Coz chuô lox lok sâuv thax tsav huyện Điện Biên, tỉnh Điện Biên nhiv kruôr đhâu lok six hmôngr jông tsik uô hiêv txos lênhx nênhs. Taz sik, tưz uô ntâu luz tsêr nhoz 2 xã Hẹ Muông thiêz Núa Ngam trâus puôk tsuôx, hâur co phênhv ntâu zos chor chuôz zis pluôs thiêz zuôr xar pluôs. Đhâu ciês muôx yưv trấu shiêv, chính quyền chor tiv phaz tưz tso nênhs muk sêiz nus, paz trâu pêx xênhv. Thôngx cxix tso nênhs qênhz shuôk tas nro têx traus hiêv chiê muôx tsưr ziv paz trâu pêx xênhv nzor truôx tuk luz nênhx.

Ntux têz uô hiêv zos kror tsik muôx lênhx tưs xar njiz trâus. Thiêz nhiv no chor chuôz zis pluôs nhoz 2 xã Hẹ Muông thiêz Núa Ngam, huyện Điện Biên lok sĩ khov vav txos chính quyền tiv phaz thiêz côngv thôngx li têx paz nzor tiv zix chiê khưx phưx têx trâus hiêv nzor truôx tuk luz nênhx./.

                                                                         (Vũ Lợi-Lik Thox cxêik nhênhv)

Huyện Quỳnh Nhai, tỉnh Sơn La tsênhv tsưr tsix ciêz vênhx huôv, thiv thao thiêz ju lix shông 2018, đros ntâu huôx tôngv muôx ziz njiêz, reik đros côngz fur cuiz tênhv côngz jênhv bê di sản vênhx huôv phi vật thể  têz qơưk huyện Quỳnh Nhai. Tsaz yênhx tưz theiez tsênhv zaz zâuv chôngz canr bộ, têx lưx lươngv vũ trang đros tas nro tsôngv box huyện Quỳnh Nhai thiêz tsôngv kruô hâur thiêz đrâuv tỉnh tuôx cxaz chuôz. Niêv lâus Mè Thị Xuân, xã Chiềng Bằng, huyện Quỳnh Nhai, tỉnh Sơn La shir phaz heik:

“ Zos iz lênhx nênhs nhoz Quỳnh Nhai, tâu cxaz chuôz Ciêz ntênhs vênhx huôv, thiv thao thiêz ju lix huyện Quỳnh Nhai shông 2018, hnuz no lok six jông siêz viv tâu heik kriê tễ xiv huv kôngz nuv nhoz xã Chiềng Bằng chos tâu, tsiv uô tâu trâu tsôngv kruô pâuz txos”./.

                                                                 (Hoàng Long- Txâur Vax cxeik nhênhv)

Ntênhk hôiv tsêr mnov Đông Cuông ntux yiêz đêr shông 2018 zuôr tâu tsưr tsix trâu hnuz 27 thiêz 28/2 (zos hnuz 12 thiêz 13/1 tsiêz zênhz lix) đros ntâu huôx tôngv zos tsaz yênhx uô nghệ thuật cxuô mênhx cxưx huyện Văn Yên; hôiv sik tưr thêv thao têx môn: ntâuk poz, sik lâuz pak, sik truz hluô, lêiv poz, chêix fuôx sik tưr…Ntênhk ciêz chiê piêr pâuz cxuô zav nox mênhx cxưx, têx kôngz nuv jông nhoz tiv phaz. Zơưv Lê Minh Đức, phưv chủ tịch UBND huyện Văn Yên, tỉnh Yên Bái puz pâuz:

“Chiê bax trâu hnuz hôiv mak cxuô kror tưz tau Ban sêiz car chor di tích, tiv zix zos Ban sêiz car di tích tsêr mnov Đông Cuông cxiv tsa tsưr ziv tsênhz mênhx chiê tsưr tsix chor ntênhk hôiv lơưr phôngx cxưx cxôngx nzor. Txos nhiv no Ban tsưr tsix tưz phêiz côngz jênhv vưv trâu chor tiểu ban tsưr tsix ntênhk hôiv vav mênhx, ngaz tuk thiêz truôx jông, tuôr chiê tâu têx tsiv gri cxôngx nzor”./.

                                                                   (Thừa Xuân-Lik thox cxêik nhênhv)