Trơưk li ngênhx y tế tỉnh Điện Biên thôngz sâu, txix hâur shôngk shông txos nhiv no tưz muôx txos 450 ntâu lênhx nhuôs zâu tsi tâu muôx 5 shông trâul tuôs, hâur ntơư muôx nhos 380 lênhx zos têx nhuôs tsi tâu muôx iz shông. 2 thax tsav qơư muôx têx nhuôs zâu tsi tâu muôx 5 shông trâul tuôs ntâu yax zos Nậm Pồ thiêz Điện Biên Đông, tsav 50%. Chor nênhs moz tâu njuôk xav phênhv ntâu zos moz njưk lox, tsi muôx đas jos phax tir têx moz gênhs tiv nox tsi txâuk têx jâuz mor......

Pos Trịnh Thị Nguyệt, Phưv Giám đốc Tsênhv qơư tsoz phưz đas jos xênhz zus nhuôs tỉnh Điện Biên heik pâuz: Hâur chor nhuôs tsi tâu muôx 5 shông trâul tuôs sâuv hâur tas nro tỉnh mak muôx txos 55% ntâu lênhx trâus tuôs ntơưv vax tsêr thiêz sâuv tos cêr thâuv tsênhv taz tov chox muk chơưv kho trâu têx qơư y tế. Qir tiv phênhv ntâu zos viv ntâu chuôz zis tsi moz siêz txos têx nhuôs li têx txơưr txar. Thâuv mê nhuôv muôx moz, uô cuz uô no, tsi chox zênhx max tuôx trâu têx qơư y tế chiê seiz njuôk shuôs, kho moz mak lơưr chiv chir zok nriêr yuôx lok kho hâur tsêr, chiê thâuv tưs tưz moz hnhar mav chox tuôx trâu tsêr kho moz, thâuv ntơư tưz lis đhâu thiêz chơưv kho tsi tâu./.

                                                                                                                (Vũ Lợi-Riê Lâux cxêik nhênhv)

Uô lơưr UBND tỉnh Lai Châu li chox kriê lok bax phax tar ntux no trâu tsoz chos, tsiêx zus, chor tiv phaz thiêz chor nganhx txơưx jênhv tsênhv tso cán bộ lok tiv phaz, hêik pêx xênhv chox têx tsiêx cxu lok cơư hâur tsêr guôx, thêir vor tsêr guôx, bax zav nox trâu tsiêx cxu chiê taz por ngaz tuk.

Zơưv Phạm Anh Hùng, Chi cục trưởng chi cục thú y, Sở kôngz nuv thiêz huôv tsar jêx jok tỉnh Lai Châu puz pâuz: Nhiv no tiv phaz muôx chor tsiêx cxu zos 336 cxênhz ntâu tuk, hâur co nhux, tưv, nênhl zos 120 cxênhz ntâu tuk. Txos nhiv no tưz zuôr xar 60% chor chuôz zis tu zus tsiêx cxu muôx tsêr guôx thiêz tas nro tỉnh tưz chos tâu muôx 600 ntâu ha jâuz tâux. Khov uô jông hêik kriê viv li pêx xênhv tưz pâuz bax zav nox chiê taz por trâu chor tsiêx cxu hâur chêix ntux no. zơưv Phạm Anh Hùng hêik:

“Sở kôngz nuv cux tưz muôx ntơưr hêik chor xã thiêz chor trạm tu zus tsiêx cxu, trạm cxơưz cxiz uô kôngz hêik kriê pox nhuôs tsês chiê zav nox txix ciês thâuv hâur hlik hli 10. Chor huyện, thành phố tưz yênhx lix đoanx yênhz yuôx muk tiv phaz, đros nov hâu tiv phaz hêik kriê pêx xênhv phax tar ntux no trâu tsiêx cxu, tiv zix zos chor xã tox siêz”./.

                                                                                                                 (Khắc Kiên-Lik Thox cxêik nhênhv)

Uô lơưr jông Ủy ban tỉnh Yên Bái côngz tênhv lok phax tar no, têx sở, ngênhx thiêz cxuô huyện, thị xã tưz tsi so sox seiz njôngr ntux têx txơưr txar thiêz têx xor mông chiê fuô kriê tsôngv box, lar heik zos tsôngv box thax tsav tox siêz đêz đrôngs pâuz thiêz bax tsưr ziv phax txar jav. Nhiv no tas nro tỉnh Yên Bái muôx 659 cxênhz ntâu tuk tsiêx lox. Viv uô jông luôs hâux lưv phax tar, viv li txix hâur shôngk shông txos nhiv no, cxuô thax tsav qơư hâur tỉnh tưz tsi pov muôx tuk tsiêx tưs trâul tuôs no. Tsôngv box tox siêz li tsưr ziv jênhv tưz hlôngr yiêz lơưv ntâu, txix tu zus tso lak yar tưz hlôngr jux juk cxiv uô qơư cơư thiêz tiz jông tu, lêis jâuz lok trâu nox hâur têx hnuz ntux no njiv. Niêv lâuk Hoàng Thị Hương, nhoz xã lâm thượng, huyện Lục Yên heik:

“Hnor tiêk ntux zuôr no njiv hênhr mak pêz tưz xor thêir têx  guôx ntov jông, bax txâuk têx jâuz, krâur trâu nhux tưv nox.....Nhiv no tu zus tsiêx cxu mak tsuv tsoz phưz, phax tar moz gênhs trâu têx tsiêx thiêx tâu. Nhiv no cur chuôz zis têx tsiêx cxu cux tsênhv nưk nhoz nưk hur si, tsi pov uô li chas hlo”./.

                                                                                                                  (Đinh Tuấn-Riê Lâux cxêik nhênhv)

Cơ quan cảnh sát qênhz yuôx Công an tỉnh Sơn La tưz cxov cơưv tsês pos Đào Thị Quy, Kế toán khối đoanx thể uô kế toán tsênhv qơư kruôz kriê chính trị huyện Sốp Cộp, chiê uô tsênhz mênhx kror txêik nux gri muôx 55 tiv đêiv taz sik thêv tsik tâu. Lơưr Công an huyện Sốp Cộp li hêik pâuz, hâur ntu txix hli 12/2016 txos nhiv no, pos Đào Thị Quy tưz txêik 18 lênhx nênhs sâuv thax tsav oz huyện Sông Mã thiêz Sốp Cộp. hâur co txêik nhiêx txiêx 17 lênhx nênhs, kir iz đêiv ntơưr cungz jênhv qênhx sir zôngv ar chiê txêik nhiêx, chor nhiêx txêik ntâu tiv zix zos 14 tiv đêiv, tsơưs tiv zix zos 200 triệu đêiv, tas nro chor nhiêx nhiv no tsênhv yuôr nux gri zos 55 tiv 800 triệu đêiv ntâu. Nhiv no txuz hâux lưv tsênhv tror tâu qênhz yuôx uô tsênhz mênhx./.

                                                                                                                       (TTTB-Lik Thox cxêik nhênhv)