Têx luk nus thiêz têz ntơưv Quốc hội jiês tiv 6, khoá 14 tsênhv taz tov tâu cử tri cxuô tỉnh faz Bắc moz siêz txos. Cử tri Đàm Mạnh Hùng, nhoz đrôngl Sơn La  xav tiêk:

  “Hâur jiês cơưv nus thiêz têz hâur hnuz đhâu, cur cux pov tâu tiêk: Chôngz lênhx ntâu tus đại biểu muôx luk nus tsênhz mênhx lok têx tsik tâu huv đros. Đhâu ntơư, cxuô lênhx Bộ trưởng cux têz cxix cxuô têx luk nus. Taz sik, pêz cux xar njôngr tiêk: Cxuô lênhx Bộ trưởng tsuv têz têx luk nus cov tsênhz mênhx đuô lok têx luôs hâux lưv uô tsik tâu huv đros hâur ntu đhâu”.

Cử tri Nguyễn Mạnh Toàn, nhoz Phươngx Yên Ninh, đrôngl Yên Bái, tỉnh Yên Bái hêik:

Trơưk li cur mak hâur jiês cơưv nus thiêz têz no cux huv đros.  Zos tiêk: oz pêz ngênhx têz têx luk nus lok iz luôs hâux lưv mak têx jiês cux jông iz zav.Hâur hnuz no, cử tri cux moz siêz txos têx luk nus thiêz têz huv đros thax tsav qơư nhoz đros trâu tir thêir têx nênhs fêv nox nhiêx têz qơưs; chêi tsêr nhoz, thêv sê yêz  ô tô, tsưx phưv đas jos trâu tsôngv px; kiêk nênhs vuôz tsuôz tênhx qơư, puôr lênhx nus thiêz têz tsênhz mênhx”./.

                                                  (Tsu cxêik nhênhv-Thừa Xuân)

Tỉnh Sơn La nhiv no muôx 54 cxênhz ha tsoz chos ntông nox txir. Hâur oz pêz shông đhâu lok no, cxuô huyện hâur thax tsav tỉnh Sơn La tưz huôv tsar truôx luôs hâux lưv chos cxuô tsoz chos ntông nox txir.

Hâur shông 2019, Hâu nov tỉnh Sơn La tsênhv zuôr yax kriê tsôngv px sđ kriz đar têz chos cxuô tsoz chos cov tâu zos đrêiv luôs hâux lưv tso tơưv  thiêz sêiz njuôk shuôk hâux lưv huôv tsar chos cov tâu trơưk  tsưr ziv VietGGap chiê muôs tyx txir ntông ntơư trâu luôs oz chas têz qơưs. Iz chas uô truôx luôs hâux lưv huôv tsar chos cxuô zav tsoz chos ntông nox txir shông 2018, muôs trâu oz chas têz qơưs li: Trung Quốc, Hàn Quốc, Nhật Bản, Mỹ, Úc thiêz muôs trâu iz cxiê têz qơưs txơưr./.

                                          (Tsu cxêi nhênh-Thanh Thuỷ)

Huyện Mù Cang Chải, tỉnh Yên Bái nhiv no muôx zuôr xar 81 cxênhz ha ar har jôngr, hâur co muôx 60 cxênhz ha jôngr ntông chiv xênhz đrox tsuôs, 20 cxênhz ntâu ha jôngr chos; têx shôngz ntông njuôz vor tox trôngz câuv har muôx 67%. Tiv tox trôngz hâur pêk nxaz, phiv liv mul lok, tsôngv box nhoz tsi uô cê, cheix ntux kruôr kror cxiê qơư kruôr gis guôr, viv li  fuô uô hâux lưv phax tar cuz tox cuz jôngr hâur huyện Mù Cang Chải niêx shông njiz tsi tsơưs têx phiv liv. Taz sik, đros thiêz hâu nov cxuô cấp ntơưv qơư thiêz lưv lươngv yuôx jôngr li sir jos siz paz, viv li hâur 2 shông tror lok no, sâuv thax tsav huyện tưz tsi pov muôx iz txuz hluôr tơưk txeik chis cuz jôngr lox hlo. Zơưv Nguyễn Anh Tuấn, Hạt tsar Hạt yuôx jôngr huyện Mù Cang Chải heik pâuz:

“Iz zos fuô uô luôx têx cêr cêv hluôr tơưk ntơưv thax tsav iz ndis têx ntus jôngr thiêz têx qơư zôngx ziv muôx hluôr tơưk txeik cuz. Iz chas ntơư xav tinhv iz cxiê tsênhv njiêz hâur hâux lưv yax kriê ntơưv têx jêx jok thiêz tsôngv box chiê trâu sđ pâuz, đros txuôs thiêz por hưv tsi chiê hluôr tơưk txeik cuz jôngr. Iz chas co zos cir ntơưr têx chuôz zis hâur tas nro huyện chos luk por hưv jôngr”./.

(Đinh Tuấn-Riê Lâux cxeik, nhênhv)

Qênhx shênhx moz kruô piêk tsênhv huôv xênhz phiv liv ntơưv tỉnh Điện Biên. Txos nhiv no, tas nro tỉnh tưz muôx 630 ntâu lênhx trâus moz, phênhv ntâu nhoz têx huyện:  Điện BIên Đông, Mường Chà, Mường Lay thiêz Điện Biên. Txơưv tiêk tsi muôx lênhx nênhs tưs trâul tuôs tiv moz kruô piêk, taz  sik moz ziv hnuz ziv huôv xênhz siz cik đêz đar trâu têx xã nhoz jê iz ndis xã, jêx jok tsênhv moz huôv xênhz. Chiê bax tsưr ziv fuô uô têx luôs hâux lưv phax tir thêir moz kruô piêk, txo grêk tsơưs moz siz cik, ngênhx y tế zuôr fuô uô cxiv tsav cxax yuôx vắc xin phax tar moz kruô piêk-Rubella trâu têx nhuôs zâu txix 1-10 shông ntơưv têx huyện, thị xã muôx moz kruô piêk thiêz zôngx ziv huôv xênhz moz kruô piêk. Six hơưv, hnuz nhôngs tsưr tsix cxax yuôx phax tar moz hâur 2 hlik zos hli 10 thiêz hli 11 shông no. Iz chas ntơư, cxuô ngênhx, cxuô thax tsav qơư hâur tỉnh cux tâu heik cov chuôz tsar tiês hâux lưv yax kriê, gra siêz tsôngv box txux chi tsưr ziv jênhv pâuz lok phax tar moz kruô piêk; zos qênhz pov têx fâuv moz, tsuv xưv lik jông, tsi chiê moz huôv xênhz siz cik trâu cxiê qơư./.

(Thu Thùy-Riê Lâux cxeik, nhênhv)