Nhiv kruôr đhâu, ntơưv thị xar Nghĩa Lộ, tỉnh Yên Bái muôx jiês cơưv thường trực Hôiv đôngx têx tỉnh Trung du thiêz Tox siêz faz Bắc jiês tiv 7, đros tsênhv njiêz “Hlôngr yiêz, gra siêz tsơưr lươngv têiv plox Hôiv đôngx cấp tỉnh li huôx tôngv”. Phưv chủ tịch Côx hôiv Phùng Quốc Hiển sêiz shuôk jiês cơưv. Hêik ntơưv jiês cơưv phưv Chủ tịch Côx hôiv Phùng Quốc Hiển hêik mênhx, đros cxiv luôs cơ quan pêx xênhv bâux xêir, hlôngr yiêz zos kror tsuv tâu uô sêi, tsuôk zos hlôngr yiêz thiêx zuôr tax tâu cử tri thiêz pêx xênhv siêz vav tok njôngr trâu têx cơ quan no. Phưv chủ tịch Côx hôiv hêik, tsuv hlôngr yiêz Hôiv đôngx li tsưr ziv uô hâux lưv txix nriêr pâuz cử tri li siêz xar txos trâu sêiz shuôk qênhz yuôx, sêiz kaz ntâuk gri txos trâu tso tơưv nghị quyết./.

(Thừa Xuân-Lik Thox cxêik nhênhv)

Cux ntơưv Yên Bái, hnuz đhâu 23/9, huyện Văn Chấn tsưr tsix Ntênhs tos jênhv côngz nhav Ntông di sản Việt Nam trâu 100 tsoz ntông yuôx zêx Shan lâuk nhoz ntơưv xã Sùng Đô. Chor ntông yuôx zêx ntơưv jos Giàng Pằng thiêz Làng Mảnh, xã Sùng ĐÔ, huyện Văn Chấn zos chiv chir tuôx, tsi zos lênhx tưs chos. Ntâu tsoz lox 1,2 lênhx nênhs cux puôs tsi tas, chor ntông yuôx zêx lâuk no muox nhoz sâuv 70 hecta, siêz 1 cxênhz 600 yiv pir đros niêv đêx heier, nhoz sâuv trôngz Hoàng Liên Sơn yênhx shông ntux pok huôz gi. Tsoz ntông yuôx zêx Shan cxôngx nzor lok tưz đros đreiv thiêz tsôngv box Hmôngz luz nênhx, zos tsoz ntông tsiv gri. Njuôs xav, jôngr ntông yuôx zêx Shan no zuôr yênhx iz qơư ndis shuôk jông, chuôz cxaz phênhv sâu trâu tsôngv box./.

(TTTB- Txâur Vax cxeik nhênhv)

Đhâu 10 shông kriz uô luôs hâux lưv sik côngv sêiz car lok ngaz tuk, tas ro tỉnh Sơn La tưz cxiv uô tâu xar muôx 17.900 paz nênhs sik côngv sêiz car ntơưv 100% luz jêx jok, qơư pêx xênhv nhoz sâuv thax tsav 204 xar, phường, thị trấn. No zos tsưr ziv tâu ntâuk gri tiêk muôx tsơưr lươngv, uô tâu truôx hâur côngz xưv sêiz car, phax, tar, por vêv, tu plâuz ntơưv côngv thôngx qơư pêx xênhv nhoz, paz sêiz car chor nênhs đhâu chiv xênhk zax zênhz, nênhs uô cxâuv tror lok uô nênhx đros côngv thôngx. Hâur 10 shông đhâu, paz nênhs hêik sâu tưz sêiz car thiêz hêik pâuz trâu lưx lươngv txơưx jênhv 25.000 ntơưr pênhr, hêik pâuz lok chor nênhs fêv; 5.800 xor môngz muôx tsiv gri, paz trâu lưx lươngv công an tsav txênhz, xưv lik muôx 2.300 ntâu txuz, 2.850 lênhx nênhs uô cxâuv chêi têz qơưs, phamv cxâuv zax zênhz, sâu tsês cxuô zav trâu têz qơưk muôx 4,3 tiv đêiv ntâu…/.

(Tuyết Lan-Lik Thox cxêik nhênhv)

Tas cik hnuz 23/9, Phongx phax tar zax zênhz thiêz nênhs phamv cxâuv Bộ đội pênhz phax tỉnh Điện Biên đros Zênhx pênhz phax Thanh Luông ntês tâu iz lênhx txir nênhx thâux tsi trơưk chei zax zênhz muk đhâu ntus đriv. Đhâu qênhz yuôx, tuêv côngz xưv pov muôx iz đeiv zênhz đơưz, 2 poz njuôz ntiv 400 njiêr zax zênhz shơư yuôx, 1 luz điện thoại di động. Ntơưv chiz coaz qênhz yuôx, lênhx nênhs tâu xav tênhv zos Lò Văn Hương, xênhz shông 1969 nhoz tuêv 8c, xã Thanh Luông, huyện Điện Biên, tỉnh Điện Biên. Hương jênhv zuôr chor zax zênhz heik sâuv cxôngx saz ntus đriv đrâuv lol chiê chox mul muôs, thâuv tsênhv chox mul muôs txơưv trâus lưx lươngv muôx txơưx jênhv ntês cxov. Nhiv no hâux lưv no tsênhv tror tâu chiz coaz muôx txơưx jênhv qênhz yuôx uô cov tsênhz mênhx./.

(Vũ Lợi-Txâur Vax cxeik nhênhv)