Lơưr điểm côngz fur, tas nro tỉnh Yên Bái njuôs xav muôx 6 cxênhz 942 lênhx shux xênhz txâuk điểm tâu côngz jênhv cơưv tiêr cxênhx 3, tsav zuôr xar 98%. Muôx 8 tsêr cơưv hâur tỉnh njuôs xav muôx 100% shux xênhz thik tâu điểm txâuk côngz jênhv cơưv tiêr cxênhx 3 zos tsêr cơưv THPT Chuyên Nguyễn Tất Thành, THPT Nguyễn Huệ, Phổ thông mênhx cxưx nội trú THPT tỉnh, THPT Nghĩa Lộ, Phổ thôngz mênhx cxưx nội trú THPT Miền Tây, THPT Trần Phú....Tas nro tỉnh Yên Bái muôx 28 jax thik tax 10 điểm.

Tỉnh Lào Cai, lơưr côngz fur têx shux xênhz sâuv thax tsav li chêx cuk uô jax thik cux jông, tsơưr lươngv siêz đuô pir đros shông 2019, taz sik môn ngoại ngữ mak tsênhv kis. Hâur têx shux xênhz li 37 cxênhz ntâu jax thik nhoz 10 môn thik, muôx ¾ tax điểm siêz đuô phênhv chungz fênhx; tas nro mak siêz đuô shông tov ntêx. Taz sik môn ngoại ngữ mak yênhx iz phêv liv đros shux xênhz iz tỉnh tox siêz li Lào Cai. Txơưv điểm thik 2 môn ngoại ngữ shông no chuôz ndê pir đros tsêz no, taz sik tsênhv nhoz phênhv kis./.

(VOVTB-Txâur Vax cxeik nhênhv)

Viện huôv tsar kinh têr sik côngv uô nhoz Liên Minh Hợp tác xã Việt Nam sik côngv đros UBND huyện Than Uyên (tỉnh Lai Châu) nhiv kruôr tsưr tsix yax kriê cxaz nzir txux chi, tsưr ziv lok chos, tsoz phưz thiêz tsês chiê têx cxur Séng cù trâu chor chuôz zis nhoz oz xar: Mường Cang, Hua Nà (huyện Than Uyên). Đhâu cơưv shâuv, chor chuôz zis tưz pâuz tâu lok tsưr ziv chos blêx séng cù, xưv lik têx nôngz blêx uô ntêx thâuv vâuv, tsưr ziv vâuv nôngz; tsưr ziv uô zuz, chos, tsoz phưz, phax tar tsik chiê caz hmoz uô ruôr hiêv txos têx blêx; tsưr ziv sâu blêx thiêz tuôr chiê cxur Séng cù. Jiês yax kriê cux paz trâu pêx xênhv muôx nzir txux chi, tsưr ziv lok tsêz chos blêx hữu cơ chiê paz trâu tsơưr lươngv blêx Séng cù tsưr ziv kriê, tax ploz tsênhr OCOP, paz tuôr chiê côngz bê trâu chor cxur Séng cù ntơưv huyện Than Uyên.

Cxur Séng Cù zos zav nôngz blêx tsư kaz thiêz blâuv, muôx ntâu tsơưr pưr. Nhiv no huyện Than Uyên sir jos txos shông 2025, 2 xar Hua Nà, Mường Cang tsêz chos muôx 100 ha blêx séng cù hữu cơ./.

(Báo LC-Lik Thox cxêik nhênhv)

Jiês thik cơưv tiêr cxênhx 3 shông no, tỉnh Điện Biên muôx chor shux xênhz thik tâu tax 98%, sơưr tiv 53 sâuv tas nro têz qơưk. Zơưv Nguyễn Văn Kiên, Giám đốc Sở zaoz zux tỉnh Điện Biên puz pâuz: jiês thik shông no, hâur tas nro 5 cxênhz 47 lênhx shux xênhz nhoz tỉnh đăng cir thik chiê xeir zuôr cơưv tiêr cxênhx 3, muôx 4 cxênhz 941 lênhx muôx txâuk điểm chiê tâu côngz jênhv cơưv tiêr, chuôz ndê 6% pir đros tsêz no. Ntơưv hội đồng thik Tsêr cơưv THPT huyện Điện Biên-qơư muôx yưv hâux lưv kênhz muôz đề thi, uô zuôr xar 120 lênhx shux xênhz tsuv tror thik đuô môn Địa Lý, 100% shux xênhz thik tâu ntơưr. Shux xênhz li têx qênhx puôr lênhx tâu taz por lơưr cui tênhv.

Hâur 9 môn thik cơưv tiêr THPT shông no, têx môn thik muôx điểm kis phênhv ntâu zos môn toán thiêz ngoại ngữ. Lơưr Giám đốc Sở zaoz zux tỉnh Điện Biên, 2 môn toán thiêz ngoại nghữ điểm kis phênhv ntâu zos tiv phaz muôx tsi txâuk cưk kriê tsơưr lươngv siêz./.

(VOV- Txâur Vax cxeik nhênhv)

Lơưr Ban ngaz tuk zoz thôngz tỉnh Lào Cai li thôngz sâu, tsuôk hâur iz hnuz, sâuv thax tsav tỉnh muôx yưv 4 txuz txiêz nanv zoz thôngz, uô 3 lênhx nênhs tuôs, 3 lênhx nênhs trâus saz.

Txuz xuz thơưx muôx yưv sâuv txox cêr 157B, thax tsav jok An Thành, xar Quang Kim, huyện Bát Xát, tỉnh Lào Cai. Yêz ô tô tải siz yiêr đros yêz mêir. Uô trâu pox M. tuôs ciês ntơưv qơư sik đrâuk. Txuz tiv oz zos ntơưv jok Phẻo, xar Xuân Giao, huyện Bảo Thắng, zos luz yêz lox siz yiêr đros yêz mêir, uô Nguyễn Văn K. tuôs ciês ntơưv qơư, Vi Văn M. trâus saz.

Đros hnuz, sâuv  txox cêr muk xar Tả Van, thị xar Sa Pa cux muôx yưv iz txuz yêz nzênhr, sâuv txox cêr 70, ntu muk đhâu thax tsav xar Xuân Quang, huyện Bảo Thắng, oz lênhx nhuôs nxêik shux xênhz chêix yêz mêir tưz siz yiêr đros 1 luz yêz tải. Txuz txiêz nanv tưz  uô iz lênhx shux xênhz tuôs ciês, lênhx shux xênhz tsênhv yuôr tâu chox muk chơưv paz thâuv tưz trâus saz hnhar…/.

(An Kiên-Lik Thox cxêik nhênhv)