Têx jêx jok tsôngv box Cho nhoz huyện Sìn Hồ, tỉnh Lai Châu tưz uô ntênhs krêz shông yiêz lok hnuz xiêz 3 tsiêz. Krêz shông yiêz li co zos iz chei uô tsâus txos pox sâuz zơưv sâuz, têx đaz xênhz têz xênhz qơư, car đêx car ar....tưz paz por hưv trâu tsôngv px hâur jêx jok uô tâu nox tâu hâuk zôngx ziv hâur iz shông đhâu thiêz tso têx phiv liv, cêr txov por tsês. Thor cov iz shông yiêz, cxuô lênhx cxuô tus nox nhoz shir phaz lus, tsi muôx moz gênhs, uô kôngz lok pur cxaz, tu tsiêx cxu lok pur guôx....Zơưv Tẩn A San, lênhx txir nênhz uô ntênhs krêz shông yiêz heik pâuz:“Tiv iz zos xeir hnuz nhôngs, six hơưv jông chiê lav muk chos iz kro mê njik têx kôngz đros thiêz tsưr ziv, siêz xar cov iz shông yiêz uô tâu nox tâu hnar. Tiv 2 zos txix hnuz xiêz 4, 5 tror zar muk, mak tsuv xeir iz hnuz chêir zos hnuz jêx jok sđ chêir, hâur 3 hnuz tsi khênhr iz lênhx tiz nênhs tưs saz đrâuv gra têx tsi jông tuôx trâu hâur jok”./.

                                   (TTTB-Riê Lâux cxeik, nhênhv)

Têis cik 29/1, (zos hnuz xiêz 5 tsiêz), chor xar nhoz trơưk txox cêr 70 ntơưv huyện Yên Bình, tỉnh Yên Bái tsưr tsix ntênhk hôiv grêk uô liêz chêix ntux yiêz shông 2020 ntơưv xar Bảo Ái. No zos ntênhk hôiv kriz thơưx trâu chor ntênhk hôiv hâur shông yiêz nhoz huyện Yên Bình. Kriz thơưx zos phênhv ntênhk thor ntux paz, uô tâu kôngz lôngk ntâu, cxuô chuô zis tsâu sor, shir phaz thiêz têz qơưk tiêx tuk. Lơưr co zos uô vênhx huôv, vênhx nghệ, sik tưr thể thao mênhx cxưx cxôngx nzor, đros muôx chôngz pox nhuôs cxuô mênhx cxưx: Cho, Tày, Nùng, tsoz tsiz cxaz chuôz. Ntênhk hôiv tưz paz trâu pox nhuôs sơưr đơưk sir jos sik tưr uô nox chiê gra siêz tsơưr lươngv têx kôngz lôngk uô tâu. Đros co, ntênhk hôiv no tsênhv paz tuôr chiê thiêz phuôx huiz têx tsiv gri vênhx huôv cxuô mênhx cxưx sâuv thax tsav./.

(Tuấn Xuân-Lik Thox cxêik nhênhv)

Uô lơưr jiês sơưr tơưv txênhz taz por truôx tuk zoz thôngz thiêz têx yêz lox phưx vưv thâux xa kruô mul hâur six hơưv đhâu tsiêz têz quưk thiêz cheix ntux yiêz muôx ntâu têx ntênhs hội uô si lov jêv, Sở Zoz thôngz tỉnh Sơn La tưz chox kriê têx qơư tsav yêz kruô hâur tas nro tỉnh uô ntâu faz tsưr ziv thiêz têx qơư muôs ntơưr cheix yêz mul lok tâus cêr chiê tsôngv kruô tuôx zuôr tâu têx ntơưr heik co zôngx ziv; qênhz yuôx shuôs jông têx ntâuz ntơưr yêz thiêz lênhx nênhs tsar yêz, têx chuôz zênhx seiz kaz chor yêz thâux xa kruô uô ntêx thâuv tso tsar yêz mul lok thâux xa kruô.... Hâur six hơưv tsiêz no, tas nro tỉnh Sơn La tsi pov muôx iz txuz tưs uô yêz siz yar siz tsông tâus cêr tiv cik txos têx yêz thâux xa kruô mul lok hlo./.

(VOVTB-Riê Lâux cxeik, nhênhv)

Sở Y têr tỉnh Lào Cai puz pâuz, muôx nzir iz lênhx nênhs Việt Nam muk txix Trung Quốc lok đhâu trôngx đriv nhiv kruôr pov trâus uô cuz uô no, đhâu co tưz tâu chox ciês muk tsêr kho moz chiê njuôk shuôk, chơưv kho. Li co, txix hnuz 26/1 txos nhiv no, tas nro tưz muôx 5 lênhx nênhs Việt Nam tsuv tâu sêiz shuôk, chơưv kho ntơưv tsêr kho moz đa khoa tỉnh Lào Cai. Tas nro puôr lênhx tsênhv uô nox, muôs hax huv ntơưv Trung Quốc, hâur co muôx 4 lênhx nênhs nhoz Lào Cai, iz lênhx nênhs nhoz Vĩnh Phúc. Đuô li, cxiv luôs mêir njuôk đas jos luz chêr ntơưv Lào Cai tsênhv pov muôx yênhx châuv lênhx nênhs txơưr đuô trâus cuz zos nênhs Trung Quốc thiêx têx têz qơưk txơưr, chor nênhs no puôr lênhx tsik tâu khênhr lok hâur Việt Nam.

Nhiv no, Ntơưv trôngx đriv ntiêx têz Lào Cai, tas nro chor nênhs lok hâur têz qơưk txix Trung Quốc puôr lênhx tsuv tâu njuôk shuôk đas jos thiêz caz moz lok six jông. Têx tsưr ziv phax tar caz moz corona cux tâu kriz uô chiê phax tar têx phiv liv zuôr muôx yưv./.

(An Kiên-Lik Thox cxêik nhênhv)