Cxôngx hnuz 29/12 txos hnuz 31/12 ntơưv huyện Mường Tè, tỉnh Lai châu zuôr tsưr tsix Ntênhs leiv poz hâur 3 luz têz qơưk zos Việt Nam-Lào- Trung Quốc. Cxaz chuôz ntênhs phêv tsênhv muôx nhos 1 cxênhz lênhx teiv plor, diễn viên tuôx cxôngx têx tỉnh Điện Biên, Lai Châu (Việt Nam); huyện Nhọt U,tỉnh Phông Sa Lỳ (Lào) thiêz huyện Giang Thành, tỉnh Vân Nam (Trung Quốc). Đrâuv co, ntơưv ntênhs phêv tsênhv tsưr tsix ntênhs ciêz muôv muôs đros 100 ntâu qar muôs hax huv thiêz tsưr tsix tưr thik têx môn thiv thao mênhx cxưx li: leiv poz, sik lâuz pak, tuô hnênhr, ntâuk tuôx luz, sik truz hluô...../.

(Khắc Kiên- Txâur Vax cxeik nhênhv)

Uỷ Ban tỉnh Laox cai nhiv kruôr công fố uỷ ban Thường vụ Quốc hội Nghị quyết lok luôs hâux lưv cxiv tsa thị xã Sa Pa, nhiv no zos đrôngl huyện Sa Pa txix shông 1994. Đhâu 25 shông cxiv tsa thiêz huôv tsar, hâu nov huyện Sa Pa cux uô tâu tiêr ntâu luôs hâux lưv jông lok huôv tsar kinh tế xã hội, muôx liv trâu tsôngv px thiêz têz qơưs.  Txix hnuz 11/9/2019, Uỷ Ban Thường vụ Quốc hội tưz tso tơưv Nghị quyết số 767 lok luôs hâux lưv cxiv tsa thị xã Sa pa thiêz cxiv tsa cxuô xã, phươngx hâur thax tsav thị xã Sa pa cov huv đros hâur ntu têz qơưs hlôngr yiêz nhiv no./.

                  (Tsu vưx cxêik nhênh-Triệu Biên-An Kiên)

Shông 2019 tỉnh Sơn La li tsaz yênhx huôv tsar ntông nox txir tror muôx trus hlôngr yiêz. Tsi taz muôs hâur tỉnh, hâur têz qơưk, mak xiv huv txir ntông Sơn La tsênhv tâu muôs trâu niêv ciêz Trung Quốc, Hoa Kỳ, Anh, Australia, têx têz qơưk EU, Campuchia....Tsiv grê muôs tơưv tax muôx nhos 20 tsov USD. Đhâu 4 shôngk chos ntông nox txir, tas nro tỉnh tưz chos yiêz zuôr xar 47 cxênhz hecta ntông nox txir, chuôz ndê mênhv chêx chos ntông nox txir hâur tỉnh ndê txos 70 cxênhz hecta....Ntâu mênhv chêx tso lol chêx cuk kinh têr siêz li txir bơ, txir caz nzưr maz tax 600 tsov iz hecta iz shôngk, txir mo môngk 500 tsov, txir na Hoàng hậu tax 1 tỷ đeiv iz hecta iz shông...Zơưv Nguyễn Quốc Khánh, Phưv chủ tịch UB tỉnh SƠn La puz pâuz: “Tỉnh Sơn La muôx tâu 3 jax cơưv, tiv iz zos tỉnh Sơn La xeir tâu tsưr ziv uô huv đros, tâu bộ kôngz nuv thiêz huôv tsar nôngx cxênhz, têx chiz coaz hâur Bộ thiêz Bộ Công thương tsov cưv heik kriê. Tiv oz zos tas nro cxix luôk chinhr trị sik côngv đros uô. Tiv 3 zos pêz ntâus grê siêz têx cấp têx nganhx hâur tiv phaz li hâux lưv sik côngv chiê uô...”./.

(Thu Thùy-Txâur Vax cxeik nhênhv)

Têis cik hnuz 29/12, Toà án tỉnh Điện Biện tưz tik cêr cxâuv trâu txuz plâuz tuô lênhx nxêik muôs kêiz Cao Mỹ Duyên hâur ntu zuôr txos tsiêz 30 têz qơưs hâur shông đhâu. Ntơư zos tik cêr cxâuv muôz 6 lênhx nênhs fêv tuô lênhx nxêik muôs kêiz. Trơưk li hội đôngx tu txuz plâuz no hêik pâuz, ntơư zos iz txuz plâuz riêz nênhs hênhr, tsuv tâu ntov, huv đros chêi têz qơưs.  6 lênhx nênhs fêv trâus tik cêr cxâuv tâu tuô por tsês zos: Vì Văn Toán,  Bùi Văn Công, Vương Văn Hùng, Phạm Văn nhiệm, Lường Văn Hùng, Lường Văn Lả; đuô li zơưv Phạm Văn Dũng trâus tik cêr cxâuv nhoz 10 tux; Cầm văn Chương nhoz 9 shông tux; Bùi Thị Kim Thu trâus tik cêr cxâuv nhoz 3 shông tux./.

(Tsu vưx cxêik nhênh-Triệu Biên-Vũ Lợi)