Ntơưv huyện ntus đriv Mường Tè, tỉnh Lai Châu tưz qir krêz uô ntênhs hội lêiv poz nhoz têx huyện ntus đriv 3 têz qơưk Việt-Lào-Trung Quốc jiês tiv 6, muôx zuôr xar iz cxênhz lênhx đại biểu, têx lênhx nênhs sik tưr thik nhoz huyện Mường Tè, tỉnh Lai Châu; TP Điện Biên Phủ thiêz huyện Mường Nhé, tỉnh Điện Biên (Việt Nam); huyện Nhọt U, tỉnh Phông Sa Lỳ (Lok Tsuôl); huyện Giang Thành, tỉnh Vân Nam (Trung Quốc). Ntênhs hội lêiv poz tsênhv tâu tsưr tsix tsi so 2 shông iz jâuk, co zos xor xưv chính trị, vênhx huôv chiê chuôz tsar tiês cêr siz chuôs njiz, sik paz nhoz têx huyện jê ntus đriv; paz cxơưz kinh tế-XH huôv tsar, taz por côx phax, txiv ngaz, cxiv tsa cêr sik thôngx siêz, sik paz lês uô têx luôs hâux lưv nhoz cxuô cấp ủy Đảng, hâu nov, tsôngv px thax tsav ntus đriv./.

                                 (Khắc Kiên-Riê Lâux cxeik, nhênhv)

Tiv trâus moz ơưk buô Châu Phi uô ruôr hiêv, nhiv no grê muôs buô khênhx chuôz ndê siêz uô ntâu lênhx nênhs tu zus nhoz Yên Bái xar tror tu zus buô thâuv tuô tâu moz ơưk buô châu Phi. Taz sik, lơưr tỉnh Yên Bái li chox kriê, hâux lưv tror huôv tsar tu zus hâur ntu tsi tâu tir tar tâu moz ơưk buô châu Phi tsuôk tâu uô nhoz têx ziv chuôz zis, têx qơư tu zus buô uô lơưr tsưr ziv tu zus taz por sinh học thiêz têx qơư tsi tâu muôx moz ơưk buô huôv xênhz. Zơưv Nguyễn Văn Khánh, Phưv chủ tịch UB tỉnh Yên Bái puz pâuz:“Đros thiêz têx qơư muôx moz huôv xênhz thiêz moz tưz đhâu 30 hnuz tsi pov tror huôv xênhz sâuv thax tsav mak tror huôv tsar tu zus tsuv lok six tsưv ziv: tror tu zus muôx nhos 10% tas nro paz buô tu zus ntơưv qơư thiêz đhâu thâuv tror huôv tsar tu zus tâu 30 hnuz, njuôs siv zos tas nro tsi pov trâus caz moz ơưk buô châu Phi thâuv co thiêx li tror huôv tsar tu zus lox”./.

(Thừa Xuân- Txâur Vax cxeik nhênhv)

Njuôk xav, iz nthưr chuô txiêk zuôr tror lok trâu têx tỉnh faz Bắc pêz têz qơưk. Ntơưv Lào Cai, chuô txiêk uô hiêv txos, zuôr muôx ntux lok nas mê, nas yâur trâu iz cxiê suôv qơư, ntux no njiv. Nhoz têx thax tsav qơư kis mak tsi yuô no hênhr, taz sik tox siêz lok six no njiv, lar heik zos ntơưv Sa Pa. Tsôngv box sđ tsuv chênhr phax phax tar moz trâu lênhx nênhs thiêz têx tsoz chos, tsiêx tu zus./.                      

  (KT-Riê Lâux cxeik, nhênhv)

Hnuz 30/12, ntơưv cêr Lò Văn Giá, tiểu khu 40, thị trấn nông trường Mộc Châu, huyện Mộc Châu, tỉnh Sơn La muôx yưv txuz txiêz nanv zov chênhr hâur iz luz yêz teiv thiêz iz luz yêz meir uô 1 lênhx nênhs tuôs ciês ntơưv qơư. Lơưr xor mông qir thơưx, luz yêz teiv gra biển số 26K-5145 mul sâuv cêr Lò Văn Giá lơưr saz Tiền Tiến thâuv mul zuôr xar txos Cuiv puz txeik pênhr tín dụng muôx nhos 100 yiv txơưv đrâu trâu iz lênhx txir nênhx tsar yêz meir gra biển số 26P1-91687 mul saz tov lol. Txuz txiêz nanv tưz uô lênhx txir nênhx tsar yêz meir tuôs ciês ntơưv qơư. Thâuv jênhv tâu xor mông, têx lưx lươngv muôx txơưx jênhv tưz ciêr chênhr tuôx qênhz yuôx, uô tsênhz mênhx qir tiv txuz txiêz nanv./.

(Đắc Thanh- Txâur Vax cxeik nhênhv)