Sìn Hồ zos iz hâur têx huyện lok six txov nhêv hâur tỉnh Lai Châu heik taz, hâur têz qơưk heik cxuô. Hla đhâu têx cêr txov, chiê huyện luôs hâux lưv txo grêk cêr pluôs cê uô tâu sei cê truôx, huyện Sìn Hồ tưz fuô uô ntâu faz tsưr ziv cxơưz cxiz huôv tsar uô kôngz nuv. Pos Trần Thị Thu Hiền-Tsar phongx Kôngz nuv thiêz huôv tsar tox siêz huyện Sìn Hồ heik pâuz: “hâur cxiv uô têx tsaz yênhx: 135, 30a....huyện Sìn Hồ lok six moz siêz txos luôs hâux lưv paz max trâu px huôv tsar uô nox, hâur co chêx tsôngk paz max trâu têx chuôz zis pluôs nhoz chor xã hâur huyện huôv tsar chos têx zav ntông nox txir li: Txir juôx, txir mo mix, txir mo môngk, txir lưk pax. Tâu paz zuz nôngz thiêz tsưr ziv thôngz đhâu têx lớp kriê cxaz txux chi tsưr ziv yuôr trâul, yênhx puô chuôz zis pluôs hâur huyện sir jos muôz têx liêx têz uô tsi jông kôngz hlôngr chos têx ntông nox txir. Txos iz jiês no, hâur thax tsav huyện tưz muôx 550 ha ntâu têz ntông nox txir cxuô zav. Đros trâu huôv tsar chos têx ntông nox txir, px têx xã hâur thax tsav huyện Sìn Hồ tsênhv sir jos đas cir chos yuôx zêx Shan tuyết. Niêx shông, chor chuôz zis pluôs hâur huyện tưz txo grêk txix 3-5% iz shông./.

                                                                      (KT-Riê Lâux cxeik, nhênhv)

Tuz lênhx zênhx Biên phôngx Nà Bủng, Bộ tuz lênhv tỉnh Điện Biên, tưz đros công an huyện Nậm Pồ, tỉnh Điện Biên ntêk cxov tâu 2 lênhx nênhs fêv nhiês zuôr muôs zax zênhz hâur thax tsav ntus đriv. Ntơư zos  yơưz phơưz tâu 2.400 cxênhz njiêr yuôx shơư zax zênhz, 300 txiêx zênhz đuz. Oz lênhx nênhs zuôr muôs zax zênhz ntơư zos: Thox x Zax, xênhz shông 1967; Pax x Zax xênhz shông 1981, puôr lênhx nhoz trau jos Pá Kha, xã Nà Bủng, huyện Nậm Pồ, tỉnh Điện Biên. Nhiv no cơ quan muôx vax huôv tsênhz taz tov uô ntâuz ntơưr cov tsênhz mênhx chiê muôz oz lênhx nênhs hêik sâu tik cêr cxâuv cov zos đrêiv chêi têz qơưs tso tơưv./.

                                                            (Tsu cxêik nhênhv-Vũ Lợi -Vàng lan BT)

Ntơưv jiês tu trôngx plâuz 12 lênhx nênhs trâul cxâuv hâur txuz tsar ndê điểm thik trâu shux xênhz hâur jiês thik cơưv tiêr ntơưr lớp 12 thôngz têz qơưk shông 2018 nhoz tỉnh Sơn La, zar zuôr tsâuk ntux hnuz 26/5, đhâu thâuv suôx câuv lok sâuv nus, têz, hội đôngx tu txuz plâuz no tưz tso chor nênhs cxâuv heik zuk têx lul, tsưr ziv siêz xar uô kaz ciês thâuv zuôr qir tso tơưv têx cui tinhv tik cêr cxâuv. Hnuz 29/5 zuôr txos no, Tòa án tỉnh Sơn La zuôr tik cêr cxâuv trâu 12 lênhx nênhs hêik sâu.

Phênhv ntâu chor nênhs trâul cxâuv puôr lênhx heik tiêk: Nhiv no tưz xar txos lis thiêz pâuz tsênhz lok zuk têx cêr uô cxâuv chei. Iz chas ntơư, cux thor hội đôngx tu plâuz paz seiz xav li chas chiê txo grêk kik tik cêr cxâuv chor nênhs uô cxâuv chêi co. Zơưv Nguyễn Minh Khoa thâuv tâu heik zuk têx tsưr ziv, siêz xar ntơư, cux heik nhav nxiês tiêk, zuk tsi zos lênhx nênhs muôz nhiêx xiêz trâu luôs lưv tus. Iz chas co, xar cov hội đôngx tu plâuz seiz shuôs đuô cơ quan txiv ngaz qênhz yuôx têx ntâuz ntơưr heik thiêz têz qơưk têx cui tinhv tik cêr cxâuv trâu lênhx nênhs tsi trâul cxâuv lok sâuv muôz nhiêx xiêz trâu luôs lưv tus thiêz thor tso zơưv tâu tror lok tsêr./.

(VOVTB-Riê Lâux cxeik, nhênhv)

Cux zos ntơưv tỉnh Sơn La, muôx 2 lênhx nênhs huôz nox tưz trâus công an huyện Mộc Châu, tỉnh Sơn La ntêk cxov tâu trâu thâuv tas su hnuz 26/5, đhâu iz txuz oz lênhx nênhs hêik sâu huôz nox ntơưv xã Chiềng Hắc, huyệ Mộc Châu. Đhâu ciês muôx yưv txuz huôz nox co, lực lươngx công an huyện tưzzênhx max muk qênhz yuôx, ntêk cxov tâu oz lênhx nênhs fêv huôz nox ntơư. Ntơư zos Lâm Văn Mẫn, xênhz shông 1978, nhoz xã Tô Múa, huyện Vân Hồ; Nguyễn Duy Thuật, xênhz shông 1979, nhoz xã Chiềng Hắc, huyện Mộc Châu. Viv tsik muôx nhiêx zuôr zax zênhz chox lok hâuk, oz lênhx nênhs fêv co thiêx muk huôz pos Nguyễn thị Hoa, nhoz jos Long Phú, tsênhv taz tov muk uô têz iz lênhs, Mẫn thiêz Thuật thiêx muk muôz pos Hoa khi thiêz huôz tâu 24 triệu 8 puô cxênhz đêiv nhiêx.

Nhiv no cơ quan muôx vax huôv tsênhz taz tov qênhz yuôx uô cov tsênhz mênhx, chiê muôz oz lênhx nênhs fêv, huôz nox no tik cêr cxâuv cov zos đrêiv chêi têz qơưs tso tơưv./.

                                                                                        (Tsu cxêik nhênhv-VOVTB )