Jiês thik tưr cơưv tiêr ntơưr cxênhx pêz têz qơưk shông no, tỉnh Yên Bái muôx 7.000 ntâu lênhx shux xênhz cxaz chuôz thik ntơưv 25 kror qơư thik. Tas nro tỉnh muôx 1000 lênhx cán bộ, cưk kriê ntơưr sik côngv đros 450 ntâu lênhx cán bộ, cưk kriê ntơưr tuôx txix tsêr cơưv đại học Mở Hà Nội thiêz Đại học công nghiệp việt Trì tsưr tsix jiês thik.

Zơưv Luyện Hữu Chung, Phưv giám đốc Sở zoz zux thiêz thox cxov tỉnh Yên Bái puz pâuz: Chiê taz por trâu jiês thik tưr tâu ngaz tuk, truôx jông, cxiv luôs camera tâu lôngx đhok ntơưv tas nro chor qơư thik, txix sêiz car đề thik, jax thik txos trâu oz trôngx chấm thik li qơư uô hâux lưv.“Sở cux sik côngv đros Công an tỉnh cê kruôz kriê, cê qênhz shuôk đuô tas nro cxuô kror hâur ntu tsưr tsix thik, tiv zix zos ntơưv têx qơư uô đề thik, qơư chấm thik; bax têx tsưr ziv uô jông gra chor đề thik txix Sở zoz zux thox cxov txos trâu chor qơư thik thiêz gra chor jax thik txix têx qơư thik lok trâu ntơưv sở, taz por phax tar têx tsik jông phiv liv. Sở cux tưz cxiv uô tsưr ziv qênhz yuôx nhoz tas nro cxuô kror, sik côngv đros thanh tra Bôv chiê taz por jiês thik tâu uô ngaz tuk, truôx jông”./.

                           (Tuấn Xuân-Lik Thox cxêik nhênhv)

Hnuz 28/5, Toax anr tỉnh Sơn La tror yơưz nus 17 lênhx nênhs uô cxâuv hâur txuz “Cxoz txưv uô zuôv têz qơưk chei, cui tinhv lok seiz car uô tuôr xuôv tas ntâu têz qơưk têx nhiêx txiêx” thiêz “tsi moz siêz lês uô jông hâux lưv zok muôz uô muôx yưv têx tsi jông” hâur pâux nzir yêik txar qơư nhoz zuôr qơư uô tsêr meir tênhv tênhz Sơn La.

Tror uô hâux lưv hnuz 28/5, têx lênhx Luật sư, Kiểm sát viên tuôr vax huôv tưz sir jos sik thav, heik cov muôx cêr thôngx ziv. Luật sư heik, txuz nuv no tsi muôx qơư trâu, viv lênhx nênhs trâul tik cêr cxâuv Đèo Văn Ban  tsik cik txos chor nênhs trâus cxâuv txơưr đuô. Têx nênhs cxâuv hâur txuz no tsi muôx tsưr ziv siz thôngx siêz, tuôr hâur uô cê pheiz zuôr 1,2 tỷ đeiv nhiêx. Viv li ntơư, 17 lênhx nênhs uo cxâuv chêi hnuz no puôr lênhx tik cêr cxâuv zuôv cêr trâu./.

(Trấn Long-Riê Lâux cxeik, nhênhv)

Cik txos txuz hâux lưv uô zuôv hâur thik tưr ntơưv Sơn La, Ủy Ban qênhz yuôx Tỉnh ủy Sơn La cơưv, tsik tso nhoz hâur Đảng 7 lênhx cán bộ. Ban Thường vụ Tỉnh ủy Sơn La cơưv, biểu quyết thiêz cuêz tênhv kỷ luật zơưv Trần Xuân Yến-Phưv giám đốc Sở Zoz zux thox cxov tỉnh Sơn La. Zar hnuz kêix 27/5, Ủy ban qênhz yuôx Tỉnh ủy Sơn La cux tưz tsưr tsix cơưv thiêz njuôk xav tsưr ziv kỷ luật 7 lênhx cik txos txuz uô cxâuv thik tưr no. 7 lênhx nênhs trâus kỷ luật tsik tso nhoz hâur Đảng zos: Lò Văn Huynh, Trưởng phòng khảo thí thiêz sêiz car tsơưr lươngv Sở zoz zux thox cxov; Nguyễn Thị Thanh Nhàn, Phưv trưởng phòng khảo thí thiêz sêiz car tsơưr lươngv zoz zux thiêz thox cxov, Sở zoz zux thox cxov; Nguyễn Thị Hồng Nga, chuyên viên phòng khảo thí thiêz sêiz car tsơưr lươngv, Sở zoz zux thox cxov; Cầm Thị Bun Sọn, Phưv trưởng phòng chính trị-tư tưởng, Sở zoz zux thox cxov; Đặng Văn Thủy, Phưv Hiệu trưởng tsêr cơưv cxênhx pêz Tô Hiệu, thành phố Sơn La, Đỗ Khắc Hưng, Kuz Trung tá, Phongx an ninh chính trị nội bộ, công an tỉnh; Đinh Hải Sơn, kuz thiếu tá, Phongx an ninh chính trị nội bộ, Công an tỉnh./.

                                        (Thanh Thủy-Lik Thox cxêik nhênhv)

Phongx Cảnh sát hình sự, Công an tỉnh Yên Bái nhiv kruôr ntêk tâu Phạm Văn Dương, xênhz zus shông 1985, nhoz ntơưv jok Phạm, xã Phú Châu, huyện Đông Hưng, tỉnh Thái Bình, zos lênhx tuô nênhs, huôz nox ntơưv qơư muôs nhiêx cuz Phú Quý, nhoz jok 36 B, phường Hồng Hà, TP Yên Bái, tỉnh Yên Bái 11 shông đrav ntêx ntơư. Ntơưv cơ quan qênhz yuôx, Dương krêz lênhk tiêk: Tiv tsi muôx nhiêx zôngv, pâuz zơưv Nguyễn Quang Trung, xênhz zus shông 1951, tsưr kror qơư muôs nhiêx cuz Phú Quý nhoz hâur tsêr iz lênhs, Dương tưz xar tâu têx tsưr ziv tsi jông li heik sâuv chiê huôz nox./.

(Tuấn Xuân-Riê Lâux cxeik, nhênhv)