Hâur 3 shông đhâu, hâur thax tsav tỉnh Sơn La tưz pov muôx yưv 481 lênhx px muk uô jos trâu luôs oz chas têz qơưs tsik trơưk chêi; phênhv ntâu zos muk trâu têz qơưs Lok Tsuôk thiêz têz qơưs Suôr. Qir tiv zos tsôngv px tsik muôx hâux lưv uô thiêz luz nênhx tsênhv njiz ntâu cêr txov nhêv thiêx muk uô jos tsik trơưk chêi trâu luôs oz chas têz qơưs. Iz cxiê lênhx px zos muôx nênhs cxênhz jê thiêx muk uô jos. Đinh Quang Phửa, phó trơửng phôngx công an tỉnh Sơn La hêik pâuz:

  “ Kror zov chênhr zos tsuv uô jông luôs hâux lưv yax kriê trâu tsôngv px sđ, viv chor nênhs muk uô jos tsik trơưk chêi trâu luôs oz chas têz qơưs, zos chor nênhs nhoz thax tsav jêx jos tox siêz đêz đrôngl, muôx luz nênhx txov nhêv. Kror tiv oz, tsuv fuô yax kriê cov tsôngv px sđ pâuz tsênhv lok têx tsik muôx liv, viv muk uô jos tsik trơưk chêi trau oz chas têz qơưs”./.

                                                         (Tsu cxêik nhênhv-VOV4)

10 hli ntâu đhâu, tưz muôx zuôr xar 1,4 tsov lênhx nênhs tuôx trâu têx tsêr kho moz, Tsênhv qơư Y tế hâur thax tsav tỉnh Yên Bái chiê seiz njuôk shuôs, kho moz, txo grêk tsơưs lênhx pir li shông uô ntêx. Taz sik, iz cxiê zav moz txơưx siz cik muôx lênhx nênhs trâul moz yiêz hâur hli 10 shông no ho tsar ndê pir li têx luz hlik uô ntêx li: Moz khâuz thuôs, moz kruô tâuv, moz kror ndâux têk tơư....

Txix qênhx shênhx têx zav moz muôx têx huôv xênhz ntâu hâur cheix ntux txơưr txar phiv liv, zuôr no jux juk, Ngênhx y tế tỉnh Yên Bái tưz chox kriê têx Tsênhv qơư y tế, qơư seiz njuôk shuôs moz nhoz hâur têx tsênhv qơư thiêz taz viv cik txos chuôz tsar tiês uô jông hâux lưv seiz kaz, phax tar têx moz gênhs hâur cheix ntux txơưr txar; muôx tsưr ziv phax tir thêir têx moz txơưx siz cik nhoz lênhx tiz nênhs. Pos Lê Thị Hồng Vân, Phưv Giám đốc Sở Y tế tỉnh Yên Bái heik pâuz:

“Hâur ntu nhiv no mak zôngx ziv trâu cxuô zav caz moz huôv xênhz. Chênhr viv li ntơư, Sở Y tế sir jos fuô uô têx tsưr ziv phax tar moz gênhs, chuôz tsar kriê cxaz têx txux chi tsưr ziv yuôr trâus trâu chor canr bôv y tế seiz njuôk shuôs, kho moz. Hux jos đros ngênhx zoz zux chiê uô hâux lưv phax tar têx moz gênhs hâur tsêr cơưv.....”./.

                                                                 (Thừa Xuân-Riê Lâux cxeik, nhênhv)

Ciêz vênhx huôv Mường Khương, huyện Mường Khương, tỉnh laox Cai shông no, zuôr tâu tsưr tsix hâur oz hnuz txix hnuz xiêz 10 txos hnuz 11/11 trâu ntơưv đrôngl  huyện Mường Khương.

Hâur jiês kriz ciêz vênhx huôv no zos, nthuôr uô cêr lov jêv, vênhx huôv cxôngx nzor; njuôk jos, truz  hluô thiêz hêik lok cxuô chuôz zênhx sir zôngv hâur niêx hnuz nhoz thax tsav jêx jos tox siêz.

Đros ntơư, cux hêik kriê lok cxuô zav nôngz kôngz đros trâu cxuô hêir nênhs hâur thax tsav nthuôr uô cêr lov jêv đhiê pax vuôs trâu tsôngv kruô sđ sêiz./.

                                                                 (Tsu cxêi nhênh-VOV4)

  Lưv lươngv phax tir thêir têx lênhx nênhs zuôr muôs, uô luôv zax zênhz thiêz têx nênhs fêv uô cxâuv chei têz qơưk, Bộ đội Pênhz phax tỉnh Điện Biên nhiv kruôr đros Zênhx pênhz phax trôngx đriv ntiêx têz Tây Trang thiêz  Hải quan Điện Biên ntêk tâu iz lênhx pox niêv, thâuv tsênhv thâux gra tsi trơưk chei 5 cxênhz njiêr yuôx shơư zênhz txix Lok Tsuôl lok trâu VN.

Ntơưv Cơ quan qênhz yuôx, lênhx pox niêv no tâu xav zos Lò Thị Hương, xênhz shông 1975, nhoz ntơưv jok 16, xã Noong Luống, huyện Điện Biên, tỉnh Điện Biên. Xuz thơưx Hương krêz lênhk tiêk, hâur six hơưv tsi so muk saz tov Lok Tsuôl zuôr muôs xiv huv, Hương tưz pâuz thiêz sưv iz lênhx nênhs hu uô Mọn nhoz jok Sốp Hùn, huyện Mường Mày, tỉnh Phong Sa Lỳ, têz qơưk Lol Tsuôk. Đhâu six hơưv siz pâuz, siz sưv, Hương tưz zuôr chor zax zênhz sâuv gra lok VN chiê muôs, txos luz six hơưv heik sâuv txơưv trâus ntêk tâu.

Nhiv no Bộ đội Pênhz phax tỉnh Điện Biên tưz choz zok lênhx nênhs thiêz têx chuôz zênhx cik txos trâu cơ quan muôx vax huôv chiê tror qênhz yuôx, uô tsênhz mênhx./.

                                                        (Vũ Lợi-Riê Lâux cxeik, nhênhv)