Nas hmo, Đoanx Côngz xưv Côx hôiv zos Phưv chủ tịch Côx hôiv Phùng Quốc Hiển uô trưởng đoanx tưz tuôx sêiz nus, khơưk muôz huv, paz trâu chor chuôz zis njiz phiv liv tiv ntux têz uô hiêv ntơưv chor huyệnTam Đường, Tân Uyên thiêz Than Uyên, tỉnh Lai Châu. Phưv chủ tịch Côx hôiv paz trâu pox nhuôs sir jos hla đhâu têx phiv liv, pôngz siêz, khưx phưx têx phiv liv, nzor truôx tuk luz nênhx, uô xênhz yar. Phưv chủ tịch Côx hôiv hêik chính quyền cxuô cấp tiv phaz tsuv tsoz phưz luz nênhx trâu pêx xênhv đhâu trâus ntux têz uô hiêv, tiv zix zos qơư nox nhoz, kôngz krâur, zav nox, đêx hâuk, đas jos y tế. Đros chor nênhs tsik pov tsuv sir jos zok nriêr.

“Pêz tsuv sêiz kaz truôx jông qiv hơưv, tiv zix zos iz cxiê qơư muôx thax tsav phiv liv, tox nxaz siêz, jê têx ntus đêx zôngx ziv muôx yưv ntux nas chuô ruôr hiêv, ar poz. Zos pov chuôz zis tưs nhoz hâur thax tsav phiv liv mak tsuv txar qơư nhoz ciês, zos chor chuôz zis tsik uô trơưk mak tsuv kruôz zuôv”./.

(An Kiên-Lik Thox cxêik nhênhv)

Zar hnuz keix hnuz 28/6, Đoanx côngz xưv tỉnh Sơn La zos đ/c Phạm Văn Hòe, Phưv chủ tịch thường trực UB MTTQVN ntơưv tỉnh Sơn La uô tsar đoanx tưz mul seiz thiêz khơưk muôz huv trâu tsôngv box thax tsav trâus ntux nas tỉnh Lào Cai. Cxôngx hnuz 23/6 txos hnuz 25/6, ntux lol nas uô ruôr hiêv 22 luz tsêr; 100 hecta ntâu poz cưk, blêx, ntâu côngz tsinhx cxiv tsa, cêr mul lol.... njuôs xav ruôr hiêv 43,6 tỷ đeiv ntâu. Cxôngx têx trâus ruôr hiêv co, đoanx côngz xưv tỉnh Sơn La tưz sik pheiz kênh, thôngx cxix khơưk muôz 200 tsov đeiv paz txưv tsôngv box Lào Cai khưx phưx têx trâus ruôr hiêv tiv ntux nas./.

(KT- Txâur Vax cxeik nhênhv)

Jiês ntux nas chuô truz ntêr txix hnuz 23/6 nhiv kruôr đhâu tưz uô trâu nganhx tênhv jos tỉnh Điện Biên trâus hiêv lok ntâu kror, uô muôx yưv phiv liv cungz tênhv trâu têx tiv phaz. Hâur six hơưv muôx ntux nas chuô lox muôx zuôr xar 1.000 lênhx nênhs sâuv thax tsav tsik muôx tênhv. Txos six hơưv no cux tsênhv yuôr xar muôx 100 lênhx nênhs sâuv thax tsav xar Mường Toong, huyện Mường Nhé cux tsênhv tsik tâu muôx tênhv. Zơưv Lò Tiến Dũng, phưv giám đốc công ty tênhv jos tỉnh Điện Biên puz pâuz: Ntux nas chuô hâur têx hnuz đhâu tưz uô lor vâu, puôk tsuôx, cuôr yôngz 11 tuk ndêx tênhv trung thế, 38 tuk ndêx zâu, uô tsik muôx tênhv sâuv iz cxiê thax tsav li: Mường Nhé, Điện Biên Đông, Tuần Giáo. Tas nro têx trâus hiêv njuôk xav xar muôx 2 tiv đêiv. Nganhx tênhv tỉnh Điện Biên tsênhv sir jos chiê tror cungz tâu tênhv nzor tiv zix trâu pox nhuôs cov nzor tiv zix./.

(Vũ Lợi-Lik thox cxêik nhênhv)

Hâur 2 hnuz 27, 28/6, Công an tỉnh Sơn La lov lik tsưr tsix lưx lươngv tơưv txênhz đros têx paz nênhs muôx ntâu cuiz tênhv nriêr zok viv muôv muôs zax zênhz ntơưv thax tsav xã Lóng Luông, huyện Vân Hồ, mak lơưr pháp luật li cui tênhv hâux lưv uô cxâuv co zuôr trâus xưv bluô siêz tiv zix. Đhâu tơưv txênhz, lưx lươngv Công an Sơn La tưz truôx siêz vênhv tôngv, heik têx lênhx nênhs phamv cxâuv tso tsês tsi tir tar lưx lươngv thiêz chiê tâu seiz shuôk lơưr pháp luật li cui tênhv. Taz sik, têx lênhx nênhs co tsi thôngx ziv mak tsênhv zôngv vưv qiv tir tar. Lưx lươngv công an tưz ntês, yưr lir iz cxiê lênhx nênhs, sâu tâu 3 luz hôngz poz, 4 traz fov đros ntâu chuôz zênhx txơưr muôx lênhx coaz, taz por trâu lưx lươngv uô côngz xưv thiêz tsôngv box; tâu cấp ủy, chinhr quyênx thiêz tsôngv box sâu jênhv, ntâus grê siêz. Nhiv no txuz ar tsênhv tâu tror krêz đar qênhz yuôx./.

(Tuyết Lan- Txâur Vax cxeik nhênhv)