Lơưr Sở lox tôngv, xaz pênhz thiêz xar hôiv tỉnh Lào Cai, txos nhiv no, tưz muôx 50 ntâu kror hax huv, đros tas nro tsiv gri xar muôx 20 tiv đêiv tâu muôz ciês trâu chor nênhs tâu sơưv cêr chêi, chor taz viv lưx lươngv vũ trang sâuv tas nro tỉnh Lào Cai chiê tok tsiêz.

Chor hax huv co zos Chủ tịch têz qơưk li 4 cxênhz kror huv khơưk muôz trâu nênhs muôx côngz thiêz chuôz zis; 30 cxênhz ntâu krr huv txix tỉn li nhiêx txiêx thiêz 16 cxênhz ntâu kror huv txix chor sở, ban, nganhx, huyện, thành phố, taz viv, doanh nghiệp, tsưr tsix khơưk muôz trâu nênhs muôx côngz, chuôz zis pluôs, nếnh slâul, chor nênhs tsênhv tâu tsoz phưz tu zus ntơưv têx tsêhv qơư Côngz xưv xar hôiv tỉnh, chor taz viv uô jênhv vưv jor tsiêz, chor đônx pênhz phax sâuv thax tsav tỉnh Lào Cai.

Đuô li, tỉnh tưz zôngv nhiêx txiêx tiv phaz chiê muôz 55 cxênhz cir cxur chơưv paz yêiz plaz trâu zuôr xar 1 cxênhz ziv chuôz zis pluôs sâuv thax tsav tỉnh./.

                       (An Kiên-Lik Thox cxêik nhênhv)

Zar hnuz kêix 23/1, tỉnh Sơn La tsưr tsix njiz njêx muôs têx chuôz zis uô tâu nuv jông hâur huôv tsar uô kôngz hâur tas nro thax tsav tỉnh. No zos têx chuôz zis muôx phênhv sâu tâu siêz txix 300 tsov đeiv iz ha ar uô kôngz, tu zus vuôz ciz tâu 3 tỷ đeiv iz ha, tu zus nhux cuô mik tâu 3 tỷ đeiv iz shông tror zar sâuv.

Tỉnh Sơn La nhiv no muôx 850 ntâu chuôz zis huôv tsar uô kôngz, lax luôv uô tâu trơưk têl, phênhv ntâu zos uô jâuz, chos ntông nox txir, chos pax thiêz tu zus nhux cuô mik, tsiêx cxu, vuôz ciz..... Phênhv ntâu têx chuôz zis no tưz tâu côngz ntơưr côngk nhav thiêz uô trơưk cui tinhv, tsưr ziv uô kôngz VietGAP; cxaz chuôz huôv tsar uô nox, sâu zuôr têx kôngz jông, muôz ntâu xiv huv kôngz nuv muôx tsơưr lươngv jông, phưx vưv zoz qơưx lênhx nênhs sir zôngv hâur thiêz đrâuv luôs 2 chas tỉnh. Têx chuôz zis cux tưz paz zov chênhr trâu cxiv tsa thiêz uô yênhx thax tsav tsiv uô ntâu xiv huv, muôz hâux lưv uô thiêz cxaz nzir phênhv sâu tâu trâu nênhs lox tôngv tox siêz./.

        (Trấn Long-Riê Lâux cxeik nhênhv)

Uô lơưr jiês tsav txênhz phax tar muôs hax huv tsik zos chêi đhâu ntus đriv, nhiv kruôr đhâu, phòng cảnh sát qênhz yuôx nênhs phamv cxâuv nox nhiêx têz qơưk, kinh têr thiêz muôl muôs hax huv tsik zos chêi Công an tỉnh Lai Châu tưz cxov tâu oz lênhx nênhs thâux gra 100 cir fov ntơưr zos Trung Quốc uô. 2 lênhx nênhs trâus cxov zos Chẻo Diếu Ngan, zus shông 1992, sik đros nhoz ntơưv jok Tà Ô. Xar Vàng Ma Chải, huyện Phong Thổ, tỉnh Lai Châu. Nhiv no lưx lươngv txơưx jênhv tsênhv uô cov tiêr têx ntâuz ntơưr  chiê qênhz yuôx xưv lik lơưr cêr chêi têz qơưk li cuiz tênhv. Thiếu tá Nguyễn Minh Tiến, Phưv Phòng cảnh sát qênhz yuôx nếnh sphamv cxâuv nox nhiêx têz qơưk, kinh têr thiêz muôl muôs hax huv tsik zos chêi Công an tỉnh Lai Châu puz pâuz:“Uô ntêx mak pêz tso nênhs muk tiv phaz, cux xưk li têx qơư phiv liv nhoz ntus đriv chiê qênhz yuôx. Pêz uô jôngz côngz xưv yax kriê hêik pêx xênhv, tiv zix zos uô hâux lưv, pêz zuôr tso nênhs muk riêr pâuz lok chor nênhs fêv chiê muôx tâu tsưr ziv xưv lik thiêz tsav txênhz tir tar ndar six hơưv, tsik chiê muôx yưv phiv liv hâur ntu zuôr txos”./.

                                            (Tuyết Lan-Lik Thox cxêik nhênhv)

Phongx Cảnh sát zoz thôngz, Công an tỉnh Điện Biên heik pâuz, hâur thax tsav nhiv kruôr muôx iz txuz yêz lox mê trâus cuz hnhiêz sâuv cêr lox.

Txuz yêz cuz hnhiêz co muôx nhoz ntơưv cêik cêr 19+800, txox cêr lox 279, hâur thax tsav xã Búng Lao, huyện Mường Ảng, tỉnh Điện Biên. Sâuv ntu cêr heik co, luz yêz lox mê muôx biển sôr 75K-4112 zos Nguyễn Văn Ninh, nhoz thị trấn Tuần Giáo tsar, tsênhv muk txix Tuần Giáo trâu TP Điện Biên Phủ, têx xor tênhv hâur yêz txơưv siz txeik chis cuz tuôx. Tiv txeik chis cuz sei hâur meir tuôx, viv li tưz txeik chis cuz lox tas hur si luz yêz co. Hmôngr jông lênhx nênhs tsi trâus uô hiêv li chas. Qir tiv tâu Cơ quan muôx vax huôv xav zos viv luz yêz  co kuz, têx xor tênhv tsi yuô jông thiêx txeik chis cuz hâur qơư trâu trox tuôx.

Trơưk li Phongx cảnh sát zoz thôngz, Công an tỉnh Điện Biên heik, đros thiêz têx yêz tưz sir zôngv tâu ntêr, lênhx tsưr yêz tsuv qênhz yuôx shuôs tsi so chiê pâuz tâu nzor, hlôngr têx tsi jông, tưz kuz ntơư. Iz chas co, thâuv tsar yêz mul đhâu têx đơưv, grêk har, ndêx tox, tsuv tsar mul trơưk cui tinhv, tsi tâu muk chênhr.....tsi uô yêz cuz  thiêx tsi uô muôx têx txuz yêz cuz hnhiêz li heik sâuv./.

          (Vũ Lợi-Riê Lâux cxeik, nhênhv)