Zar hnuz keix hnuz 30/5, tỉnh Sơn La ntâus grê 10 shông uô cxiv vênhv tôngv “ Nênhs VN tsov cưv sir zôngv hax huv VN” (2009-2019). Hâur 10 shông đhâu, tas nro tỉnh tưz tsưr tsix zuôr xar 190 ntênhs ciêz chox hax huv Việt Nam mul txos nôngx cxênhz, zaz zâuv zuôr xar 15 cxênhz jiês doanh nghiệp, qơư tsiv uô cxaz chuôz thiêz tưz muôx yênhx cxênhz jiês tsôngv box tuôx ndis shuôk, sâu zuôr hax huv, tas nro tsiv grê 400 tỷ đeiv. Shông 2018, tỉnh Sơn La tưz muôs tơưv tâu 16 zav xiv huv kôngz nuv, đros 17 tênhr ntâu têx zav txir ntông mul niêv ciêz têx têz qơưk Úc, Mỹ, Nhật, Trung Quốc. Zơưv Vi Đức Thọ, Chủ tịch UBMTTQ, Tsar ban chox kriê cxiv vênhv tôngv “ Nênhs VN tsov cưv sir zôngv hax huv VN” tỉnh SƠn La puz pâuz: “Tiv iz, tror yax mông txos têx cxênhx nênhs tsôngv box lok cxiv vênhv tôngv no li pưs txux, ziz njiêz. Tiv oz zos têx doanh nghiệp, têx tsưr tsiv uô sâuv thax tsav tỉnh cux xưk li sâuv tas nro têz qơưk li xiv huv tsuv taz por tsơưr lươngv, jông, grê muôs huv đros. Đrâuv co, têx chiz coaz têz qơưk li hâux lưv coar lik zos lok six coaz tsôngv” ./.

(Bích Thủy- Txâur Vax cxeik nhênhv)

Trơưk li mông txix Ban seiz car phax tar ntux uô ruôr hiêv thiêz zok nriêr chơưv paz lênhx nênhs tỉnh Yên Bái: Ntux lok nas lox tưz uô iz lênhx nênhs trâul tuôs, uô puôk tsuôx tas 211 luz tsêr; uô puôk tsuôx 32ha blêx thiêz têx jâuz tâuv trâus nas chuô njơưx vâu lor thiêz đêx ngaz; iz cxênhz ntâu xưv phaz pak đêx zus njêl trâus fưx. Ntux nas lox cux uô txox cêr 166 hâur tỉnh trâus xưz poz; 3 tuk ndêx tênhv trâus vâu lor.... Njuôk xav têx trâus uô ruôr hiêv tas muôx nhos 11 tỷ đeiv. Ciês thâuv txeik tâu mông heik pâuz, Ban seiz car phax tar ntux uô hiêv thiêz zok nriêr chơưv paz lênhx nênhs hâur têx thax tsav trâus uô ruôr hiêv tưz đros têx ngênhx, đoanx thêv muk qênhz shuôs chiê chox kriê cxiv kho têx tsi jông, thôngz sâu têx trâus uô hiêv, muk shuôs thiêz tôngv zênhx chuôz zis trâul ruôr hiêv tiv đêx nas chuô./.

(Đinh Tuấn-Riê Lâux cxeik, nhênhv)

Têx hnuz đhâu, sâuv thax tsav tỉnh Điện Biên pov ntux lok nas đêz đar. Đhâu ntâu hnuz yar ntux cuz sor, têx jiês lok nas no tưz gôngr phênhv uô qiv hơưv lax khiêv đuô tuôx. Njuôs pov hâur têx hnuz zuôr txos, lok nas tror muôx yưv đros co zos muôx xoz tuô, chuô lox. Ntâu tiv phaz li huyện Điện Biên, huyện Mường Ảng thiêz têx thax tsav buôk co njuôs xav zuôr muôx yưv đêx cuôr yôngz, tox poz thiêz đêx ngaz. Viv li tsôngv box, chinhr quyênx têx tiv phaz tsuv seiz njôngr qiv hơưv chiê muôx tsưr ziv tir tar huv đros./.

(Vũ Lợi- Txâur Vax cxeik nhênhv)

Hâur zuôr xar iz đraz hli xav txix thâuv qênhz pov caz moz ơưk buô châu phi xuz thơưx, txos nhiv no caz moz ơưk buô châu Phi tưz siz cik đêz đar trâu 6 hâur 9 huyện, TP ntơưv tỉnh Lào Cai, uô 1.200 ntâu tuk buô trâus moz thiêz tuôs tsuv muôz hlơưr por tsês. Ciês fâuv moz xuz thơưx ntơưv 2 xã Bản Lầu thiêz Lùng Vai, huyện Mường Khương mak trâus hnhar đuô hur si, tsuv hlơưr por tsês xar txos 40 tênhr buô trâus moz. Xuz thơưx, Lào Cai tsênhv sir jos uô jông hâux lưv phax tir thêir caz moz ơưk buô, 11 cxênhz ntâu lir yuôx, 600 ntâu tênhr hmôngr jêz siz tưz tâu gra tuôx chiê tsuôs thiêz fmông tuô, lov caz moz ơưk. Ủy ban tỉnh cux tso tơưv tsưr ziv paz têx trâus uô hiêv txos sđ têx buô trâu tsôngv box bâuv 80% pir li grê hâur ciêz đrôngs, tsênhv tsênhz paz 28 cxênhz đeiv iz cir nhuôv buô, buô grêix thiêz 42 cxênhz đeiv iz cir buô nôngz./.

(An Kiên-Riê Lâux cxeik, nhênhv)