Sở zaoz thôngz tỉnh Lai Châu nhiv kruôr tso tơưv ntâuz ntơưr lok hâux lưv qir tso iz cxiê yêz thâux kruô muk lok hâur thax tsav. Lơưr co, txix 12 six tas hmo hnuz 28/10 tỉnh Lai Châu qir tsi yêz vênhv teiv thâux kruô muk 19 tỉnh, thành phố. Hâur co 8 tỉnh, thành phố nhoz cấp 1,2 tâu tso chei muk 50% chor jiês muk zos Hải Phòng, Sơn La, Thái Bình, Bắc Giang, Thái Nguyên, Điện Biên, Lào Cai thiêz Hà Nội. 11 tỉnh, thành phố tâu tso chei muôs 100% zos : Lạng Sơn, Nam Định, Ninh Bình, Nghệ An, Quảng Ninh, Vĩnh Phúc, Bắc Ninh, Phú Thọ, Yên Bái, Hải Dương, Thanh Hóa. Sở zaoz thôngz vênhv teiv tỉnh choz trâu taz viv zôngv yêz chuv tôngv sik côngv đros têx taz viv vênhv teiv chiê cxiv tsa tsưr ziv tsưr tsix uô taz por thiêz phax tar jông moz Covid-19./.

(K. Kiên-Txâur Vax cxeik nhênhv)

Ntu đhâu, iz chas chor nênhs lox tôngv trâus pôngz hâux lưv uô tiv moz Covid-19 tsuv tror lok trâu ntơưv zuk qơư nhoz, mak ntơưv Lào Cai cux tsênhv muôx nênhs tâu uô têx hâux lưv uô ngaz tuk.

Phừ Xênhv Zax, lênhx tuz hluôk zus shông 1993, nhoz jok Hoàng Phì Chày, xar Tả Ngải Chồ, huyện Mường Khương, tỉnh Lào Cai lok sêiz shuôk vax tsêr đhâu 2 luz hli muk uô hâux lưv ntơưv iz công ty uô têx mêir văn phòng nhoz Hải Dương. Phừ piêr, piz muk uô hâux lưv txix hnuz 23/7, ciêz xuz thơưx mak tâu 2 triệu đêiv, hla trâu hli 8 mak tâu 8 triệu đêiv, hli 9 tâu 9 triệu đêiv ntâu. Pov hâux lưv uô cux tsik phiv liv luôx tưs, tênhv qơư hur jông, nox hâuk taz por, phênhv sâu truôx tuk, nhiv kruôr đhâu, Phừ tưz chox pox niêv muk đros uô, têx mê nhuôv mak muôz trâu niêv txir, pos zơưs paz jor iz ntu:“Nhoz tsêr mak tsuôk uô liêx têz xưz, phênhv sâu cux tsik tâu luôx tưs, 2-3 tấn blêx iz shông, chos nzir poz cưk, txir suôz câur lok cux sâu tsik tâu nhiêx hlo. Oz niêv txir muk uô hâux lưv li no mak cux tâu mê njil, tsik uô nzir six hơưv lok iz lênhx nênhs cux tâu 6 triệu đêiv ntâu”./.

(An Kiên-Lik Thox cxêik nhênhv)

Chuôz zis niêv lâuk Lường Thị Hiền nhoz jos Phủ, xã Quài Cang, huyện Tuần Giáo, tỉnh Điện Biên li trâur nuv tu zus nhux đas tsênhv tâu ntâu lênhx nênhs nriêr tuôx cơưv shâuv uô lơưr. Nhiv no, iz shông niêv lâuk Hiền muôs 2 jiês, iz jiês 7 txos 10 tul nhux. Khov chuv tôngv phax tar moz thiêz bax cxix cxuô jâuz tâux trâu nhux, viv li chuôz zis li paz nhux muôx đas jos, sha nhuôs sei thiêz tsơưs muôx moz. Liv zix sâu tâu txux 120 txos 150 tsov đeiv iz shông. Niêv lâuk Lường Thị Hiền puz pâuz, thâuv ntêx chuôz zis cux tu zus taz sik zos tso muk nox jâuz, taz sik khênhr trâus moz, lax tir tar tâu. Txix thâuv cơư chiê tu zus, nhux hloz lox sei, tsơưs muôx moz. Thâuv muôx moz mak chuôz zis pâuz tâu, muôx tsưr ziv phax tar thiêz kho moz taz por đas jos trâu nhux./.

(VOV4-Txâur Vax cxeik nhênhv)

Tỉnh Yên Bái muôx tas nro chor tsiêx cxu zos 700.600 tuk; chor kêiz ol muôx 6 triệu ntâu tuk. Txos nhiv no, caz moz hâur tu zus sâuv thax tsav phênhv tưs tâu tir tar jông, taz sik iz cxiê zav caz moz nhoz chor tsiêx cxu xưk li: moz tơưv poz sâuv têx tơưr grêix nhoz nhux, tưv; moz ơưk kêiz ol… cux tsênhv muôx yưv ntơưv iz cxiê kror qơư taz sik tưz tâu Chi cục Tu zus thiêz Thú y tỉnh côngv đros chor cơ quan muôx vax huôv cxuô thax tsav qơư tir tar tâu jông, ndar six hơưv./.

(VOV4-Lik Thox cxêik nhênhv)