Hiệp định VN-EU zuôr muôs hax huv, tâu uô txix hnuz xiêz 1/8. Ntơư cux zos iz luôs hâux lưv jông trâu Sơn La ngênhx kôngz nuv txix muôx têx txir ntông li: Txir lưv tsiz, yuôx zêx, cà phê, thanh Long, txir mo môngk…Lar hêik zos hâur têx shông đhâu lok no, tỉnh tưz muôs cxuô zav txir ntông hêik sâu trâu 12 luz têz qơưs sâuv ntiêx têz thiêz tsênhv zuôr muôx têx txir ntông hêik sâuv trâu 27 luz têz qơưs EU. Zơưv Nguyễn Quốc Khánh, phưv chủ tịch uỷ ban tỉnh Sơn la cux hêik:  Sơn La cux sir zôngv cxuô faz tsưr ziv chos cxuô zav txir ntông, kôngz lông cov zos đrêiv tsưr ziv kriê chiê muôs trâu cxuô luz têz qơưs hêik sâu, tsôngv px muôx phênhv sâu tâu nhiêx txiêx chox lok cxiv kho chuôz zis, muôx luz nênhx tsâu sor./.

Tsu cxêik nhênhv-Tuyết Lan-Chia  BT

Cux nhoz Sơn La, ntâu shông đhâu, pox niêv mênhx cxưx Hmôngz nhoz xã Lóng Luông, huyện Vân Hồ (tỉnh Sơn La) tsi taz tuôr tsês tâu cêr chax chês jông mak tsênhv huôv tsar tâu hâux lưv xơưk tsôngs yo mênhx cxưx, yênhx xiv huv jông cxơưz cxiz huôv tsar ju lix ntơưv tiv phaz. Xã Lóng Luông muôx 83% zos tsôngv box mênhx cxưx Hmôngz nhoz uô nênhx. Phênhv ntâu pox niêv Hmôngz nhoz Lóng Luông tsênhv khênhr hnar tsôngs yo mênhx cxưx hâur xênhzuôx, lox tôngv. Tiv zix, ziv hnuz ziv muôx ntâu pox niêv xeir tsưr ziv huôv tsar hâux lưv xơưs tsôngs yo mênhx cxưx lơưr saz uô hax huv, uô têx xiv huv phưx vưv ju lix. Txos nhiv no, sâuv thax tsav xã Lóng Luông tưz muôx 20 ntâu ziv chuôz zis uô hâux lưv no, puz ntiêr, muôs tsôngs yo mênhx cxưx thiêz têx xiv huv pax ntâuz txơưr li mov, fuôv, hnaz..../.

(Báo SL-Txâur Vax cxeik nhênhv)

Hâur ntu nhiv kruô đhâu tsik ntêr no, lực lươngx chơưv paz tưz zok nriêr tâu tus txir nênhz muk uô nênhs lok hla đhâu đêx trâus đêx cuôr yôngz hâur iz ciêz đhâu uô ntêx ntơưv xã Tả Củ Tỷ, huyện Bắc Hà, tỉnh Laox cai. Uô ntêx ntơư,  hnuz 14/8, tus cưk txir nênhz zos  vàng Văn S, hêir nênhs Tày, xênhz shông 1950 nhoz xã Tả Củ Tỷ; thâuv muk uô nênhz ntơưv huyện Xín Mần, tỉnh Hà Giang tror lok hla đhâu iz tus đêx thiêx đhâu đêx cuôr yôngz thiêz txos trâu hnuz 22/8, lực lươngx thiêx zok nriêr tâu lênhx nênhs trâus pôngz đêx hêik sâu./.           Tsu cxêik nhênhv-An Kiên -Chia BT

Uỷ ban  xã Lang Thíp, huyện Văn Yên, tỉnh Yên Bái nhiv kruôr khơưk muôz ntơưr kruôk trâu zơưv Nguyễn Văn Dũng nhoz jos Nghĩa Dũng viv tưz chơưv tâu 5 lênhx nênhs trâus đêx nas cuôr yôngz. Zơưv Lê Minh Lập, Chủ tịch UB xã Lang Thíp puz pâuz, hâur têx hnuz ntux lok nas lox, tas cik hnuz 19/8, zơưv Nguyễn Văn Dũng, xênhz shông 1961 jênhv tâu xor mông muôx 5 lênhx txir nênhx nhoz xã Tân An, huyện Văn Bàn, tỉnh Lào Cai muk muôz tơưs sâuv tul đêx Liêz tưz trâus đêx nas cuôr yôngz. Ciês thâuv co, zơưv Dũng tưz muk yêz gox đêx txos ntơưv qơư đêx ntưs lox, ciêr chênhr chơưv tâu têx lênhx nênhs no. Uô ntêx thâuv chơưv tâu, 5 lênhx nênhs no tsênhv tuôr iz zas ntông lox yôngz sâuv đêx cxôngx Lào Cai muk Yên Bái tâu 10 cei cêr. Thâuv pâuz lok xor mông no, UB xã Lang Thíp tưz cuiz tênhv khơưk muôz ntơưr kruôs trâu zơưv Nguyễn Văn Dũng viv tưz uô tâu iz hâux lưv jông./.

(Thừa Xuân-Txâur Vax cxeik nhênhv)