Qiv hơưv no njiv hâur têx hnuz đhâu tưz uô 30 ntâu tul tsiêx cxu nhoz thax tsav huyện Sa Pa, tỉnh Lào Cai trâus tuôs no. Zos tiv phaz muôx paz tsiêx cxu chôngz 13 cxênhz ntâu tul, đros qiv hơưv yax six no njiv hâur cheix ntux no, huyện Sa Pa tưz chox kriê têx nganhx muôx txơưx jênhv đros chinhr quyênx têx xã thiêz tsôngv box ciêr chênhr khưx phưx têx trâus ruôr hiêv, tror cxơưz tiês their guôx tu zus, cxênhx tsês jâuz krâur chiê tir tar ntux no. CHor tsiêx cxu tsi muôx jâuz nox cux xưk li tsi muôx guôx cơư taz por tsuv ciêr chênhr uô tiêr hâux lưv cxax yuôx phax moz chiê lơưr mul têx thax tsav kis sor đuô. Zơưv Châu A Quả, phưv chủ tịch Ub xã Sử Pán, huyện Sa Pa puz pâuz:

“ Chinhr quyênx xã cux tưz pheiz côngz jênhv vưv trâu têx lênhx nênhs phưv txơưx jêx jos, tsuv ciêr chênhr thôngz sâu chor nhux tưv nhux đas thiêz têx guô cơư chiê muôx tsưr ziv taz por phax tar nõ; vênhv tôngv pox nhuôs vâuv jâuz trâu tsiêx cxu; nhux tưv nhux đas trâus moz tsuv yưr lir chiê taz por muôx txâuk đas jos hâur cheix ntux no no”./.

                                               (An  Kiên- Txâur Vax cxeik nhênhv)

Ntơưv thax tsav Muôk Thanhz, huyện Điện Biên, tỉnh Điện Biên, zos iz thax tsav qơư  huôv tsar tu zus ntâu nhux tưv nhux đas. Xav li ntu đrav ntêx, tsôngv px tsuôk tso lav tsiêx cxu trâu pêv têx trôngz har jôngr har tsuôs; taz sik nhiv no, tsôngv px huôv tsar tu zus, tsuôk zos  uô guôx cơư, hlêik jâuz tâux trâu nox. Chênhr zos li hêik ntơư, hâur jiês ntux no njiv nhiv kruôr đhâu ciês no, tsôngv px têx tsiêx cxu tsuôk zos tu zus cơư trâu hâur têx guôx thiêz bax txâuk jâuz tâux trâu nhux tưv nhux đas nox. Chênhr zos li hêik ntơư, hâur jiês ntux no njiv đhâu, sâuv thax tsav tsik muôx tus tsiêx cxu tưs trâus tuôs tiv ntux no njiv. Pos Lò Thị Tiên, , px nhoz xã Thanh Chăn, huyện Điện Biên, tỉnh Điện Biên hêik pâuz:

  “Ntux no njiv li no, chuôz zis tsuôk muôz têx đêx hur shơư mê njik trâu nhux tưv hâuk. Thâuv hmo ntux, chuôz zis trâur tơưk trâu nhux tưv ntê cov sor thiêz muôz têx khâuz pav vor ntux tưv luz chêr. Đros uô cê ntơư, chuôz zis cux bax txâuk kuôr blêx trâu nhux tưv nox hâur têx hnuz ntux no njiv”./.

                                      (Tsu cxêik nhênhv-Vũ Lợi-Tây Bắc)

Têx lưx lươngv muôx txơưx jênhv huyện Văn yên, tỉnh yên Bái tsênhv sir jos qênhz yuôx, ntês cxov lênhx nênhs phamv cxâuv tuô tuôs lênhx nênhs ntơưv jos 4, xã Mậu Đông. Uô ntêx co, thâuv 4 six zar hnuz keix hnuz 28/11, tsôngv box pov pos Hoàng Thị Hiên, xênhz shông 1962 nhoz jos 4, xã Mậu Đông, huyện văn Yên, tỉnh Yên Bái tuôs ntơưv tsêr. Đhâu seiz car, lưx lươngv muôx txơưx jênhv pov sâuv pos Hiên chêr trâus saz ntâu. Tuv tso nhiêx txiêx, chuôz zênhx hâur tsêr trâus yơưz uô cxuô qơư. Tâu pâuz pos chuôz zis cux zos iz chuôz zis bluô nux hâur jos.

          Qir thơưx, chiz coaz muôx txơưx jênhv xav tênhv no zos txuz tuô nênhs huôz nox. Hâux lưv nriêr nênhs phamv cxâuv, uô tsênhz mênhx txuz hâux lưv tsênhv tâu chiz coaz muôx txơưx jênhv ciêr chênhr uô./.

                                          (Tuấn Xuân- Txâur Vax cxeik nhênhv)