (Tsu cxêik nhênhv-Triệu Biên-TTT Bắc)

Ủy viên Trung ương Đảng, Phưv chủ tịch têz qơưk Đặng Thị Ngọc Thịnh- Chủ tịch Hội đồng Paz txưv cuiv pov tsơv mê nhuôs VN nhiv kruôr mul seiz thiêz khơưk muôz huv paz txưv trâu chuôz zis tâu sơuv cêr chei, chuôz zis pluôs thiêz mê nhuôs muôx luz nênhx txov nhêv ntơưv huyện Mù Cang Chải, tỉnh Yên Bái. Phưv chủ tịch têz qơưk Đặng Thị Ngọc Thịnh ntâus gri siêz têx chêx cuk huôv tsar KTXH, têx phongz yaox tưr thik mak iz huyện tox siêz txov nhêv tiv zix tas nro têz qơưk li huyện Mù Cang Chải tax tâu hâur six hơưv đhâu, tiv zix zos hâux lưv txu yeiz cxuôv pluôs....Six hơưv no Cuiv tưz khơưk muôz trâu Cuiv pov tsơv mê nhuôs zâu tỉnh Yên Bái 300 tsov đeiv. Tas nro têx phênhv huv tâu khơưk muôz hâur jiês no zos 415 tsov đeiv./.

(Pov tsir Sơn La- Txâur Vax cxeik nhênhv)

Cux zos ntơưv Yên Bái, ntênhk hội vênhx huôv, du lix Mường Lò thiêz sêiz shuôk blêx lêix tơư ntêir jông jav huyện Mù Cang Chải shông 2019 tưz tâu kriz uô trâu ntơưv thị xã Nghĩa Lộ, tỉnh Yên Bái hâur kaz ciêz đhâu. Ntơư zos ntênhk hội cux nthuôr uô ntâu cêr lov jêv, txux chi, đhiê pax vuôs cxôngx nzor trâu tsôngv kruô sđ pâuz txos. Pos Lường thị Hoàn, nhoz xã Nghĩa An thị xã Nghĩa Lộ shir phaz lul hêik: “Cur lok six jông siêz thiêz xar đros cxuô lênhx sđ nthuôr uô cxuô zav cêr lov jêv đhiê pax vuôs thiêz xar hêik kriê zuk hêir nênhs têx cêr lov jêv txux chi trâu tsôngv kruô sđ pâuz txos”./.

                  (Tsu vưx cxêik nhênh-Triệu Biên-TTTB)

Tỉnh Lào Cai tưz muôx 93 sâuv 143 xã thax tsav nôngx cxênhz tax ploz tsênhr số 4 lơưr Bộ ploz tsênhr têz qơưk cxiv tsa nôngx cxênhz yiêz li cui tênhv, chuôz ndê 35 xã pir đros thiêz kaz shông 2015. Lơưr co, 93 xã heik sâuv taz por ploz tsênhr lok tênhv tênhz tax nganhx tênhv tênhz li cui tênhv thiêz sâuv thax tsav xã muôx tsơưs tiv zix 95% ziv chuôz zis tâu sir zôngv tênhv yax six, taz por. Cxôngx nhiv no txos shông 2020, Lào Cai zuôr chêx chôngk cxơưz tiês yưv pênhr, krêz đar hâux lưv đhok tênhv tênhz; cxiv yiêz thiêz chuôz ndê công suất têx qơư biến áp tsênhv muôx nhiv no. Zơưv Hà Văn Anh, Phưv giám đốc Công ty tênhv jos Lào Cai puz pâuz:“Lơưr tsưr ziv cxôngx nhiv no txos kaz shôngk shông 2020, Công ty tênhv jos Lào Cai zuôr đros Sở công thương thiêz têx ban nganhx krêz uô lok six ntâu phênhv pênhr muôx pênhr cxênhx tsês, txeik pênhr, huiz tôngv pênhr cxôngx têx tsêr meir đêx tênhv đros pênhr hâur nganhx muôx chiê krêz uô hâux lưv yưv pênhr uô qơư tsov txos zos 100% jêx jos hâur tas nro tỉnh muôx tênhv tênhz sir zôngv”./.

(An Kiên-Txâur Vax cxeik nhênhv)

Hâur ntu nhiv kruôr đhâu tsik ntêr no, ntơưv xã Thanh Nưa, huyện Điện Biên, tỉnh Điện Biên tưz muôx yưv iz txuz uô hluôr tơưk cuz tsêr tsar lơưx, hmôngr jông cux tsik uô ruôr hiêv txos lênhx nênhs; taz sik luz tsêr tsar lơưx co đros trâu chuôz zênhx chuôz tav hauar vax tsêr tưz trâus cuz hnhiêz puôk tsuôx tas hur si, tsik yuôx zav tưs hlo; luz ntơưr tsar lơưx trâus cuz hnhiêz ntơư, zos xav nhiêx tas muôx 200 triệu đêiv.

Qir tiv zos xor tênhv tênhz txêik cuz; chênhr viv li, tsôngv px sđ tsuv ndo njôngr sêiz shuôk têx xor tênhv chuôz zis tơưk, tsik chiê muôx yưv têx tsik jông li hêik sâu./.

(Tsu vưx cxêik nhênh-Triệu Biên-BTS)