Zar hnuz keix hnuz 25/9, tỉnh Lai Châu tsưr tsix ntâus gri thiêz khơưk muôz giải jiês thik nriêr pâuz 110 shông yênhx lix tỉnh, 70 shông yênhx lix Đảng bộ tỉnh, 15 shông pheiz thiêz yênhx lix tỉnh Lai châu. Zuôr xar 1 shông phuôx tôngv, Ban tsưr tsix tưz jênhv tâu 10 cxênhz ntâu jax dưv thik. Hâur co, muôx 340 ntâu jax tâu xeir zuôr lol chung khảo. Lơưr ntâus gri, têx jax thik no puôr lênhx sâu trơưk tsưr ziv, tuôv zênhv tâu zoz qơưx njiêz luv; muôx ntâu tsưr ziv cxơưz tiês huôv tsar kinh têr xã hội tiv phaz jông. Tsov lơưr chêx cuk chấm thik, Ban tsưr tsix tưz cuiz tênhv côngz jênhv, khơưk muôz giải trâu 5 tập thể, 30 lênhx nênhs tax yênhx tix siêz tiv zix./.

(Khắc Kiên- Txâur Vax cxeik nhênhv)

Nhiv no, tas nro tỉnh Điện Biên muôx 1.100 ntâu lênhx nênhs muôx côngz thiêz nênhs muôx côngz chor nênhs cxênhz jê tsênhv tâu paz yênhx hli; 14.000 ntâu lênhx nênhs uô hâux lưv ntâuk tros châuz tâu paz iz jiês. Ntu đhâu, cấp ủy, chính quyền txix tỉnh txos tiv phaz tsik so tsov cưv txos cêir chêx ndar six hơưv têx chế độ trâu nênhs muôx côngz; yax kriê, hêik chor tsưr tsix chính trị-xar hôiv, têx doanh nghiệp, nênhs siêz jông thiêz cán bộ công nhân viên chức sir jos đros phêiz kênh, paz cxuô zav trâu chor nênhs muôx côngz, chuôz zis tâu sơưv cêr chêi. Sở lox tôngv-xaz pênhz thiêz xar hôiv sik côngv đros têx sở, nganhx, tiv phaz cux sir jos uô côngz xưv qênhz yuôx chor nênhs muôx côngz, chor nênhs ntâuz ntơưr uô tsik tâu tiêr chiê hêik têx cấp muôx qênhx sêiz shuôk, côngz jênhv…/.

(ĐBP-Lik Thox cxêik nhênhv)

Cxôngx hâur hlik hli 9 txos nhiv no, mê nhuôs trâus moz tês tơư kror ndâux tuôx seiz njuôs thiêz kho moz chuôz ndê ntơưv têx qơư y tế sâuv thax tsav tỉnh Lào Cai. Lơưr Tsênhv qơư seiz car moz tỉnh li thôngz sâu, hâur têx luz hlik tov ntêx tsuôk sâu jênhv tsơưs lênhx nênhs tuôs seiz njuôs, cxôngx hli 8 thiêz hli 9 mul têx lênhx nênhs tuôx seiz njuôs thiêz kho moz chuôz ndê siêz. Tiv zix, đraz hli 9 pov muôx 27 lênhx trâus moz ntơưv tsêr cơưv mê nhuôs zâu xã Xuân Giao thiêz Phú Nhuận, huyện Bảo Thắng. Têx bác sỹ canhv pov, qir lol trâu hsông cơưv yiêz, zos ntu qiv hơưv txơưr txar viv li moz huôv xênhz sei. Moz tês tơư kror ndâux zos zav moz cik sei, tsi tâu muôx yuôx phax tar moz; viv li tsuv taz por vêv xênhz lênhx nênhs jông thiêz thâuv mê nhuôs trâus moz mak cêv kuôk zos tsưr ziv phax moz jông tiv zix trâu mê nhuôs./.

(Pov tsir Lào Cai-Txâur Vax cxeik nhênhv)

Têis cik 25/9, tix lâus Đặng Văn Hội, zus shông 1984 thiêz pox niêv zos Hoàng Thị Chiêm luz tsêr nhoz Khe Cạn, xar Yên Thành, huyện Yên Bình, tỉnh Yên Bái trâus cuz hnhiêz tas. Qir tiv tâu xav jênhv zos tix lâus Hôiv tror huôv moz vưv, tưz xuôk hluôr tơưl hlơưr zuk luz tsêr. Ciês pov muôx hluôr tơưl cuz, chôngz lênhx nênhs tưz tuôx chiê paz tuô hluôr tơưl, njêis yêv cxuô zav. Taz sik, tiv luz tsêr tâu uô txix puôx zêv, pêx xênhv ho muôx tsik txâuk têx chuôz zênhx chiê tuô hluôr tơưl, viv li hluôr tơưl tưz txêik cuz lox. Cuz tas nro trur luz tsêr thiêz ntâu zav chuôz zênhx hâur tsêr. Hmôngr jông tsik muôx lênhx tưs uô li chak./.

(Thừa Xuân-Luk Thox cxêik nhênhv)