Công an huyện Tân Uyên tsưr tsix Hội nghị mnôngs pêx xênhv sâuv thax tsav huyện li ziv chênhv. Thôngz đhâu Hội nghị paz lưx lươngv Công an huyện riêr pâuz pêx xênhv li siêz xar, xor mông txix tiv phaz, txix co khưx phưx têx uô tsik tâu tâu chiê uô tiêr jông têx jênhv vưv tâu choz, por vêv luz nênhx truôx tuk trâu pêx xênhv. Thongx cxix, Chính quyền thiêz pêx xênhv pâuz tsênhz đuô lok jênhv vưv, qênhx cux xưk li lưx lươngv Công an têx phiv liv. Txix co, hêik pêx xênhv cxaz chuôz cxiv tsa phongz yaox “Tas nro pêx xênhv por vêv ngaz tuk têz qơưk”, sir jos uô jênhv vưv huôv tsar kinh têr-xar hôiv, taz por ngaz tuk-côx phax ntơưv tiv phaz./.

                                    (KT-Lik Thox cxêik nhênhv)

Lục Yên zos iz huyện tox siêz nhoz tỉnh Yên Bái, kinh têr xã hội tsênhv yuôr ntâu phêv liv. No cux zos tsôngv box têx mênhx cxưx tsơưs nênhs li qơư nhoz uô nênhx, tsôngv box li yênhx tưv txux chi tsênhv kis, chor lênhx nênhs tsi pâuz ntơưr thiêz tror tsi pâuz ntơưr tsênhv siêz. Viv li, niêx shông huyện Lục Yên tưz krêz iz cxiê lớp cxuôv đis muôs ntơưr thiêz yax kriê, vênhv tôngv tsôngv box tsi pâuz ntơưr mul cơưv ntơưr. Phongx zaoz zux thiêz thox cxov huyện Lục Yên tưz chox kriê têx tsêr cơưv qênhz yuôx, thôngz sâu têx lênhx nênhs tsi pâuz ntơưr, tror tsi pâuz ntơưr; cxơưz tiês côngz xưv yax kriê, vênhv tôngv tsôngv box chuv tôngv mul cơưv ntơưr; cxiv tsa tsưr ziv krêz lớp cxuôv đis muôs ntơưr sâuv thax tsav; tiv zix zos nhoz têx xã txov nhêv tiv zix, thax tsav tsôngv box mênhx cxưx tsơưs nênhs. Huyện Lục Yên sir jos txos shông 2020 chuôz ndê têx lênhx nênhs pâuz ntơưr nhoz hov hnuz nhôngs 15-60 shông tax 94%./.

                            (KT- Txâur Vax cxeik nhênhv)

Ủy ban huyện Sốp Cộp, tỉnh Sơn La nhiv kruôr tsưr tsix hêik pâuz cungz jênhv “cxur Mường Và-Sốp Cộp” trâu hax huv cxur blâuv ntơưv tiv phaz.

No zos jiês chiê hêik pâuz lok tsôngv box cxuô mênhx cxưx huyện Sốp Cộp thiêz hax huv Kôngz nuv jông nhoz tiv phaz.

Sốp Cộp zos huyện ntus đriv tỉnh Sơn La muôx qiv hơưv, đêx ar huv đros chiê huôv tsar chos kôngz lôngk. Ntơưv no cux muôx chor nôngz blêx blâuv tan tsư kaz. Hâur co Tan Hin, Tan Nhe, Tan Đỏ zos pêz zav nôngz kaz tiv zix. Nhiv no tas nro huyện nhiv kruôr uô tâu muôx 5.000 tấn blêx blâuv Tan iz shông./.

                                      (VOV4-Lik Thox cxêik nhênhv)

Cxôngx hâur hlik hli 10 txos nhiv no, tas nro tưz muôx 150 ntâu lênhx shux xênhz ( nhoz hov hnuz nhôngs cxôngx 6-14 shông) ntơưv têx xã Xuân Giao ( huyện Bảo Thắng), xã Xuân Hòa thiêz Bảo Hà ( huyện Bảo Yên) tỉnh Lào Cai sâu jênhv trâus moz kok kaz poz njês. Cxôngx qênhx shênhx moz tsênhv huôv xênhz, nganhx  y tế Lào Cai tưz ciêr chênhr huiz tôngv lưx lươngv đros chinhr quyênx têx tiv phaz thiêz tsêr cơưv ntơưr cxơưz tiês phax tar moz; cêv kuôk lênhx nênhs trâus moz; yax kriê, muôz siêz jênhv pâuz lok zav moz no. Bác sĩ Phạm Thị Kiều- Giám đốc Tsênhv qơư y tế dưv phax Bảo Yên, tỉnh Lào Cai puz pâuz:

“ Moz kok kaz poz njês khênhr huôv xênhz hâur cheix ntux lax, ntux no, cxôngx qênhx shênhx co tsênhv qơư y tế Bảo Yên tưz heik UB huyện tso tơưv têx ntâuz ntơưr thiêz tsưr ziv chox kriê têx ban nganhx đoanx thể, sik côngv đros nganhx zaoz zux chox kriê têx tsêr cơưv chuv tôngv phax tar moz, thâuv pov muôx shux xênhz trâus moz mak heik chuôz zis seiz, tsoz phưz thiêz kho moz trâu mê nhuôs ntơưv chuôz zis”./.

                                       (An Kiên- Txâur Vax cxeik nhênhv)