Chiê txo grêk cêr yêiz pluôs truôx đrênhk, tưz tau Đảng bộ cxuô tỉnh faz Bắc xav tâu tiêk, ntơư zos iz luôs hâux lưv zov chênhr tsuv uô cov tâu truôx, huv đros. Chênhr zos uô tâu trơưk li luôs hâux lưv tso tơưv, nhiv no chor chuôz zis pluôs hâur thax tsav cxuô tỉnh faz Bắc tưz txo grêk tsơưs 4% hauar iz shông. Ntơư cux zos hâu nov cxuô tỉnh faz Bắc têx luôs hâux lưv sir jos uô tâu truôx, zos đrêiv li Nghị quyết đại hội Đảng bộ ntu 2020-2025 thiêz Đại hội hur si têz qơưs jiês tiv 13 luôs hâux lưv tso tơưv. Zơưv Trịnh Xuân trường, chủ tịch uỷ ban tỉnh laox cai hêik pâuz: “Pêz xav tâu tiêk, luôs hauax lưv txo grêk yêiz pluôs zos iz luôs hâux lưv zov chênhr tsuv uô cov tâu truôx txuôk đros luôs hâux lưv cxiv tsa jêx jos yiêz. Luôs hâux lưv cxiv tsa jêx jos yiêz, txo grêk yêiz pluôs truôx đrênhk tưz tâu kriz uô đêz đar. Đros ntơư, Laox Cai cux muôx têx faz tsưr ziv uô yiêz, huv đros tsôngv px hâur thax tsav qơư nhoz, cov tsôngv px nhoz cxuô huyện hâur thax tsav tỉnh Laox Cai txo grêk tâu yêiz pluôs”./.

                                                                    (Tsu cxeik nhênhv-TTTB -Thào Ly BT)

Hnuz đhâu 23/2, UB huyện Tân Uyên, tỉnh Lai Châu tưz tso tơưv Cuiz tênhv xưv phuôv uô cxâuv hành chính lok vênhv thix y tế đros iz lênhx bác sĩ uô côngz xưv ntơưv Tsênhv qơư y tế huyện zos zơưv Hoàng Đình Thưởng, nhoz thị trấn Tân Uyên, huyện Tân Uyên viv tsi heik kriê lok zuk li zav moz cik nhoz chor moz cik A. Cxôngx hnuz 22 txos hnuz 25/1/2021, zơưv Hoàng Đình Thưởng tưz muk txos ntâu tiv phaz hâur thax tsav muôx moz huôv xênhz nhoz tỉnh Hải Dương. Cxôngx tas cik hnuz 26/1, zơưv Thưởng tror lok tiv phaz thiêz muk uô hâux lưv ntơưv tsênhv qơư y tế huyện Tân Uyên, cxaz chuôz ntâu huôx tôngv sâuv thax tsav, taz sik txos zar hnuz keix hnuz 16/2, zơưv thiêx muk heik kriê y tế. UB huyện Tân Uyên tưz tso tơưv cuiz tênhv xưv phuôv đros zơưv Hoàng Đình Thưởng chor nhiêx zos 10 tsov đeiv thiêz tsuv cêv kuôk y tế lơưr cui tênhv nhiv no./.

(TTTB-Txâur Vax cxeik nhênhv)

Hâur thax tsav tỉnh Laox cai, muôx iz cxiê tsêr mnov cux muôx tsôngv kruô ndis ntux tuôx sêiz shuôk txos hâur shôngk shông yiêz. Ntơư zos têx tsêr mnov  Tam Bảo, Bảo Hà…Hâur shôngk shông yiêz no,  chor kruô tuôx ndis uô si cux txo grêk tsơưs ntâu thiêz tsôngv px cux pâuz tir thêir caz moz gênhk Covid-19; hâur ntơư tsik chêx chôngk chôngz lênhx nênhs. Zơưv Nguyễn Thế Dũng, phưv tsar Ban sêiz car têx qơư di tích đrôngl Laox cai cux hêik pâuz tiêk: Nhiv no uỷ ban tỉnh, thành phố cux chõ car uô truôx luôs hâux lưv tir thêir caz moz gênhk, tsik chiê caz moz gênhk Covid-19 cik đêz đar trâu côngv thôngx./.

                                                      (Tsu cxeik nhênhv-VOV-Thào Ly BT)

Zar hnuz keix hnuz 23/2, tas nro 43 taz viv tsêr cơưv sâuv thax tsav TP Sơn La, tỉnh Sơn La tưz uô tiêr côngz xưv tsuôk yuôx tuô caz moz, uô vêv xênhz lớp cơưv, taz por chiê tos shux xênhz tror tuôx cơưv ntơưr lok hnuz no 24/2. Pos Nguyễn Thị Hương Giang, Tsar phongx zaoz zux thành phố Sơn La puz pâuz: Phongx cux heik nênhs sơưr thơưx têx tsêr cơưv muôx txơưx jênhv heik cán bộ, cưk kriê, nhân viên, nênhs lox tôngv thiêz shux xênhz uô jông têx cui tênhv lok phax tar moz Covid-19:“Đros têx tsêr cơưv cxênhx mê nhuôs zâu thiêz cxênhx 1 muôx shux xênhz nox so bán trú, phongx chox kriê têx tsêr cơưv sik côngv đros trạm y tế têx xã, phường thiêz shux xênhz li niêv txir bax jông cxuô zav, truôx siêz uô têx tsưr ziv uô mor trâu shux xênhz thâuv shux xênhz tror tuôx cơưv ntơưr. Phongx cux chox kriê têx tsêr cơưv uô jông cui tênhv chox đeiv bos kror ndâux, njuôs siv chêr, zôngv cuô đêx yuôx nzuôr tês, tiv zix zos tsi tsưr tsix têx huôx tôngv cxuô”./.