Hnuz 24/11, Đoanx têiv plor Côx hôiv tỉnh, zos zơưv Quàng Văn Hương, Phưv chủ tịch Hôiv đôngx Mênhx  cxưx Côx hôiv, Phưv Trưởng Đoanx têiv plor Côx hôiv tỉnh Sơn La uô tsar đoanx tưz njiz cử tri xar Chiềng Khay (Quỳnh Nhai). Cử tri xar Chiềng Khay tưz hêik trâu cxuô cấp tsuv moz siêz txos tu đriv têz ntơưv tuk ndêx 364 nhoz jok Phiêng Bay, xar Chiềng Khay đros jok Bon, xar Mường Chiên; thêv nhiêx txiêx tu 200 ha jôngr chos lơưr Dự án 661 trâu 181 ziv chuôz zis nhoz jok Phiêng Bay txix shông 2008, đros tas nro chor nhiêx zuôr xar 1 tiv đêiv; paz nzir xi măng chiê uô cêr muk lok hâur jêx jok, tsêr vênhx huôv jêx jok thiêz tsêr cơưv nhuôs zâu jok Nặm Tấu; nhênhz chơưv cxiv uô tsưr ziv, kruôz kriê hâux lưv uô, paz muôx hâux lưv uô trâu lox tôngv jok Ít Ta Bót; uô qơư trâu têx vuôz tsuôz hâur xar./.

(Báo SL-Lik Thox cxêik nhênhv)

Hnuz 24/11, ntơưv đrôngs Yên Bái (tỉnh Yên Bái), Viện nhênhz chơưv Kinh tế thiêz tsênhv chei nhoz tsêr cơưv Đại học Kinh tế (Đại học quốc gia Hà Nội) đros Ủy ban tỉnh Yên Bái, Cuiv nhiêx Frendrich Naumann Foundation cơưv lok “hlôngr yiêz tênhx qơư zuôr muôs uô lax luôv thiêz yưv pênhr chiê uô tâu tiêr cxuô zav muôx  nhoz chor tỉnh tox siêz faz Bắc”.

Têx shông đhâu, Yên Bái tưz sir jos fuô uô ntâu faz tsưr ziv hlôngr yiêz têx ntâuz ntơưr, qênhz shuôs, ntâuk grê cxuô cấp pênhr xưv huôv tsar uô; khov co, tưz zênhx max tso tơưv têx tsưr ziv chiê huôv tsar uô tâu trơưk siêz xar. Shông 2019, Yên Bái têx luôs hâux lưv, zuôr muôs, uô lax luôv li heik sâuv sơưr tiv 36 hâur 63 tỉnh thành hâur tas nro têz qơưk; tsơưr lươngv chox car sơưr tiv 5 hâur 14 tỉnh thax tsav trung du tox siêz faz Bắc; ntâu dưv anr yưv pênhr huôv tsar uô lax luôv ntâu nhoz iz cxiê tập đoàn tâu fuô uô li: Bảo Lai, TH.... Taz sik, hu zâuv yưv pênhr trâu thax tsav qơư tâu xav zos uô tsi yuô tâu jông. Chênhr viv li, tỉnh Yên Bái tsênhv tror hlôngr yiêz tênhx qơư yưv pênhr uô lax luôv li heik sâuv, chiê hu zâuv têx tsưr tsix, lênhx nênhs siêz jông yưv pênhr tuôx huôv tsar uô./.

(Tuấn Xuân-Riê Lâux cxeik, nhênhv)

UBND huyện Nậm Nhùn, tỉnh Lai Châu nhiv kruôr tsưr tsix Hnuz hôiv Vênhx huôv-Thể thao cxuô mênhx cxưx jiês tiv 8 shông 2020. Cxaz chuôz hnuz hôiv muôx 11 đoanx đros xar muôx 400 lênhx nênhs tuôx txix têx xar, thị trấn sâuv thax tsav huyện. Tsênhv njiêz vênhx nghệ, chor đoanx sik tưr uô vênhx nghệ, hu gâux, đhiê pax vuôs, hnar tsôngk yo mênhx cxưx thiêz uô ntênhk hôiv. Sik tưr uô thể thao cxôngx nzor li: Sik truz hluô, lâuz pak, tuô hnênhr, ntâuk vix vôngs lok zos tux luz…Hnuz hôiv zos jiês chiê cxuô mênhx cxưx nhoz ntơưv qơư siz njiz, tuôr chiê thiêz phuôx huiz têx tsiv gri vênhx huôv jông. Đhâu co, paz cxơưz cxiz uô nox, sir jos uô cov zênhx liv têx tsưr ziv tưz tso tơưv hâur ntu 2020-2025./.

(Báo LC-Lik Thox cxêik nhênhv)

Tsiêz iz keiz zos tsôngv box heir nênhs Cống li iz hâur têx hnuz tsiêz thâuv nzor thiêz zov chênhr. Ntơưv tỉnh Điện Biên, tsôngv box Cống uô nênhx nhoz trâu chor huyện Nậm Pồ, Mường Nhé thiêz Điện Biên, muôx 210 ntâu chuôz zis, 1.150 ntâu lênhx nênhs. Jok Lả Chà, xã Pa Tần, huyện Nậm Pồ zos iz hâur 4 jok nênhs Cống nhoz Điện biên. Six hơưv no, sâuv nênhs Cống têx thax txi chor lâuk thâuv tưs tưz zuôr tsuv muôx pax iz keiz, kok hmaz sông thiêz kok tsư ha. Shông no, tsôngv box hâur jok nox tsiêz iz keiz nzor đuô shông uô ntêx, viv sđ lêis sâu tas têx kôngz nzor đuô cxiê shông. Tsiêz iz keiz zos six hơưv chiê tsôngv cưr tix nênhx tsa sđ ndo txos chor lâuk, pos zơưs tưz tâu tas siv nênhx têx txiêx njis, côngz lox, hu chor lâuk thiêz têx đaz xênhz têz xênhz qơư, car đêx car ar lok đros nox đros hâuk viv tưz paz por hưv trâu tsôngv lax px, têx tuz nhuôs uô tâu nox tâu hnar, tsi muôx moz gênhs, uô nênhx shir phaz lus, kôngz lôngk sâu tâu nju, tsiêx cxu hloz lox jông..../.

(Vũ Lợi-Riê Lâux cxeik, nhênhv)