Tror thôngz xor mông lok 28 ziv chuôz zis tsôngv box nhoz jos Tùng Sáng, xã Tà Ngảo, huyện Sìn Hồ, tỉnh Lai Châu trâus cuôr yôngz tiv ar poz, PV Khắc Kiên nhoz Đeix nta suôz Việt Nam iz suôv faz Bắc puz pâuz: thâuv 4 six tas cik no, đhâu ntâu hnuz lol nas tsi so, sâuv trôngz nhoz jos Tùng Sáng poz lol cuôr lơưv 28 ziv chuôz zis hâur jos. Tas nro 28 ziv chuôz zis li tsêr nhoz trâus cuôr lơưv tas hur tiz si, môngr jông viv tâu canhv pov nzor viv li pox nhuôs txar qơư nhoz nzor tsi trâus ruôr hiêv lok lênhx nênhs. Nhiv no ntơưv Tùng Sáng ntux tsênhv tror lol nas, sâuv trôngz tsênhv muôx caz plêz lox. Zơưv Nguyễn Văn Thành, Phưv bí thư huyện ủy Sìn Hồ, lênhx nênhs chox kriê côngz xưv chơưv paz ntơưv no puz pâuz: Chiê ngaz tul luz nênhx trâu pox nhuôs, đrâuv tâu jênhv paz txưv lok tris yo, têx chuôz zênhx zuôr trâus cxôngx tỉnh, mak huyện tưz paz txưv iz chuôz zis 3 tsov đeiv, đros co zos huiz tôngv têx lưx lươngv paz cxiv tsêr lav nhoz trâu pox nhuôs./.

(Khắc Kiên- Txâur Vax cxeik nhênhv)

Thâuv nhos 3 six 20 phênhz zar hnuz kêix 27/6, iz lênhx pox niêv tưz trâusl tuôs thâuv hla đhâu tuk đêx Sủng Hoảng hâur thax tsav jok Trung Hồ, xã Phìn Ngan, huyện Bát Xát, tỉnh Lào Cai. Lênhx pox niêv trâul tuôs co zos Vax Lở Mẩy, xênhz shông 1999, nhoz xã Phìn Ngan, huyện Bát Xát, tỉnh Lào Cai. Thâuv niêv lâuk Mẩy tsênhv taz tov hla đhâu đêx txơưv plav tơư ntos, tuôs ciês ntơưv qơư. Mông txix hâu nov ntơưv qơư heik pâuz, thâuv niêv lâuk Mẩy ntos co, ntux cuz sor, đêx tsi hloz, qir tiv uô tuôs nênhl li co phênhv ntâu zos niêv lâuk Mẩy plav tơư ntos, tâuz hâu tsông trâu poz jêz, đhâu ntơư lênhx nênhs vâu trâu hâur đêx, uô tsi tâuk pa thiêx tuôs. Đhâu thâuv muôx têx li heik sâuv, hâu nov xã Phìn Ngan tưz zênhx max muôx njêx muôs ntơưv qơư qênhz shuôs, uô ntâuz ntơưr thiêz choz zok niêv lâuk Mẩy trâu chuôz zis uô đaz uô kruô./.                                             

                                                                                  (An Kiên-Riê Lâux cxeik, nhênhv)

Muôx lênhx coaz txos txuz tul qox đei trâus tu mul lol tsi tâu trâu xã tox siêz nhoz Yên Bái: Hâur 2 hnuz nhiv kruôr đhâu, lênhs tov huyện Trạm Tấu ( tỉnh Yên Bái) tưz chox kriê phongx chuyên môn thiêz chinhr quyênx xã Túc Đán đros têx ziv chuôz zis tsôngv box jos Nậm Đông, xã Nghĩa An, thị xã Nghĩa Lộ gôngr côngv chuôz zênhx thiêz hnuz côngz tror lav uô iz tul qox chiê mul lol đhâu. Txos nhiv no, tul qox tưz uô tiêr, tuôv zênhv tâu tsôngv box hâur thax tsav li zoz qơưx mul lol. Taz sik, nhiv no tsênhv zos cheix lol nas viv li chinhr quyênx têx tiv phaz cux yax mông, heik tsôngv box tsuv tsưv ziv thâuv mul đhâu tul qox no. Uô ntêx co, tas cik hnuz 23/6 tul qox đei Nậm Đông, nhoz xã Nghĩa An, thị xã Nghĩa Lộ, tỉnh Yên Bái- tul qox mul xã Túc Đan, huyện Trạm Tấu tưz trâus tu thiêz poz tas hur si. Môngr jông tsi muôx lênhx nênhs tưs trâus saz./.

(Đinh Tuấn- Txâur Vax cxeik nhênhv)

Nhiv no tỉnh Sơn La tsênhv muôx têx nhuôv tuz nhuôv nxeik xênhz zus tâu lok tsi siz bâus siêz yax pir li hur si têz qơưk, tas shông 2017 zos 117,1 lênhx nhuôv tuz hâur 100 lênhx nhuôv nxeik, 6 luz hlik hâur shôngk shông txơưv tiêk tưz txo grêk tsơưs, taz cux tsênhv chôngz, zos zuôr xar 117 lênhx nhuôv tuz hâur 100 lênhx nhuôv nxeik. Txix têx li heik no, tỉnh Sơn La tưz sir jos fuô uô ntâu faz tsưr ziv chiê txo grêk tsơưs têx nhuôv tuz thiêz nhuôv xênhz zus tâu lok tsi siz bâus, lar heik li: Chuôz tsar tiês yax kriê Đảng, têz qơưk têx cui tinhv, tsênhv chei lok chei pox niêv thiêz txir nênhx vax huôv siz luôs, muôz jông six hơưv trâu têx pox niêv thiêz nhuôv nxeik cxaz chuôz uô têx hâux lưv XH thiêz muôx six hơưv trâu têx pox niêv, nhuôv nxeik huôv tsar, gra siêz txux chi; hlôngr yiêz tsôngv box sđ tsưr ziv jênhv pâuz lok pox niêv li vax huôv hâur chuôz zis thiêz XH..... Zơưv Trần Đình Thuận, Chi cục tsar chi cục jênh sôr-tsưr ziv xênhz zus nhuôv tỉnh Sơn La heik:

“Chiê tir thêir tâu têx li heik no, txo grêk tsơưs têx nhuôv tuz thiêz nhuôv nxeik xênhz zus tâu lok tsi siz bâus, hâur co tso tơưv iz cxiê tsưr ziv zov chênhr zos: Sir jos uô jông hâux lưv yax kriê, zoz zux, hlôngr yiêz tsưr ziv siêz xar chiê gra siêz tsôngv box sđ txux chi jênhv pâuz lok têx tsi jông thâuv xênhz zus têx nhuôv tuz thiêz nhuôv nxeik tsi siz bâus; iz chas ntơư chiê tsôngv box muôx tsưr ziv xar thôngz thiêz jông đuô, tsi đros cxaz chuôz xeir têx nhuôv tuz thiêz nhuôv nxeik uô ntêx thâuv tsi tâu xênhz zus, uô li chas chiê xênhz txâuk 2 tuk nhuôv thiêz choz kriê tâu têx nhuôv ciêz, mnôngs luk, tsiv tsiêx.....”./.

(Trấn Long-Riê Lâux cxeik, nhênhv)