Lok pêz têz qơưk luôs hâux lưv phax tar nox nhiêx têz qơưk hâur six hơưv đhâu, cử tri Bùi Thị Kim Oanh, nhoz phường Tô Hiệu, TP Sơn La heik:

“Six hơưv đhâu, cur pov Đảng thiêz têz qơưk tưz sir jos uô luôs hâux lưv phax tar nox nhiêx têz qơưk. Ntâu txuz tưz tâu muôz tik cêr cxâuv, uô trâu tsôngv box njênhs njôngr lok Đảng, têz qơưk têx chei. Cur mak cur xar cov sir jos uô jông đuô luôs hâux lưv no thiêz, tror muôx têx chei txưr đrux thiêz ntov đuô chiê sđ tsi uô cxâuv”./.

(Trấn Long-Riê Lâux cxeik, nhênhv)

Njênhs thiêz ntâuk gri siêz têx chêx cur hâur côngz xưv phax tar nox nhiêx têz qơưk hâur ntu đhâu, pox Nguyễn Phương Lan, pêx xênhv thành phố Yên Bái, tỉnh Yên Bái hêik:

“Đảng, têz qơưk li côngz xưv phax tar nox nhiêx têz qơưk ntu đhâu tưz paz trâu đảng viên thiêz pêx xênhv muôx siêz njênhs đuô, puz pov tiêk tsik muôx qơư txưr, tsik pâuz zos lênhx tưs zos tiêk uô cxâuv cux zuôr trâus xưv lik. Ntu zuôr txos, lơưr cur mak đros thiêz nriêr pov, xưv lik jông têx tập thể, tiz nênhs uô cxâuv cov truôx jông, sâu tsês cxuô zav trâu têz qơưk mak đảng viên thiêz pêx xênhv cux khov vav trâu Đảng thiêz têz qơưk sir jos uô đuô têx tsưr ziv phax, tar chiê tsik muôx nênhs uô cxâuv. Kror  cán bộ, đảng viên hêik pâuz zuk têx zav muôx cux tsuv sir jos uô thiêz muôx chêx cur đuô, chiê uô chak cov co zos kror chiv chir hêik pâuz, ndax ndênhk, txix co sêiz kaz muôx chêx cur đuô”./.

(Đinh Tuấn-Lik Thox cxêik nhênhv)

Đhâu coz nas thâuv tas cik sơưr nzor hnuz 24/6, sâuv têx cêr lox mul lok đhâu thax tsav huyện Văn Bàn, tỉnh Lào Cai tưz muôx 15 qơư tox xưz poz lox zâu. Lar heik, hâur co muôx 3 qơư xưz poz lox sâuv txox cêr lox 279 muk trâu Than Uyên, Lai Châu, đros thiêz muôx nhos 2 cxênhz yiv đruôz têx ar, poz jêz xưz poz lok cxuz cêr. Đhâu ntâu six hơưv hu sđ, têx yêz đros thoz huk, txos nhiv no chor yêz siêz tưz muôx têx mul lok đhâu, taz sik cux tsuôk muk tâu txos trâu thax tsav nhoz jê chiêv têz Lai Châu. Zơư Phạm Bình Minh, Phưv Chủ tịch Ủy ban huyện Văn Bàn, tỉnh Lào Cai heik pâuz:

“Txos iz jiês no mak phênhv ntâu têx qơư muôx tox xưz poz ntơưv Văn Bàn tưz thoz huk tas, têx yêz lox thiêz yêz siêz muôx têx tax mul lok tâu đhâu. Yuôr đuô li, trơưk pêz pâuz mak saz đrâuv đơưv trôngz Khau Co, Than Uyên, Lai Châu cux tsênhv yuôr ntâu ntu tox xưz poz lox huk thiêz kho tsi tâu tâu, viv li chiê têx yêz  mul lok tâu thôngz mak tsuv tok lơưr saz Lai Châu sêz thoz huk thiêz kho li chas”./.

(An Kiên-Riê Lâux cxeik, nhênhv)

Jiês ntux nas lox lịch sử hâur têx hnuz nhiv kruôr đhâu sâuv thax tsav tỉnh Lai Châu tưz uô tuôs 22 lênhx nênhs, hâur co cux tsênhv yuôr 11 lênhx nênhs tsik pov thiêz trâus hiêv lok cxuô zav ndê xar muôx 100 tiv đêiv. Nhiv no ntâu jêx jok cux tsênhv trâus cêv kuôk tiv ar poz, lok sik trâus đêx ngaz, uô trâu pox nhuôs luz nênhx njiz ntâu phiv liv. Huyện tox siêz Sìn Hồ zos tiv phaz trâus hiêv ntâu tiv zix lok lênhx nênhs hâur jiês ntux nas chuô no thiêz txos nhiv no tưz muôx 14 lênhx nênhs tuôs, qir tiv zos pox nhuôs tsik uô jông sêiz shuôk thâuv muk uô liêx têx lok đhâu têx đêx thâuv muôx ntux nas lox. Nhiv kruôr no, thâuv têik cik sơưr nzor hnuz 25/6, ntux nas tưz uô ar poz, uô trâu 40 ntâu ziv chuôz zis đros xar muôx 200 lênhx nênhs nhoz jok Nậm Ngập, xar Nậm Tăm trâus cêv kuôk. Chiê taz por ngaz tuk trâu pêx xênhv, chính quyền tiv phaz tưz tsuv paz pêx xênhv txar qơư nhoz trâu pêx xênhv muk nhoz uô ntêx trâu jok pêv tox kuôk co xar muôx 1 cêik cêr. Tix lâus Tao Văn Xanh, Bí thư đoanx xar Nậm Tăm, huyện Sìn Hồ puz pâuz:

“Cêr muk hâur jok muôx 4 ntâu trâus poz, cêv kuôk lơưv, nhiv no mêir câuk ar tsênhv thoz huk. Nhiv no mak cấp ủy, chính quyền xar cux tưz huiz tôngv lưx lươngv dân quân, đros pox nhuôs cxuô jêx jok tuôx paz, njêis yêv tas nro cxuô zav muk trâu jok pêv tox. Pox nhuôs luz nênhx lok six txov nhêv, ntâu chuôz zis trâus pôngz plox ntâu, xav tas nro vax tsêr, liêx têz cxuô zav, khơưk tsik tâu đaz tsi hlo”./.

                                                                                       (Khắc Kiên-Lik Thox cxêik nhênhv)