Six hơưv đhâu, Lào Cai tưz phuôx huiz tâu cxix luôk chinhr trị li đas jos hâur uô phongz yaox tsoz phưz nênhs muôx côngz đros cơưx mênhv, vênhv tôngv uô jông cơ chế tas nro Đảng, tas nro tsôngv box puôr lênhx cxaz chuôz uô jông côngz xưv tsoz phưz nênhs muôx côngz đros cơưx mênhv cxôngx têx tsaz yênhx, têx tsưr ziv uô tsênhz mênhx. Têx chế độ, tsênhv chei tsov cưv đros nênhs muôx côngz thiêz lơưr li lênhx nênhs cxênhz jê uô lơưr pháp lệnh tsov cưv txos nênhs muôx côngz đros cơưx mênhv thiêz têx ntâuz ntơưr muôx lênhx coaz; lơưr co, tỉnh Lào Cai tưz chuôz tsar côngz xưv yax mông, tso tơưv têx cơ chế, tsênhv chei, huiz tôngv tâu têx pênhr jos cxôngx têx tsưr tsix, lênhx nênhs hâur thiêz đrâuv tỉnh chiê uô tsênhv chei, chế độ đros nênhs muôx côngz thiêz lơưr li lênhx nênhs cxênhz jê sâuv thax tsav tỉnh./.  

                                                                                                                               ( KT-Txâur Vax cxeik nhênhv)

Zar hnuz kêix 23/7, sâuv txox cêr 4H, ntu đhâu thax tsav xã Nậm Ban, huyện Nậm Nhùn, tỉnh Lai Châu muôx ar poz lok cxuz cêr uô cêr muk lok tsik tâu, cêv kuôk huyện Mường Tè trâu saz đrâuv. Qơư muôx ar poz ntêr 200 thiêr, chor ar poz jêz poz lok cxuz cêr ntâu thiêz uô poz iz kror plas cêr. Nhiv nở zoz thôngz-vận tải Lai Châu tsênhv huiz tôngv ntâu nênhs thiêz chuôz zênhx chiê khưx phưx. Tix lâus Bùi Thế Mạnh, iz lênhx cán bộ nhoz thành phố Lai Châu muk uô congz xưv ntơưv huyện Mường Tè lok pov hêik:“Pêz đoàn côngz xưk lok đhâu mak pov iz luz trôngz poz lok, cxuz tas cêr. Lơưr đoàn tưz pov mak ntơưv qơư muôx ar poz cux tsênhv muôx đêx cxơưr thiêz ar cux tsênhv poz lok six ntâu. Nhiv no pêz tsuv tror lok trâu huyện Mường Tè chiê muk txox cêr txar jev đêx ngaz tsêr mêir đêx tênhv Lai Châu thiêz Sơn La chiê lok trâu thị trấn Nậm Nhung đhâu qox Lai Hà lok trâu thành phố Lai Châu”./.

                                                                                                                              (Khắc Kiên-Lik Thox cxêik nhênhv)

Tsi so hâur têx hnuz đhâu, sâuv thax tsav huyện Lục Yên, tỉnh Yên Bái muôx ntux lol nas lox, đêx ntưs lox sâuv tul đêx Chảy uô ngaz ntâu qơư. Nhiv no, yar ntux tuôx, chinhr quyênx têx tiv phaz chox kriê tsôgnv box sir jos thoz huk, nqêz vax tsêr cov hur si, tror uô kôngz lôngk. Lơưr huyện Lục Yên li pov cov, jiês đêx sâuv tul đêx Chảy pur tuôx tưz uô ngaz UB xã Minh Chuẩn li qơư uô xưv. Tas nro huyện muôx 100 luz tsêr trâus đêx ngaz, hâur co xã Minh Chuẩn muôx 25 luz, xã Tân Lĩnh muôx 50 luz thiêz xã Tô Mậu ngaz 22 luz. Đêx pur tuôx cux uô ngaz 200 hecta blêx, kôngz lôngk cxuô zav thiêz 50 hecta poz cưk./.

                                                                                                                              (Thừa Xuân- Txâur Vax cxeik nhênhv)

Piz txix tsưr ziv xar paz trâu chor nhuôs zâu tox siêz zôngx ziv đuô hâur cơưv ntơưr. Tuk nhuôs Ma Văn Hùng (15 shông, mênhs cxưx Tày, nhoz ntơưv thị trấ Tủa Chùa, huyện Tủa Chùa, tỉnh Điện Biên) shũ xênhz lớp 9, tsêr cơưv cxênhx oz Tủa Chùa tưz đros Đào Minh Anh, tuk fôngx zưs cơưv đros lớp xar tơưv uô tâu luz mêir nzuôx chuô muôx 10 ntâu kror liv lok six jông. Đros luz mêir nzuôx chuô no, ntơưv jiês thik tưr “Hluôk nênhs, nhuôs zâu txơưx xar tơưv tỉnh Điện Biên jiês tiv iz, shông cơưv 2016-2017”, Ma Văn Hùng, Đào Minh Anh tưz sơưr tiv iz đros Hôiv đồng giám khảo thiêz chôngz nênhs li shir phaz. Đhâu yênhx côngz no, Hùng thiêz Anh zos oz lênhx nênhs nhoz tỉnh Điện Biên tâu muk cxaz chuôz jiês thik tưr “Hluôk nênhs, nhuôs zâu txơưx xar tơưv thôngz têz qơưk jiês tiv 13” tsưr tsix trâu hli 10/2017./.

                                                                                                                                     (Vũ Lợi-Lik Thox cxêik nhênhv)