Tsôngv box têx mênhx cxưx tsơưs nênhx nhoz tox siêz Yên Bái thâuv ntêx muôx moz gênhs khênhr chiv chir kho moz hâur tsêr lơưr chênhz zênhv, lok sik hu txir nênhz tuôx uô nênhz chiê kho moz. Taz sik, nhiv no, thâuv muôx moz gênhs, tsôngv box tưz xar txos hâux lưv muk qơư y tế chiê têx cưk yuôx, bác sĩ seiz njuôs thiêz kho moz. Têx cưk yuôx tox siêz li têx sir jos, đros têz qơưk li tsov cưv đros y tế tox siêz tưz paz hlôngr yiêz tsôngv box li siêz xar. Lơưr thạc sỹ, Bác sĩ Lê Thị Hồng Vân, Giám đốc Sở y tế tỉnh Yên Bái, chiê muôx têx hlôngr yiêz jông co kror zov chênhr zos côngz xưv yax mông. Viv, thâuv tsôngv box pâuz tâu lok têx riêz nênhs thâuv moz gênhs, lơưr thiêx chuv tôngv tuôx qơư y tế chiê tâu seiz njuôs thiêz kho moz:“Têx tsưr ziv thôngz xor mông tsuv tror krêz uô txos yênhx jêx jos. Nhoz têx tox siêz nhoz đêz, thax tsav tsôngv box mênhx cxưx tsơưs nênhs mak tsuv thôngz xor mông cxôngx luk mênhx cxưx, pir li luk Hmôngz, luk Thái, luk Cho....chiê tsôngv box zôngx ziv jênhv pâuz têx xor mông, thôngz yax co”./.

(Đinh Tuấn-Txâur Vax cxeik nhênhv)

Tsôngv fôngx zưs sơưr đơưk hmor yuô! Txơưv tsênhv yuôr tsik tsơưs têx phiv liv, taz sik, đros zos chor nênhs paz trâu pêx xênhv nhoz têx thax tsav tox siêz đêz đrôngs, thax tsav mênhx cxưx tsơưs nênhs, chor nhân viên y têr jêx jok nhoz tỉnh Sơn La cux tsênhv sir jos uô jông côngz xưv yax kriê, zoz zux đas jos, thiêz paz trâu tsôngv box buôs ti tâu trâu chor dịch vụ tsoz phưz đas jos jông, txix co paz gra siêz đuô tsơưr lươngv luz nênhx. Zơưv Cà Văn Hòa, Phưv chủ tịch Ủy ban xar Chiềng Cọ, thành phố Sơn La, tỉnh Sơn La puz pâuz: khov muôx chor nhân viên y têr jêx jok li sir jos, mak nhiv no thâuv muôx moz gênhs, pox nhuôs sơưr đơưk tưz pâuz tuôx trâu chor y, bác sỹ nhoz chor tsênhv qơư Y têr thiêz tsêr kho moz chiê njuôk, kho moz:“Xưk li ntu thâuv ntêx no, cxuô zav muôx tsik tâu txâuk, muk lok phiv liv, taz sik đros muôx chor y têr jêx jok li têx sir jos đros paz mak cur pov chor y têr jêx jok thâuv tưs cux tsuv muôx hâur xar hôiv, tiv zix zos ntơưv têx jêx jok chiê paz thiêz tsoz phưz đas jos xuz thơưx trâu pêx xênhv sâuv thax tsav”./.

(Trấn Long-Lik Thox cxêik nhênhv)

Hnuz 25/2, jos Nà Nhạn 1 thiêz Nà Nhạn 2 (xã Nà Nhạn, TP Điện Biên Phuv, tỉnh Điện Biên) tưz tâu tso tsês hâux lưv cêv kuôk. Đros co zos 7 qơư seiz car moz COvid-19 ntơưv thax tsav xã Nà Nhạn cux tâu tso tsês. Zuôr xar 90 lênhx cán bộ thiêz têx lưx lươngv thành phố, xã, jêx jos tâu tror lok tsêr đros chuôz zis đhâu 21 hnuz yax six uô hâux lưv qênhz yuôx, seiz car thiêz phax tar moz. Tâu pâuz 2 jos heik sâuv muôx 200 ntâu ziv chuôz zis trâus cêv kuôk viv muôx lênhx coaz txos nênhs moz Covid-19 số 1972. Tsôngv box tsi muk đhâu thax tsav thiêz têx qơư seiz car moz cxôngx hnuz xiêz 5/2. Txos nhiv no, tsi sâu jênhv lênhx nênhs tưs trâus moz muôx lênhx coaz txos nênhs moz số 1972 thiêz tưz uô tiêr tsưr ziv cêv kuôk hâur 21 hnuz lơưr cui tênhv./.

(Pov tsir ĐBP- Txâur Vax cxeik nhênhv)

Công an thị xar Sa Pa, tỉnh Lào Cai nhiv kruôr kriz uô qênhz yuôx, xưv lik 2 txuz hâux lưv cik txos 2 lênhx nhuôs nxêik trâus nziêk đas thiêz trâus uô đaz uô tuôs sâuv thax tsav. Lơưr co, 2 lênhx nênhs trâus qênhz yuôx, xưv lik zos Chang A Phình (zus shông 1997, nhoz ntơưv jok Can Ngài, xar Tả Phình, thị xar Sa Pa) thiêz (Má A Khi (zus shông 2002, nhoz tôv 2, phường Hàm Rồng, thị xar Sa Pa). Đhâu qênhz yuôx, Chang A Phình thiêz Má A Khi tưz tuôx trâu cơ quan muôx vax huôv chiê hêik pâuz zuk kror cxâuv. Nhiv no, Công an thị xar Sa Pa tưz cxov tsês 2 lênhx nênhs no chiê qênhz yuôx, xưv lik lơưr cui tênhv lok kror cxâuv uô hiêv trâu chor nhuôs zâu txix 13 txos tsik tâu muôx 16 shông./.

(An Kiên-Lik Thox cxêik nhênhv)