Xav txos tas hli 8 shông no, cxuô cấp Hội Nôngx mênhx lok zos Nông dân tỉnh Điện Biên tưz đros Tsêr nhiêx Tsênhv chei XH uô tsaz yênhx tso 20.600 chuôz zis kêr txeik têx pênhr nhiêx, xav hur si chor nhiêx muôz trâu têx chuôz zis heik sâuv txeik zos 885 tyv đeiv ntâu; cxiv uô 56 dưv anr trâu zuôr xar 500 chuôz zis txeik têx cuiv nhiêx paz max px chiê huôv tsar uô nox uô hâuk, hur si chor nhiêx co zos 19 tyv đeiv ntâu. Iz chas têx cêr moz siêz paz max tso kêr txeik pênhr, kriê tsưr ziv uô nox trâu px, cxuô cấp hội nôngx mênhx tỉnh Điện Biên moz siêz txos fuô uô phôngz yaox “Px sik tưr huôv tsar uô nox uô hâuk, uô lax luôv coz, sik thôngx siêz, siz paz uô bluô nux, txo grêk yeiz pluôs truôx”. Pos Cao Thị Tuyết Lan, Chủ tịch Hội nôngx mênhx tỉnh Điện Biên heik pâuz:“Iz chas hâux lưv paz max lok tsưr ziv huôv tsar uô nox, cơưv shâuv tsưr ziv uô hâux lưv, cxuô cấp hội nôngx mênhx hâur tỉnh tsênhv buôk ti paz lok têx pênhr txeik trâu px thôngz đhâu paz kêr txeik Tsêr nhiêx txiêx tsênhv chei XH têx nhiêx txiêx, thôngz đhâu cuiv nhiêx paz max px huôv tsar uô nox uô hnar. Txos nhiv no tưz paz tâu iz cxênhz tyv đeiv trâu 30 cxênhz lênhx px tâu kêr txeik chiê krêz đar qơư uô nox, hlôngr yiêz tsưr ziv uô kôngz, tu zus tsiêx cxu....”./.

(VOVTB-Riê Lâux cxeik, nhênhv)

Đros tsênhv njiêz “30 shông phax tar thiêz sir jos tir tar cov tâu moz AIDS ntơưv Việt Nam”, têis cik 29/11, Sở Y têr tỉnh Sơn La tsưr tsix cơưv uô lơưr hli têz qơưk phax tar HIV/AIDS thiêz hnuz ntiêx têz phax, tar AIDS shông 2020. Xav txos hli 10/2020, tas nro tỉnh Sơn La muôx 4.800 lênhx nênhs trâus moz HIV tsênhv uô nênhx nhoz, hâur co 4.300 ntâu lênhx nênhs tsênhv tâu chơưv kho txix yuôx tir tar caz moz ARV. Ntu đhâu, cxuô cấp, cxuô nganhx tưz kriz uô ntâu tsưr ziv sir jos phax, tar moz HIV/AIDS li: Sir jos uô hâux lưv yax kriê trâu pêx xênhv pâuz tsênhz đuô lok moz HIV/AIDS, hêik pâuz têx qơư tsoz phưz thiêz chơưv kho trâu nênhs trâus cik caz moz HIV/AIDS. Tòng Thị Diệp, lớp Cao đẳng Dược K9A, tsêr cơưv Cao đẳng Y têr Sơn La puz pâuz:“Pêz lok six shir phaz tâu đros cơưv hâur jiês kriz cơưv no. Đhâu jiês cơưv no, pêz tưz pâuz tâu ntâu đuô têx tsưr ziv chiê phax, tar HIV chiê por vêv trâu zuk cux xưk li côngv thôngx”./.

(Trấn Long-Lik Thox cxêik nhênhv)

Ntơưv Yên Bái, iz lênhx nhuôv tuz tưz trâul bluô 4 tsov đeiv viv “thâuv tsar yêz muk lol tâus cêr, nưk muôz luz tâuz hâu yêz tsa siêz, muk luz los đrav kaz xưz”. Iz chas no, lênhx nhuôv tuz shuv xênhz zos Trần Quang Phong, xênhz shông 2004, nhoz ntơưv jok Làng Già, xã Yên Thắng, huyện Lục Yên, tsênhv zos shux xênhz cơưv lớp 11, tsêr cơưv cxênhx 3 Hoàng Văn Thụ, huyện Lục Yên. Lênhx nhuôv tuz no nưk tưz tsar yêz meir 2 luz los, taz sik tsuôk tsar yêz muk iz luz los, tâu tsôngv px cxeik tâu thiêz tso sâuv mạng XH Facebook, đros trâu sđ têx lul heik ntâu txos lok: Muôx têx uô riêz nênhs trâu luôs lưv tus cheix yêz muk lol tâus cêr, cux li chênhr lênhx nênhs tsar luz yêz co. Công an huyện Lục Yên tưz heik tus nhuôv tuz Phong cov sâu kiểm điểm, cir ntơưr chos luk txix no muk tsi cxoz uô têx li heik sâuv nzir. Iz chas co, hux jos đros tsêr cơưv thiêz chuôz zis choz kriê, seiz car zuk têx tuz nhuôs thâuv sir zôngv têx yêz cheix muk lol tâus cêr taz por truôx tuk, trơưk cui tinhv./.

(VOVTB-Riê Lâux cxeik, nhênhv)

Đhâu xar muôx 3 hnuz sir jos zok nriêr, tar su hnuz 29/11, chor lưx lươngv muôx vax huôv huyện Mường Chà, tỉnh Điện Biên tưz nriêr pov tâu lênhx cán bộ sêiz shuôk zoz thôngz nhoz Ban sêiz car dự án chor côngz trinhx zoz thôngz tỉnh trâus đêx cuôr yôngz zar hnuz kêix 26/11 nhiv kruôr đhâu. Zơưv Trang A Lử, Chủ tịch UBND huyện Mường Chà puz pâuz: Tix lâus Lò Ngọc Toàn (zus shông 1987), nhoz ntơưv phường Noong Bua, thành phố Điện Biên Phủ, tỉnh Điện Biên tâu nriêr pov kuôk qơư trâus đêx cuôr yôngz muôx 1 cêik cêr; thiêz tâu nriêr pov thâuv ntaz tuôx sâuv blêiv đêx. Li VOV tưz xa mông uô ntêx co, zar hnuz kêix 26/11, thâuv muk uô côngz xưv, qênhz yuôx ntu cêr Na Sang-Huổi Mí-Nậm Mức, tix lâus Lò Ngọc Toàn, thâuv tror lok qơư uô hâux lưv nhoz Mường Chà, muk đhâu tuk qox ndax ciês thâuv tsêr mêir đêx tênhv Nậm Mức tsênhv taz tov tso đêx, đêx pur siêz thiêx uô luz yêz ô tô đros trâu tix lâus Lò Ngọc Toàn co trâus đêx cuôr yôngz./.

(Vũ Lợi-Lik Thox cxêik nhênhv)