Tỉnh Sơn La nhiv kruôr tsưr tsix uô tiêr côngz trinhx kho đuô cungz đêx xênhz huôx trâu chor jêx jok sâuv thax tsav xar Chiềng Khoa, huyện Vân Hồ, tỉnh Sơn La. No cux zos côngz trinhx rêik fiêx chiê tok hơưv Đại hôiv têiv plor Đảng bôv tỉnh Sơn La jiês tiv 15, ntu 2020-2025. Dự án kho đuô côngz trinhx cungz đêx xênhz huôx trâu têx jêx jok xar Chiềng Khoa, huyện Vân Hồ zos nhoz hâur Dự án tsaz yênhx kriz đar vêv xênhz thiêz đêx hur jêx jok txix chor pênhr nhiêx txêik hâur zênhx hangx ntiêx têz; cungz đêx trâu 650 ntâu ziv chuôz zis nhoz 3 jok xar chiềng Khoa, đhâu thâuv chor đêx tâu xưv lik huv zos li bôv Y têr tsưr ziv tso tơưv. Zơưv Vũ Mạnh Thắng, Bí thư uô Chủ tịch UBND xar Chiềng Khoa, huyện Vân Hồ, tỉnh Sơn La hêik:“Pêx xênhv ntơưv tiv phaz lok six shir phaz thâuv muôx tâu đêx hur sir zôngv, zuôr taz por trâu pêx xênhv luz nênhx đuô. Muôx côngz trinhx no, pox nhuôs zuôr tsik thav sir zôngv têx đêx tsik hur txơưr, uô phiv liv txos pêx xênhv li đas jos thiêz luz nênhx”./.

(Trấn Long-Lik Thox cxêik nhênhv)

Tôv qênhz yuôx Zênhx Pênhz phax trôngx đriv ntiêx têz Tây Trang (tỉnh Điện Biên) uô côngz xưv ntơưv txox cêr zâu tôv sêiz car nhoz thax tsav jok Ca Hâu, xar Na Ư, huyện Điện Biên tưz pov oz lênhx nênhs tsir tsik chiê qênhz yuôx, tsik uô jông lơưr têx cui tênhv phax tar moz Covid-19 thiêz tsênhv nhiês cêr muk trâu saz têz qơưk Lào. Co zos Chá Xênhv Shôngx, zus shông 1997, nhoz ntơưv xar Na Sang, huyện Mường Chà thiêz Muôk Xênhv Vưx, zus shông 1992, nhoz ntơưv xar Ẳng Cang, huyện Mường Ảng (Điện Biên). Đhâu nus, Muôk hêik tiêk Chá zos zuk tuk đaz lâus, Muôk zâuv Chá muk jok Pang Hốc, huyện Mường Mày, tỉnh Phong Sa Lỳ, Lào chiê cơư ntông uô tsêr trâu tuk cưr nhoz saz têz qơưk Lào. Thâuv chêix yêz mêir muk txos thax tsav đriv têz tsênhv nriêr cêr muk trâu saz têz qơưk Lào chêk tôv côngz xưv pov thiêz cxov tsês. Txuz hâux lưv tưz tâu Zênhx Pênhz phax trôngx đriv ntiêx têz Tây Trang uô ntâuz ntơưr xưv lik thiêz tso tơưv cuêz tênhv xưv bluô 2 lênhx nênhs lơưr chêi têz qơưk li cui tênhv./.

(Vũ Lợi-Lik Thox cxêik nhênhv)