Đhâu xar muôx 6 luz hli tso tơưv jiês thik tưr “Tsưr ziv xar tơưv uô nox” tỉnh Sơn La jiês tiv 3 shông 2020 tưz zaz zâuv tâu muôx 135 tsưr ziv dự thik. Ban tsưr tsix tưz xêir tsov tâu 9 tsưr ziv, dự án jông lok têx hâux lưv li: công nghệ thôngz mông; thương mại, dịch vụ; tênhv qơư tir tar qiv hơưv txơưr txar; chos kôngz lôngk, tu zus tsiêx cxu; kôngz jôngr nuv, tsiêx đêx; dịch vụ kôngz nuv…Cầm Thị Ngọc, nhoz huyện Thuận Châu li Dự án “Sir zôngv công nghệ vi sinh hâur huôv tsar tu zus kêiz thiêz uô têx hax huv txix kêiz đuz grêis Hmôngz tso vax ntơưv huyện Thuận Châu” tưz tax tâu giải iz. Ban tsưr tsix cux khơưk muôz 2 giải 2, 3 giải 3 thiêz 3 giải khuyến khích trâu chor nênhs muôx têx tsưr ziv uô jông. Tix lâus Nguyễn Duy Dũng, Phưv Bí thư tỉnh đoàn Sơn La puz pâuz: “Đhâu chấm thik mak pêz cux pov tâu chor nênhs muôx jax thik li sir jos hâur xar tơưv têx tsưr ziv co; đros co zos sir zôngv hâur luz nênhx mak cux zos iz kror jông hâur shông no, muôx têx tsưr ziv tưz tâu uô iz phênhv tưs hâur luz nênhx lơưv”./.

(Trấn Long-Lik Thox cxêik nhênhv)

Heir nênhs Cống zos iz hâur 19 heir nênhs uô nênhx nhoz hâur thax tsav tỉnh Điện Biên, iz chas ntơư zos iz hâur 5 heir nênhs tsơưs nhoz hâur thax tsav qơư no. Thâuv tưs txos luz 9 hlik, 10 hli hli ntux niêx shông, tưz lêis sâu tas têx kôngz lok tsês, “nox mor blêx yiêz”, zos nênhs Cống nhoz têx jêx jok Huổi Moi, Púng Bon, xã Pa Thơm, huyện Điện Biên ho shir phaz lus, sik zâuv bax trâu tsiêz iz keiz. Zơưv Lò Văn Sam, tsar jok Huổi Moi heik pâuz: Shông no, sđ lêis sâu tas têx kôngz nzor, viv li, tsôngv px hâur jok nox tsiêz iz keiz nzor đuô shông uô ntêx. Co zos six hơưv chiê tsôngv px ndo txos chor lâuk, pos zơưs têx côngz txiêx njis thiêz txi hu têx đaz xênhz têz xênhz qơư..... lok đros nox đros hâuk, viv tưz đros por hưv, paz trâu tsôngv px sđ uô tâu nox tâu hnar, tsi muôx moz gênhs, nox nhoz luôs nxi./.

(Báo ảnh DTMN-Riê Lâux cxeik, nhênhv)

Ntơưv tỉnh Yên Bái, zơưv Lương Thanh Lập, Bí thư Đảng ủy, Chủ tịch UBND xar An Lạc, huyện Lục Yên (Yên Bái) puz pâuz, zar hnuz kêix 22/11 pêx xênhv pov cưk kriê ntơưr Vi Thị Loan, zus shông 1969, uô côngz xưv ntơưv tsêr cơưv cxênhx iz An Lạc (xar An Lạc, huyện Lục Yên, Yên Bái) tưz đêi chax đaz tuôs; cưk kriê Loan tuk nhuôs tuz (zus shông 2009) thâuv pov cux tưz trâus tuôs sâuv txax. Tâu pâuz, cưk kriê Loan muôx oz tuk mê nhuôv: tuk nhuôs nxêik hloz zus shông 1995 tưz zuôr txir thiêz nhiv no tsênhv uô nênhx nhoz ntơưv thành phố Yên Bái; tuk nhuôs tuz mak tsênhv cơưv ntơưr ntơưv iz luz tsêr cơưv cxênhx oz nhoz huyện Lục Yên. Cưk kriê Loan tưz đrâux txir, đhâu co zuôr tuk txir oz, taz sik cux tưz nhiêk nhoz nhiêk lơưv. Cưk kriê Loan thiêk tuk nhuôs tuz tsênhv nhoz ntơưv tsêr cơưv ntơưr cxênhx iz An Lạc luz tsêr công vụ. Nhiv no txuz hâux lưv tsênhv tror tâu qênhz yuôx cov tsênhz mênhx./.

                                                                                 (Đinh Tuấn-Lik Thox cxêik nhênhv)