Txos 4 six zuôr tsâuk ntux nas hmo, chor nênhs trâus tuôs thiêz tsik pov nhoz Lai Châu tưz ndê muôx 25 lênhx nênhs, tsêx trung ntơưv chor huyện Sìn Hồ, Mường Tè, Nậm Nhùn, Tân Uyên, Than Uyên thiêz Tam Đường. Hâur co huyện Sìn Hồ zos tiv phaz muôx chor nênhs tuôs thiêz tsik pov chôngz tiv zix, muôx 22 lênhx nênhs thiêz nhiv no cux tsênhv yuôr 7 lênhx nênhs nriêr tsik tâu pov. Qir tiv chênhr zos ar poz thiêz tsik uô jông sêiz trâus đêx cuôr yôngz. Đrâuv trâus hiêv lok lênhx nênhs, cxuô zav tsoz chos, cêr muk lok, têx côngz trinhx công côngv…tror chuôz ndê, njuôk xav trâus hiêv tiv ntux nas chuô tas muôx 300 tiv đêiv ntâu. Đhâu ciês jiês uô hâux lưv đros đoanx côngz xưv chính phủ zos Phưv Thủ tướng Trịnh Đình Dũng chox thơưx ntơưv huyện Tam Đường, tỉnh Lai Châu tưz yênhx lix nzir ntâu đoanx côngz xưv txix têx sở, ban, nganhx lok tiv phaz chiê chox kriê hâux lưv khưx phưx, zok nriêr nênhs tsik pov, paz xuz thơưx trâu chor chuôz zis muôx nênhs trâus nanv. Đros co, chor đoanx qênhz yuôx huyện, tỉnh cux qênhz yuôx thiêz txar qơư nhoz trâu zuôr xar 300 ziv chuôz zis nhoz hâur têx qơưk phiv liv muk trâu têx qơưk ngaz tuk đuô./.

(Khắc Kiên-Lik Thox cxêik nhênhv)

Đhâu coz nas lox uô ruôr hiêv ntơưv iz cxiê thax tsav hâur huyện Văn Bàn, tỉnh Lào Cai, luôs hâux lưv khưx phưx cux tsênhv tâu thax tsav qơư no sir jos fuô uô chiê tsôngv box nzor truôx tuk luz nênhx, uô nox uô hnar. Tsênhv tsênhz, zuôr xar 20 chuôz zis tsôngv box muôx vax tsêr trâus đêx nas ngaz tưz tror lok xênhz huôx, cxiv kho têx vax tsêr đhâu đêx nas uô hiêv. Iz cxiê chuôz zis tsôngv box muôx vax tsêr trâus puôk tsuôx tsi jông tas tiv tox poz ar lơưk cxuz tsênhv tâu hâu nov ntơưv qơư paz cxiv kho têx vax tsêr. Têx chuôz zis nhoz hâur thax tsav riêz nênhs tâu tsưr tsix yeik txar muk nhoz trâu qơư taz por. Zơưv Phạm Bình Minh, Phưv Chủ tịch Ủy ban huyện Văn bàn heik:

“Trơưk li pêz xav, muôx nhos 67 ha liêx têz blêx, jâuz tâuv uz no trâus đêx nas ngaz. Taz sik, viv đêx ngaz tsi ntêr viv li đhâu thâuv đêx grik tas mak têx liêx têz tưs tsi trâus ar cxuz, pêz cux tso tsôngv box lêis sâu, đê têx jâuz tâuv”./. 

(An Kiên-Riê Lâux cxeik, nhênhv)

Zar hnuz kêix 26/6, chor shux xênhz nhoz têx tỉnh Tây Bắc tưz uô tiêr jax thik Ngoại ngữ; têx tiv phaz thiêz nganhx txơưx jênhv tưz sik côngv kriz uô têx tsưr ziv chiê khưx phưx zos muôx yưv phiv liv; taz sik ntux nas chuô cux tsik phiv liv luôx tưs txos jiês thik. Thôngz sâu hâur jiês thik zar hnuz kêix nas hmo, ntơưv tỉnh Sơn La muôx 15 lênhx shux xênhz tsik muôx njêx muôs; Lào Cai muôx 9 lênhx, Điện Biên 11 lênhx…Ntơưv tas nro têx qơư thik, jiês thik tâu tsưr tsix ngaz tuk, truôx jông, huv cêr chêi. Tiv chor shux xênhz nhoz Tây Bắc phênhv ntâu zos mênhx cxưx tsơưs nênhs, tsar tov cơưv ntơưr, nriêr pâuz nzir lok môn Ngoại ngữ njiz phiv liv ntâu. Viv li chôngz lênhx shux xênhz xav tiêk jax thik môn Ngoại ngữ shông no lax uô. Nguyễn Văn Hải, shux xênhz tsêr cơưv cxênhx pêz số 1 thành phố Lào Cai thiêz shux xênhz Nguyễn Ngọc Anh, qơư thik tsêr cơưv cxênhx pêz Nguyễn Huệ, TP Yên Bái puz pâuz:

“Thâuv muk txos hâur qơư thik mak cur xux sêiz đhâu jax thik thiêz pov jax nus thik ntêr, txos thâuv zuk piz uô mak txơưv sir jos uô luôx tưx cux pov lax uô, đros chor nênhs cơưv tsik yuô txơưx mak zuôr lax uô, txơưv tưz uô tas hur si têx kror hâur jax thik”./.

(TTTB-Lik thox cxêik nhênhv)

Sơn La zos iz hâur 6 tỉnh tox siêz faz Bắc tâu cxaz chuôz dưv anr txo grêk yeiz pluôs ntu 2, zos  tsêr nhiêx ntiêx têz chơưv paz, xav hur si pênhr yưv uô dưv anr tas muôx 850 ntâu tỷ đeiv. Dưv anr txo grêk yeiz pluôs ntu 2, shông 2010-2018, tỉnh Sơn La tâu uô hâur thax tsav 500 ntâu jok, zuôr xar 40 xã nhoz 6 huyện zos: Thuận Châu, Mai Sơn, Mộc Châu, Vân Hồ, Bắc Yên thiêz Phù Yên. Đhâu ntâu shông uô lơưr, tỉnh Sơn La tưz muôx 200 ntâu côngz trênhx yưv pênhr huôv tsar kinh tế huyện tâu fuô uô, muôx têx côngz trênhx cêr mul lok, qox, đêx liv, đêx xênhz thiêz ciêz. Iz chas ntơư, tưz uô tâu 5.300 ntâu têx hâux lưv mê li kho hlôngr têx côngz trênhx jêx jok. Zơưv Đinh Trung Dũng, Phưv giám đốc Sở tsưr ziv thiêz yưv pênhr uô, Giám đốc Ban seiz car dưv anr txo grêk yeiz pluôs tỉnh Sơn La heik:

“Dưv anr tưz sir jos trâu luôs hâux lưv fuô uô têx nuv sâuv nhoz têx thax tsav txov nhêv, đhâu co zos paz tsôngv box sđ huôv tsar uô nox uô hâuk. Lar heik đuô, thâuv sik đros paz fuô uô, ntơư zos sik paz txix têx doanh nghiệp, siz paz txix têx chuôz zis uô lax luôv đros thiêz têx lênhx nênhs tsiv uô tưz muôz jông six hơưv trâu tsôngv box thax tsav dưv anr gra siêz luz nênhx nox nhoz, txo grêk yeiz pluôs truôx thiêz uô luôs hâux lưv cxiv tsa jêx jok yiêz”./.

(Trấn Long-Riê Lâux cxeik, nhênhv)