Sơn La thiêz têx tỉnh Bắc Lào zuôr tror chuôz tsar tiês têx faz tsưr ziv chiê gra  siêz tsơưr lươngv, uô tâu jông luôs hâux lưv sik hux jos paz kriê txux chi tsưr ziv uô nuv nhoz 2 tos. Ntơư zos tsênhv njiêz chênhr ntơưv jiês cơưv lok tsênhv njiêz no tsưr tsix ntơưv tỉnh Sơn La hnuz 30/7. Jiês cơưv co tsưr tsix hâur six hơưv uô têx hâux lưv chiv nhênhv shông sik thôngx siêz hữu nghị Việt Nam-Lào 2017. Tỉnh Sơn La thiêz têx tỉnh Bắc Lào cir ntơưr siz chos nhav uô lơưr jông têx ntâuz ntơưr mak 2 tos tưz chos luk, cir tsês lok sâuv sik paz siz kriê txux chi tsưr  ziv uô nuv  niêx shông. 2 tos zuôr tsi so tso têx đoanx đại biểu thênhv siêz, thiêz canr bôv cxuô cấp, cxuô ngênhx siz chuôs njiz, sik heik kriê, cơưv shâuv têx tsưr ziv uô nuv, siz paz cxuz cêr yeiz pluôs, taz por côx phax-txiv ngaz./.

                                                                                                                     (Bích Thủy-Chia dịch đọc)

Lơưr Sở y tế tỉnh Yên Bái, hâur 7 hli đhau, tas nro tỉnh Yên Bái tưz muôx 1 triệu ntâu lênhx nênhs tâu njuôk, kho moz ntơưv chor tsêr kho moz, qơư y tế sâuv thax tsav tỉnh. Hâur chor no, muôx zuôr xar 100 cxênhz lênhx nênhs tsuv nhoz hâur tsêr kho moz chiê chơưv kho, 50 cxênhz ntâu lênhx nênhs chơưv kho tsik so đros têx moz li: Moz tâuz hâu, thox plaz, kruô tâuv, moz njưl, moz kos kaz poz njês…Phênhv ntâu chor nênhs moz đhâu thâuv tuôx tsêr kho moz xar muôx 1 ciêz txos 10 hnuz mak jông moz. No zos ngành y tế Yên Bái li chêx cur tsik so thox cxov gra siêz txux chi, tsưr ziv uô hâux lưv trâu chor y, bác sỹ; sir zôngv ntâu tsưr ziv kỹ thuật yiêz lok njuôk, kho moz. Nhiv no, đros qiv hơưv txơưr txar phiv liv, zuôr muôx yưv ntâu zav moz. Ngành y tế tỉnh Yên Bái tưz chuôz cxaz têx tsưr ziv phax tar cxuô zav moz siz cik, hêik pêx xênhv pauz thiêz phax tar; chuôz cxaz phax tar têx zav moz siz cik nhoz têx jêx jok nhoz đêz, tox siêz, thax tsav tsôngv box mênhx cxưx tsơưs nênhs./.

                                                                                                                     (Thừa Xuân-Lik Thox cxêik nhênhv)

Cxuô ngênhx muôx vax huôv ntơưv tỉnh Điện Biên tưz bax tsưr ziv bax tsês chiê têx  xiv huv thiêz zav nox zuôr trâus txos chiê txâuk muôz trâu tsôngv box uô nox uô hâuk thiêz phưx vưv luz nênhx xênhz huôx hâur cheix ntux nas shông no. Trơưk li thôngz sâu, hur si têx xiv bax tsês chiê heik sâuv tâu 18 tỷ đeiv, zos 45 cxênhz far mỳ tôm cxuô zav, 80 tênhr cxur, iz cxênhz far têx đêx hâuk ntiv phưx, 2 cxênhz ntâu đeiv vuôk vor tsêr..... Têx xiv huv heik co tưz tâu phênhz, pheiz huv đros txos trâu têx thax tsav khênhr muôx tox poz ar lơưk, cêr mul lok tsi thôngz hâur cheix ntux nas chuô nhoz thax tsav têx huyện ntus đriv li: Mường Nhé, Nậm Pồ, Điện Biên Đông....phax thâuv têx cêr mul lok trâus xưz, poz, ar cxuz tas cux muôx txâuk cxix cxuô têx xiv huv heik sâuv trâu tsôngv box. Zơưv Nguyễn Văn Tưởng, Giám đốc Sở Công thương tỉnh Điện Biên heik: "Pêz chox kriê cxuô doanh nghiệp uô lax luôv, zuôr muôs têx xiv huv zos tsuv bax tsưr ziv bax tsês chiê têx xiv huv chiê taz por muôx txâuk xiv huv phưx vưv tsôngv box, tsi chiê uô yưv têx tsi jông li: Muôx tsi txâuk xiv huv, grê civ, liv zôngv têx thâuv ntux nas li ntơư chiê tsar ndê, niêk grê...../.

                                                                                                               (Thu Thùy-Riê Lâux cxeik, nhênhv)

Nhiv kruôr đhâu, hlôngr njêx muôs Công an tỉnh Lai Châu puz pâuz, Ban giám đốc công an tỉnh tsênhv chox kriê Công an huyện Sìn Hồ qênhz yuôx txuz hâux lưv tsik uô lơưr nênhs uô hâux lưv hêik sâuv thax tsav. Lơưr co, hnuz 26/7, ntơưv thax tsav xã Phăng Sô Lin, huyện Sìn Hồ, tổ qênhz yuôx cảnh sát zoz thôngz, Công an huyện pov oz luz yêz mêir, iz luz thâux oz lênhx nênhs tsik ntông câuk mov por vêv tâuz hâu, viv li tưz hêik cov đrêk yêz. Thâuv pov cov đrek yêz chor nênhs co tưz tsêr yêz muk chênhr chiê khiêr gâuv. Thâuv tsênhv tsar yêz khiêr, yêz meir zos Zax A Thề 29 shông tsar, thâux Thox A Khua, 24 shông, sik đros nhoz ntơưv xã Hồng Thu, huyện Sìn Hồ chiv chir ntos, uô iz lênhx nênhs trâus saz. Cảnh sát zoz thôngz tưz chox sêi đrơưv nênhs trâus saz muk tsêr kho moz chơưv kho. Thâuv công an tsênhv qênhz shuôk kror qơư co, cxov yêz tsês, mak iz paz nênhs muôx 100 ntâu lênhx zos pêx xênhv chor xã: Phăng Sô Lin, Tả Phìn tuôx tsik khênhr chor nênhs co uô hâux lưv thiêz uô trâu iz lênhx cán bộ kỹ thuật hình sự tsuv chox muk chơưv paz. Nhiv no Công an huyện Sìn Hồ tưz cxov tsês oz lênhx nênhs thiêz tsênhv tror qênhz yuôx uô cov tsênhz mênhx./.

                                                                                                                      (Khắc Kiên-Lik thox cxêik nhênhv)