Hnuz 24/9, Đoanx côngz xưv tỉnh Hà Giang tưz muôx jiês uô hâux lưv đros lênhx tov tỉnh Yên Bái thôngx ziv têx tsênhv njiêz lok kriz uô dự án yưv pênhr cxiv uô txox cêr muk chênhr txuôk txix txox cêr muk chênhr Nội Bài-Lào Cai trâu trôngx đriv Thanh Thủy, tỉnh Hà Giang. Lơưr co, tsưr ziv uô dự án zos yưv pênhr uô yiêz ntu cêr muk chênhr txix trôngx đriv ntiêx têz Thanh Thủy, huyện Vị Xuyên, tỉnh Hà Giang txos trâu txox cêr muk chênhr Nội Bài-Lào Cai đros ntêr muôx 149 cêik cêr. Suôv câuv jiês uô hâux lưv, oz tỉnh tưz thôngx ziv siêz lok tsưr ziv, hêik trâu Thủ tướng Chính phủ, têx bôv, nganhx Trung ương pâuz, sêiz shuôk chiê txox cêr no nzor tâu kriz uô./.

(Thừa Xuân-Lik Thox cxêik nhênhv)

Hnuz 24/9, Sở Lox tôngv, Xaz pênhz thiêz XH đros Tsưr tsix seiz njiê ntiêx têz ntơưv VN tsưr tsix phêv thaov Dưv anr tsi muôx ntâuk tsiv têx nhuôs zâu hâur thax tsav tỉnh Điện biên ntu 2016-2019. Dưv anr tâu fuô uô hâur thax tsav 7 xã nhoz 2 huyện: Mường Chà thiêz Tuần Giáo. Tsưr ziv uô no zos chiê tsoz phưz, por hưv têx tuz nxeik nhuôs zâu zôngx ziv trâus têx nênhs fêv zuôr muôs lênhx nênhs nziêk đas, trâul zuôv uô đaz uô tuôs thiêz tsiv txov li uz li noz thôngz đhâu chuôz zis thiêz côngv thôngx cêr paz max. Đhâu 3 shông uô dưv anr, chor nhuôs zâu tâu pâuz txos tsơưs tsơưs 3 tsưr ziv por hưv zuk lênhx nênhs tsar ndê txix 19% shông 2017 muôx 38% shông no; zuôr xar 2.900 lênhx nhuôs zâu thiêz têx tuz nxeik hluôk hloz tsi yuô tâu tiêr nênhs thax tsav dưv anr tâu yax kriê, 7 câu lạc bộ nhuôs zâu uô tâu jông têx hâux lưv li heik sâuv./.

(KT-Riê Lâux cxeik, nhênhv)

Shông 2015, tix lâus Nguyễn Quốc Đạt nhoz tổ 3 (phường Quyết Tiến, thành phố Lai Châu) muôz tsoz txir chuôz thox lê Đài Loan lok chos sâuv thax tsav ar têz đar muôx 7.000 yiv ndis. Đhâu 6 hli txir chuôz thox tưz txi txir, 8 luz hli mak jông sâu đê, txi txir ndư thiêz txi yênhx shông. Kror zov chênhr zos chor txir chuôz thox no nox lok six kaz, tâu tsôngv kruô nhiêv. Txos nhiv no, tix lâus Đạt chor txir chuôz thox no tưz tâu chos muôx 700 tsoz, huôv tsar jông, iz shông sâu tâu muôx 10 tấn txir. Iz shông yưx tas cxuô zav cux sâu tâu liv muôx 200 triệu đêiv. Đuô li, tix lâus Đạt chuôz zis tsênhv chos nzir txir mo môngk, lê, txir lưv tsiz, bơ, txir đuôx, đros trâu tu zus kêiz, buô, tas nro phênhv sâu tâu iz shông muôx nhos 350 triệu đêiv. Nhiv no tix lâus Đạt chuôz zis tsênhv zos chuôz zis txơưv uô xênhz yar kinh doanh cấp thành phố./.

(Báo LC-Lik Thox cxêik nhênhv)

Đros thiêz tsôngv box Poz Ziz, tsêr tsar lơưx cê zos qơư chiê trâu hur si chuôz zis xênhz huôx, cê zos qơư tuôr tsês chiê zuk heir nênhs têx txux chi cêr nênhx vênhx huôv jông. Taz sik, nhoz ntâu suôv qơư hâur têx jêx jok nênhs Poz Ziz, nhiv no tưz tsi pov muôx têx tsêr tsar lơưx lok sik tsuôl yuôr 2, 3 luz xưz. Nênhs Poz Ziz têx tsêr tsar lơưx thâuv nzor tưz jux juk trâus pôngz plox. Txux chi cêr nênhx vênhx huôv ntơưv qơư jux juk trâus tso tsês, tsi tuôr chiê, tsi por hưv. Co zos têx luôs hâux lưv, cxuô cấp seiz car vênhx huôv nhoz têx thax tsav qơư muôx tsôngv box heir nênhs tsơưs uô nênhx nhoz tsuv moz siêz txos. Ntơưv tỉnh Sơn La, zơưv cà Văn Chung, lênhx nênhs pâuz thôngz lok nênhs Poz Ziz nhoz TP Sơn La têx txux chi vênhx huôv heik pâuz, thâuv têx tsêr tsar lơưx tsi muôx tas jux juk, tsôngv box cxuô cêr xênhz huôx, vênhx huôv cux hlôngr yiêz jux juk:“Nhiv no, têx tsêr tsar lơưx tsênhv iz hnuz trâus pôngz plox jux juk, viv tsi muôx shôngz ntông lox jông uô, tsêr tsar lơưx mak uô tâu nhoz tsi tâu ntêr, viv li tsôngv box hlôngr uô têx tsêr puôz suôz jêz, xi măng. Tsi muôx têx tsêr tsar lơưx mak cêr nênhx vênhx huôv, xênhz huôx cux zuôr jux juk trâus pôngz tas li: saz đrâuv tsar lơưx zos qơư chiê trâu têx tuz nxeik hluôk siz chuôs njiz, uô si, chiê trâu têx txir nênhx hiêz tơưz, hiêz lêr....zuôr tsi muôx. Tiv 2 zos qơư txi côngv têx lâuk tâu tas siv nênhx cux tsi muôx.../.

(VOVTB-Riê Lâux cxeik, nhênhv)