Tror uô luôs hâux lưv njiz cử tri, đhâu jiês cơưv tiv 4 Quốc hội khoá 14, hnuz 28/11,  uỷ viên Bộ chính trị, zos lênhx uô Thường trực Ban bí thư, sêiz car uỷ ban qênhz yuôx Trung ương, Trần Quốc Vượng tưz đros cxuô lênhx đại biểu nhoz saz đoanx đại biểu Quốc hội tỉnh Yên Bái tưz muôx jiês njiz cử tri huyện Yên Bình.

Cử tri huyện Yên Bình cux hêik trâu Trung ương, tsuv cxaz nzir nhiêx chiê cxiv uô vax tsêr thiêz kriz uô cêr yêz muk lok trâu thax tsav tsôngv px hêir nênhs tsơưs tox siêz đêz đrôngl thiêz Quốc hội tsuv hêik trâu Bộ quốc phôngx, nzor muôx ntâuz ntơưr trâu quân khu 2, choz zok iz cxiê ar ntơưv trung đoanx 174 trâu iz cxiê px nhoz thax tsav xã Thịnh Hưng, huyện  Yên Bình huôv tsar uô kôngz lôngk thiêz Quốc hội, Chính phủ tsuv muôz cxaz nzir nhiêx hli trâu ngênhx cưk kriê ntơưr cov sđ muôx luz nênhx truôx tuk jux juk./.

                                                                                     (Tsu cxêik nhênhv-Tuấn-Xuân, Tây Bắc)

Tas cik hnuz 28/11, Ủy ban tỉnh Lào Cai tsưr tsix Phêv ziv njiz têx đại sứ quán thiêz tsưr tsix phi chinhr phuv đrâuv luôk oz chas têz qơưk muôx huôx tôngv paz txưv ntơưv tiv phaz six hơưv đhâu. Xav cxôngx shông 2014 txos nhiv no, tưz muôx 24 tsưr tsix phi chinhr phuv, 13 tsưr tsix sâuv ntiêx têz đros iz cxiê taz viv, công ty, lênhx nênhs đrâuv luôk oz chas têz qơưk cxaz chuôz paz txưv trâu tỉnh Lào Cai, thôngz đhâu 89 tsaz yênhx, dự anr, phênhv paz txưv đros tas nro pênhr zos 150 tỷ đeiv ntâu.

Têx tsaz yênhx, dự án, phênhv paz txưv phênhv ntâu zos mê thiêz muôx njik mê ntơưv têx huyện Sa Pa, Mường Khương, Si Ma Cai zos têx thax tsav muôx ntâu tsôngv box mênhx cxưx nhoz uô nênhx, kinh têr tsênhv txov nhêv. Chêx chôngk huôv tsar têx vênhv thix li kôngz-jôngr nuv thiêz huôv tsar nôngx cxênhz; y tế, zaoz zux, xã hội; huôv tsar côngv thôngx, paz txưv pox niêv thiêz mê nhuôs zâu; tuôr tsês, phuôx huiz vênhx huôv thiêz huôv tsar ju lix; muôz siêz tsơưr lươngv tênhx qơư theiez txu grês têx trâus ruôr hiêv tiv ntux nas./.

                                                                                        (An Kiên-Txâur Vax cxeik nhênhv)

Muôx cêr shir phaz trâu tsôngv px chos tsoz chos caz nzưr hmaz nhoz tỉnh Sơn la, viv zos tâu muôs trâu ciêz đrôngl têz qơưs pháp.

2 tân txir caz nzưr nhôngk, jiês xuz thơưx tưz tâu công ty, zuôr chox muk muôs trâu cxuô qơư muôs hax huv têz qơưs pháp. Chiê chos cov tâu txir caz nzưr hmaz lox, zos 12 luz txir caz nzưr hmaz muôx iz chiêz thiêz tâu chos, tsưx phưv jông zos đrêiv tsưr ziv kriê, muôs trâu têz qơưs Châu Âu.

Nhiv no công ty faz Bắc nhoz tỉnh Sơn La zos qơư zuôr tsôngv px sđ têx txir caz nzưr hmaz. Thax tsav ar têz chos caz nzưr hmaz đar muôx 500 ha, nhoz trâu 0z huyện Mộc Châu thiêz Thuận Châu. Njuôk xav, shông no zuôr sâu tâu 12 cxênhz tấn txir caz nzưr hmaz nhôngk, grê muôs 15 cxênhz iz cir, zos chưx têx côngk đas jos uô, 1ha têz ar chos tsoz chos caz nzưr hmaz, zuôr sâu tâu 200 ntâu triệu đêiv nhiêx./.

                                                                                                   (Tsu cxêik nhênhv-Tuyết Lan)

Nhiv kruôr đhâu, Phòng cảnh sát ntês cxov nênhs phamv cxâuv, Công an tỉnh Lai Châu puz pâuz, taz viv nhiv kruôr ruôr yênhx côngz chuyên án 213P, ntês tâu Páo Xênhv Shôngx 35 shông nhoz jos Hợp III, xã Dào San, huyện Phong Thổ viv tuô tuôs lênhx nênhs tsir mul đhâu 5 shông thiêx ntês tâu. Lơưr ntâuz ntơưr, hnuz 19/6/2012, thâuv mul uô têz, Páo Xênhv Zax thiêz Páo Xênhv Shôngx siz ntâus, Páo Xênhv Shôngx ro hâur chêr iz luz thôngz poz lol chiê tuô tix lâuk Páo Xênhv Zax, thâuv co Páo Xênhv Shôngx tul tuz xênhz nzưr tuôx qênhv taz sik môngr tsi jông luz thôngz poz leiv trâus tâuz hâu, luz thôngz poz tsi tơưs taz sik tiv trâus saz, viv li Páo Xênhv Shôngx tul tuz xênhz nzưr tuôs ciês ntơưv qơư. Đhâu co Páo Xênhv Shôngx khiêr tsir lơưv. Đhâu sir zôngv cxuô tsưr ziv nghiệp vụ, txos tar su hnuz 22/11/2017, taz viv tưz ntês tâu Páo. Nhiv no phòng cảnh sát ntês cxov nênhs phamv cxâuv, Công an tỉnh Lai Châu tưz choz lênhx nênhs trâu chiz coaz muôx txơưx jênhv yưr lir lơưr pháp luật li cui tênhv./.

             (Khắc Kiên- Txâur Vax cxeik nhênhv)