Ndaz ndơưv Tsiêz Buô shông 2019, Phưv chủ tịch côx hôiv Đỗ Bá Tỵ đros đoanx teiv plor côx hôiv tỉnh Lào Cai tưz mul seiz, khơưk muôz huv trâu têx lưx lươngv vũ trang, lênhx nênhs tâu sơưv cêr chei sâuv thax tsav tỉnh Lào Cai. Phưv chủ tịch côx hôiv heik 3 lưx lươngv tsuv heik kriê jông Đảng, Bộ côx phax, Bộ công an li têx chỉ thị, Nghị quyết. Tsuv pâuz tsênhz qênhx shênhx tsênhv tsênhz chiê sik seiz lax thôngx ziv hâur têx taz viv muôx tsưr ziv jông tiv zix tơưv txênhz, por vêv ntus đriv thiêz tuôr truôx txiv ngaz. Phưv chủ tịch côx hôiv Đỗ Bá Tỵ heik hâur six hơưv nox tsiêz, têx taz viv tsuv cê taz por côngz xưv tơưv txênhz, thôngx cxix tsưr tsix têx tsaz yênhx uô si, tos tsiêz yiêz shir phaz, sor si, taz por./.

                              (An Kiên- Txâur Vax cxeik nhênhv)

Chiê cov muôx cêr shir phaz lul hâur tsiêz chêix ntux yiêz shông 2019, têis cik hnuz 24/1,  công an tỉnh Điện Biên tưz tsưr tsix sik tưr krưr mor txâuv puôz thiêz tuôr nduôr đros trâu nthuôr uô cêr lov jêv.

Hâur jiês tưr tuôr nduôr thiêz krưr mor txâuv puôz no, tưz tâu chor tuz lênhx hluôk công an tỉnh điện Biên tsưr tsix uô cov khơưk tsês chiê cxuô hêir nênhs têx txux chi, vênhx huôv jông  cov muôx đros đreiv hâur têx hnuz tsiêz, cux li tsưx phưv truôx thax tsav qơư nhoz, thax tsav ntus đriv./.

               (Tsu cxêik nhênhv-Tuyết Lan)

Lưx lươngv muôx txơưx jênhv tỉnh Lai Châu tror chêx chôngk jông trâu côngz xưv seiz car, qênhz yuôx thiêz yưr lir txos qơư đros lênhx nênhs uô cxâuv thâuv tsar yêz teiv, yêz kruô zôgnv chơưr bia, zôngv zax zênhz. Đại tá, Bùi Gia Lượt, Phưv giám đốc Công an tỉnh Lai Châu puz pâuz: “Pêz tưz heik txos cán bộ chiến sĩ thiêz têx đoanx thiêz khav tênhv tsi muôx uô cxâuv. Zos muôx lênhx nênhs uô cxâuv mak pêz truôx siêz yưr lir. Co zos tas nro Ban giám đốc thiêz tỉnh li chủ trương chox kriê lênhs tov”./.

                       ( Khắc Kiên- Txâur Vax cxeik nhênhv)

Trơưk li cục sêiz car tu zus tsiêx cxu tỉnh Yên Bái hêik pâuz, xav txos trâu hnuz 23/1, hur si tỉnh tưz muôx 21 xã, phươngx nhoz 4 huyện, thành phố li: Văn Yên, Trấn Yên, Lục Yên thiêz đrôngl thành phố Yên Bái, tưz pov muôx yưv moz ơưk buô kror ndâux hlê krâur.

Li ntơư, đhâu zuôr xar iz luz hli muôx yưv caz moz ơưk buô kror ndâux hlê krâur, tỉnh Yên Bái tưz pov muôx 868 tus buô trâus cik moz thiêz muôz 440 tus buô chox muk hlơưr por tsês./.

                                          (Tsu cxêi nhênh-Trịnh Xuân)