Tsôngv fôngx zưs sơưr đơưk hmor yuô! Shux xênhz cxuô cấp nhoz 11/12 huyện, thành phố tỉnh Sơn La têis cik 24/2 tưz tror tuôx cơưv ntơưr. Chuôs li tas nro chor shux xênhz puôr lênhx shir phaz tuôx cơưv ntơưr, tsik muôx lênhx tưs so ntơưr. Iz huyện tsênhv yuôr zos Sông Mã tror chiê shux xênhz so ntơưr txos tas hli 2 chiê phax, tar moz Covid-19. Chor tsêr cơưv ntơưr tưz uô truôx jông têx tsưr ziv chiê shux xênhz nhoz siz kuôk, nzuôr têk thiêz njuôk shuôk đas jos uô ntêx thâuv zuôr muk hâur tsêr cơưv ntơưr. Đros co, chor tsêr cơưv cux bax cxiv tsa tsưr ziv kriê ntơưr cov huv đros, chiê cê uô tâu jông hâux lưv kriê thiêz cơưv ntơưr, cê phax tar jông moz Covid-19. Pos Nguyễn Thị Hương Giang, Trưởng phongx Zoz zux thành phố Sơn La puz pâuz:“Chor tsêr cơưv ntơưr tsuv uô truôx jông lơưr Bôv Y têr li têx cui tênhv lok côngz xưv phax, tar caz moz Covid-19, njuôk shuôk đas jos, vêv xênhz, nzuôr têk txix têx cuô yuôx nzuôr têk; tiv zix zos têx hâux lưv nhoz chôngz nênhs uô cê, têx hâux lưv cxuô hâur tsêr cơưv mak tsik tâu tsưr tsix chiê paz ngaz tuk jông trâu shux xênhz”./.

(VOV-Lik Thox cxêik nhênhv)

Trơưk li Ban chox kriê phax tar moz Covid-19 tỉnh Điện Biên, 3 lênhx nênhs moz Covid-19 hâur tỉnh nhiv no đas jos truôx tuk, tsi pov muôx têx moz li chas huôv xênhz, txơưr txar. Iz chas co, chor nênhs trâul moz sôr 1970, 1971 tưz đhâu 8 jiês tso nyar seiz njuôk shuôs moz, nhiv kruôr no lok hnuz 23/2 đhâu seiz njuôk shuôs moz cux tsênhv trâul moz SARS-CoV-2. Lar heik hâur têx jiês tso nyar seiz njuôk shuôs moz tiv 4, tiv 5, tiv 6 lok chor hnuz 16; 18 thiêz 20/2, hur si 2 lênhx nênhs no puôr lênhx tsi pov muôx moz li chas. Chênhr viv li, Ban chox kriê phax tar moz Covid-19 tỉnh Điện Biên tưz heik trâu têz qơưk Ban chox kriê phax tar moz Covid-19 pâuz lok têx txơưr txar no. Hok lênhx nênhs moz sôr 1972 mak txos jiês tso nyar seiz njuôk shuôs moz tiv 6 tưz tsi pov trâul moz SARS-CoV-2 lơưv. Nhiv no 3 lênhx nênhs moz 1970, 1971, 1972 cux tsênhv nhoz kho moz ntơưv tsêr kho moz tsês trâu chor nênhs tâu xav trâul moz Covid-19-Tsênhv qơư Y tế TP Điện Biên Phủ, nhiv no lơưr đas jos cux tsênhv truôx tuk, tsi pov muôx moz li chas huôv xênhz txơưr txar./.

(TTTB-Riê Lâux cxeik, nhênhv)

Đhâu thâuv cxov tâu 3 lênhx nênhs hâur chuyên án 221D thâux gra tsik zos chêi 18 cir zênhz đơưz khor li poz jêz ntơưv thị trấn Tam Đường, huyện Tam Đường (Lai Châu), lưx lươngv phax tar zax zênhz, Công an tỉnh Lai Châu tror qênhz yuôx nzir chuyên án thiêz cxov nzir iz lênhx nênhs, sâu tsês tâu nzir 32 cir zênhz đơưz khor li poz jêz. Lênhx nênhs trâus cxov zos Cứ A Làng, zus shông 1978, nhoz ntơưv xar Leng Su Sìn, huyện Mường Nhé, tỉnh Điện Biên. Thâuv trâus cxov, Cứ A Làng tưz jêik chor zênhz đơưz co hâur har jôngr ntơưv jok Tùng Pẳn, xar Bình Lư, huyện Tam Đường thiêz khiêr lok tsêr nhoz ntơưv Mường Nhé, tỉnh Điện Biên. Taz sik, thâuv nhiv kruôr lok txos tsêr chêk trâus lưx lươngv muôx vax huôv cxov ciês. Ntơưv cơ quan công an, Cứ A Làng hêik tưz đros chor nênhs hâur chuyên án 221D thâux xa ntiêr chor zax zênhz co muk trâu saz tỉnh Lào Cai chiê muôs. Li co, tas nro tưz muôx 50 cir zênhz đơưz khor li poz jêz thiêz 4 lênhx nênhs trâus cxov thâuv ruôr tâu chuyên án 221D no./.

(TTTB-Lik Thox cxêik nhênhv)

Đội Cảnh sát zoz thôngz cêr ar sôr 1, Phongx Cảnh sát zoz thôngz, Công an tỉnh Yên Bái nhiv kruôr ntêk 8 lênhx nênhs zos: Trần Văn Đức, xênhz shông 2000, Nguyễn Anh Tú, xênhz shông 2002, Trần Đức Dương, xênhz shông 2003, Vũ Đức Giang, xênhz shông 2002, Đàm Minh Phương, xênhz shông 2004, Hà Văn Giáp, xênhz shông 2004, Hà Đức Quỳnh, xênhz shông 2001 thiêz Nguyễn Huy Duân, xênhz shông 2001, nhoz ntơưv phường Âu Lâu, TP Yên Bái thiêz xã Y Can, huyện Trấn Yên muôx têx uô tsi truôx tuk zoz thôngz thâuv tsar yêz muk lol tâus cêr sâuv txox cêr Nguyễn Thái Học, TP Yên Bái. Ntơưv cơ quan Công an, chor nênhs heik sâuv tưz krêz lênhk tiêk, uô cxâuv têx chei, cui tinhv thâuv cheix yêz muk lol tâus cêr zos tsar yêz muk đaz muk tuôs, muk chênhr.... Lar heik zos tsuôk Nguyễn Huy Duân , xênhz shông 2001 thiêx muôx ntơưr tsar yêz meir xưz. Nhiv no Công an tỉnh Yên Bái tsênhv tror qênhz yuôx, uô tsênhz mênhx txuz nuv co chiê muôz tik cêr cxâuv trơưk đreiv li chei têz qơưk cui tinhv./.

(TTTB-Riê Lâux cxeik, nhênhv)