Uô tsaz yênhx njiz cử tri đhâu jiês cơưv tiv 10, Côx hôiv khóa 14, têis cik 21/11 nhiv kruôr đhâu, ntơưv thị xar Nghĩa Lộ, tỉnh Yên Bái, Ủy viên Bôv Chính trị, Thường trực Ban Bí thư Trần Quốc Vượng đros đoanx têiv plor Côx hôiv tỉnh Yên Bái tưz muôx jiês njiz cử tri chor thax tsav qơư faz Tây tỉnh Yên Bái.

Chor cử tri hêik trâu đoanx têiv plor Côx hôiv têx hâux lưv li: tror yưv pênhr uô cêr muk lok nhoz cxuô thax tsav, tiv zix zos cêr muk lok hâur jêx jok chiê paz trâu pox nhuôs sơưr đơưk huôv tsar kinh têr, hlôngr yiêz đuô luz nênhx; Hêik Côx hôiv, Chính phủ nzor muôx tsênhv chêi paz trâu huôv tsar kôngz, jôngr nuv lơưr saz uô ntâu kror; moz siêz txos chaz tênhv tênhz muk trâu têx thax tsav txov nhêv tsik tâu muôx tênhv; cxiv uô vax tsêr cxuô zav trâu hâux lưv kriê thiêz cơưv ntơưr cov jông thiêz cxix cxuô đuô./.

(Đinh Tuấn-Lik Thox cxêik nhênhv)

Cux hâur tas cik hnuz 22/11, Phưv chủ tịch Thường trực Côx hôiv Tòng Thị Phóng đros Côx hôiv đoanx côngz xưv tưz chuôs njiz cử tri ntơưv xã Mường Lựm, huyện Yên Châu, tỉnh Sơn La. Ntơưv jiês chuôs njiz cử tri, hlôngr njêx muôs hâu nov ntơưv qơư heik trâu Côx hôiv, cxuô bộ, ngênhx thiêz tỉnh Sơn La moz siêz txos cxiv kho ntu cêr txix xã Chiềng Hặc, sâuv txox cêr lox sôr 6 txos trâu tsênhv qơư xã Mường Lựm ntêr 15 cêik. Iz chas ntơư, heik cov paz max 3 jok Hmôngz huôv tsar uô nox uô hnar zos: Jok Ôn Ốc, jok Dảo thiêz Pa Khôm..... Phưv Chủ tịch Thường trực Côx hôiv Tòng Thị Phóng tưz heik trâu cử tri xã Mường Lựm pâuz lok têx hâux lưv zov hênhr mak Côx hôiv nhiv kruôr seiz lax, quyết tinhv hâur jiês cơưv tiv 10 nhiv kruôr đhâu; iz chas co sâu jênhv cấp ủy, hâu nov thiêz tsôngv px xã Mường Lựm têx sir jos hâur six hơưv đhâu lok tuôr truôx chính trị, cxuz cêr yeiz pluôs, jux juk hlôngr yiêz tsôngv px luz nênhx nox nhoz:“Hnuz no, cur tuôx hâur xã, phôngv côngz thiêz kruôs jông txos Đảng bộ, hâu nov, MTTQ xã Mường Lựm têx luôs hâux lưv uô tâu thiêz txơưx jênhv. Thiêz đhâu nêx sđ, cur xa luk nus, shuôs txos hur tiz si têx txir hloz, txir nzơưv, niêv hloz, niêv nzơưv cxuô lênhx cxuô tus hâur xã, cxuô chuôz zis lênhx tưs cux uô nênhx shir phaz lus, tsi muôx moz gênhs, uô tâu nox tâu hâuk chiê sđ hâur xã muôx luz nênhx vav mênhx, tsâu sor”./.

(Trấn Long-Riê Lâux cxeik, nhênhv)

Đhâu iz hnuz tror tu đuô txuz plâuz uô zuôv hâur thik tưr cơưv tiêr ntơưr cxênhx pêz têz qơưk shông 2018 ntơưv Sơn La, nhiv kruôr đhâu Tòa án thênhv siêz ntơưv Hà Nội tưz tror tik cêr cxâuv li kror cxâuv kuz trâu 4 lênhx nênhs. Lơưr co, Tòa án tik cêr cxâuv trâu Trần Xuân Yến, kuz phưv Giám đốc Sở zoz zux tỉnh Sơn La 9 shông cơư tux, txưr tsik khênhr uô hâux lưv 5 shông, xưv bluô nhiêx txiêx 50 triệu đêiv. Lò Văn Huynh, kuz Trưởng phongx Khảo thí thiêz Sêiz car tsơưr lươngv, Sở Zoz zux 15 shông 6 luz hli nhoz tux lok kror cxâuv jênhv txêik zuôr luôs têx nhiêx txiêx, 5 shông 6 luz hli nhoz tux tiv kror cxâuv liv zôngv zuk qênhx thâuv uô hâux lưv, tas nro zos 21 shông nhoz tux. Nguyễn Minh Khoa, kuz Phưv trưởng phongx An ninh chính trị nội bộ Công an tỉnh Sơn La 8 shông nhoz tux. Nguyễn Thanh  Nhàn, kuz Phưv Trưởng phongx khảo thí thiêz Sêiz car tsơưr lươngv zoz zux, Sở Zoz zux 30 hli nhoz tux, xưv bluô nhiêx txiêx 20 triệu đêiv./.

(Trấn Long-Lik Thox cxêik nhênhv)

Nênhs Hà Nhì nhoz Mường Tè (Lai Châu) uô nênhx nhoz trâu chor xã ntus đriv Ka Lăng, Tá Bạ, Thu Lũm, Mù Cả, pêv hâur đêx sông Đax. No zos heir nênhs nhoz Lai Châu tsênhv tuôr tâu tsês zuk heir nênhs ntâu txux chi vênhx huôv jông, hâur co muôx txux chi nox zuk heir nênhs li tsiêz thâuv nzor thiêz khênhr tâu uô nzor lok thâuv hli 10 hli ntux. Hnuz nox tsiêz qir tâu uô lok jax hnuz hâur luz 10 hli hli ntux, thâuv tsôngv box sđ tưz sâu tas têx kôngz lok tsês thiêz bax tâu cxuô zav hâur chuôz zis. Cux seiz lơưr yênhx chuôz zis muôx lok tsi muôx, tsôngv box Hà Nhì tuô buô lox lok sik mê thiêz seiz no zos têx khưr uô tâu hâur tu zus tsiêx cxu, uô kôngz lôngk đhâu iz shông. Trôngx jâuz mor txi hu pos zơưs, têx lâuk lol đros nox, đros hâuk, iz chas grêix buô mak thâuv tưs tưz zuôr tsuv muôx nduôr iz zav li nênhs Hmôngz thiêz hâux lưv no tâu chor lâuk, têx nhuôs zâu, pox niêv hâur chuôz zis bax uô. Nênhs Hà Nhì nhoz huyện ntus đriv Mường Tè, tỉnh Lai Châu luz tsiêz 30 ntơư tsênhv zos six hơưv chiê tsôngv cưr tix nênhx tsa sđ tuôx siz chuôs njiz, sik đros nox kaz hâuk luôs, sik phôngv côngz hmôngr uô tâu nox tâu hnar thiêz./.

(Khắc Kiên-Riê Lâux cxeik, nhênhv)