Ntux nas lox tror uô hiêv ntâu sâuv thax tsav tỉnh Lai Châu. Thôngz sâu yiêz tiv zix, chor nênhs trâus tuôs, trâus saz thiêz tsik pov nhoz tiv phaz ndê muôx 16 lênhx nênhs. 5 lênhx nênhs tsik pov puôr lênhx nhoz jok Nậm Há 1, xar Noong Hẻo, huyện Sìn  Hồ. Ntơưv chor huyện Than Uyên, Tân Uyên, Sìn Hồ, Tam Đường, ntux nas cux uô đêx ngaz muôx 200 ntâu héc ta blêx; ar cxuz, cuôr yôngz tas 100 ha poz cưk, jâuz tâuv cxuô zav thiêz 7 ha ntâu pak njêl; 20 ntâu côngz trinhx đêx liv thiêz đêx sir zôngv trâus puôk tsuôx. Chuôs li chor cêr muk lok trâus muôx ar poz. Tiv zix, ntu cêr muk jok Nậm Cầy, xar Sà Dề Phìn, huyện Sìn Hồ muôx ar poz, cêv kuôk xar muôx 20 ziv chuôz zis, nhiv no chính quyền tiv phaz tsênhv paz mỳ tôm thiêz đêx hâuk. Tỉnh Lai Châu tsênhv huiz ntôngv cxuô lênhx nênhs chiê zok nriêr chor nênhs tsik pov; hêik chor tiv phaz qênhz yuôx, txar qơư nhoz sêi đrơưv trâu chor chuôz zis zuôr njiz trâus phiv liv tiv đêx ngaz cuôr thiêz ar poz./.

(Khắc Kiên-Lik Thox cxêik nhênhv)

Txos zar tsâuk ntux hnuz 24/6, xã Túc Đán, huyện tox siêz Trạm Tấu, tỉnh Yên Bái cux tsênhv trâus kuôk cêv muk tsi tâu đhâu luôs 2 chas thax tsav đrâuv, đhâu thâuv tuk qox đei muk hâur xã trâus tu têx xor hlâu, lor puôk tsuôx tas. Tuk qox đei trâus tu xor hlâu co zos qox Nậm Đông, cxiv uô hâur thax tsav xã Nghĩa An, thị xã Nghĩa Lộ, tỉnh Yên Bái. No zos tiz tuk qox muk trâu hâur xã Túc Đán, huyện Trạm Tấu. Thiêz hmôngr jông tuk qox no trâus tu xor hlâu, lor thâuv iz tas hmo (muôx nhos 12 six iz tas hmo hnuz 24/6 ntơư), tsi uô hiêv li chas txos lênhx tiz nênhs thiêz têx yêz mul lok đhâu. Nhiv no, hâu nov ntơưv qơư thiêz cxuô ngênhx muôx vax huôv tsênhv tuôr xav cxuô faz tsưr ziv chiê cxiv kho cov tâu zênhx max trâu tsôngv box sđ tâus mul lok đhâu./. 

(Đinh Tuấn-Riê Lâux cxeik, nhênhv)

Ntơưv iz cxiê ntu cêr zov chênhr nhoz Điện Biên li: txox cêr 12, txox cêr 4H, txox cêr 279 nhiv kruôr muôx yưv têx qơư ar poz zâu. Taz sik, nhiv no Điện Biên cux tsênhv muôx ntux nas, têx qơư lok nas lox. Viv li txos hnuz 26/6, tỉnh Điện Biên cux zuôr tror muôx đêx ngaz cuôr nhoz têx đêx thiêz ar poz zuôr muôx yưv hâur tas nro tỉnh. Tiv zix, chor tiv phaz li huyện Mường Nhé, Nậm Pồ, Mường Chà, Tủa Chùa, Tuần Giáo, thị xar Mường Lay thiêz thax tsav iz ndis zuôr muôx đêx ngaz cuôr, ar poz siêz. Hêik pâuz phiv liv tiv ntux têz uô hiêv nhoz thênhv 1./.

(Vũ Lợi-Lik Thox cxêik nhênhv)

Trơưk li Sở Zoz zux thiêz thox cxov tỉnh Lào Cai, txơưv tiêk ntux nas tsênhv lok six phiv liv nhoz tỉnh Lào Cai thiêz iz cxiê thax tsav qơư nhoz jê iz ndis, taz sik viv tưz bax uô jông cxuô luôs hâux lưv uô ntêx viv li hur si têx shux xênhz zuôr qir tưr thik tâu jông jiês thik cơưv tiêr ntơưr lớp 12 thôngz têz qơưk 2018 tâu truôx tuk, taz por tsi muôx lênhx shux xênhz tưs viv ntux nas hloz mak tuôx tưr thik tsi tâu. Iz chas ntơư, txix ciês hnuz 23/6, tas nro têx shux xênhz nhoz đêz puôr lênhx tưz tuôx nhoz jê trâu têx qơư thik, shux xênhz tưs muôx zoz qơưx puôr lênhx tâu phênhz qơư nox nhoz, so hâur têx tsêr cơưv Nội trú. Txos zar hnuz kêix 24/6, 6.200 ntâu lênhx shux xênhz hâur tỉnh Lào Cai tưz tuôx cxix cxuô trâu ntơưv 16 qơư tsưr tsix thik hâur hur si tỉnh chiê mnôngs piêr kriê têx cui tinhv thik. Zơưv Nguyễn Anh Ninh, Giám đốc Sở zoz zux thiêz thox cxov tỉnh Lào Cai heik pâuz:

“Tỉnh Ban chox kriê tưr thik ntơưr thiêz Sở zoz zux tỉnh tưz xav txos têx tsi jông li: ntux nas, đêx ngaz viv li đros thiêz hur tiz si têx shux xênhz nhoz têx tsêr cơưv đêz, têx xã lok sik ntơưv têx thax tsav tsuv mul lok đhâu đêx, đhâu cưx đês cưx ha mak puôr lênhx muôx tsưr ziv chox têx shux xênhz tuôx nhoz jê têx qơư thik, cov taz por tsi muôx lênhx shux xênhz tưs viv ntux nas lox mak tuôx tưr thik tsi tâu ntơưr”./.

(An Kiên-Riê Lâux cxeik, nhênhv)