Bộ tham mưu, Quân chủng Hải quân nhiv kruôr mul seiz thiêz khơưk muôz huv, seiz njuôs thiêz muôz yuôx tsi zuôr nhiêx txiêx trâu yênhx puôk lênhx nênhs moz sâuv thax tsav 2 huyện Phong Thổ thiêz Sìn Hồ tỉnh Lai Châu. Iz chas huôx tôngv seiz njuôs moz thiêz khơưk muôz huv, đoanx tsênhv tsưr tsix têx jiês yax mông lok tsưr qênhx niêv đêx hiêr, poz hiêr, ntus đriv têz qơưk trâu yênhx puôk lênhx cán bộ, pox nhuôs têx mênhx cxưx. Tas nro nhiêx txiêx khơưk muôz huv, seiz njuôs thiêz kho moz jiês no ndê txos yênhx puôk tsov đeiv, zos cán bộ, chiến sĩ Quân chủng Hải Quân gôngr côngv. Huôx tôngv jông siêz no tsênhv tror tâu krêz uô hâur six hơưv zuôr txos, chiê pheiz kênh têx phêv liv đros tsôngv box têx mênhx cxưx nhoz tox siêz faz Tây têz qơưk./.

(Khắc Kiên- Txâur Vax cxeik nhênhv)

Tsưr ziv uô tsêr cơưv yiêz VNEN tâu kriz uô ntơưv tỉnh Điện Biên txix shông cơưv 2012-2013. Txos shông cơưv 2018-2019, tsưr ziv kruôz kriê no cux tâu kriz uô ntơưv 219 luz tsêr cơưv, nhoz oz cxênhx cơưv zos cxênhx iz thiêz cxênhx oz hâur tas nro tỉnh. Lơưr nganhx zoz zux tỉnh Điện Biên ntâuk gri, đhâu 7 shông kriz uô, VNEN tưz tax tâu hlôngr yiêz zoz zux ntơưv tiv phaz. Shông cơưv 2018-2019, tas nro chor shux xênhz cxênhz iz cơưv tiêr tsaz yênhx lớp cơưv zos 99% ntâu, siêz đuô 0,3% pir li tsưr ziv kriê li nhiv no. Têx kror xav lok chiv chir sêiz car, gruôs cơưv ntơưr gruôs uô hâux lưv hov jông puôr lênhx tâu muôs nhos 50%. Zơưv Lê Văn Quý, Phưv chủ tịch UBND tỉnh Điện Biên puz pâuz: Hâur shông cơưv 2019-2020, nganhx zoz zux tỉnh Điện Biên zuôr tror uô truôx jông têx tsêr cơưv tsênhv kruôz kriê jông tsưr ziv yiêz VNEN. Thôngx cxix, sik côngv đros chính quyền têx tiv phaz yưv pênhr cxiv uô tsêr cơưv cxuô zav lơưr saz truôx jông, taz por ngaz tuk, taz por tâu zoz qơưx kriê ntơưr lơưr tsưr ziv yiêz VNEN ntơưv iz luz tỉnh tox siêz xưk li Điện Biên:“Cux tsuv khav tênhv tiêk hâux lưv kriz uô cxênhx iz cơưv lơưr tsưr ziv yiêz VNEN thiêz đhâu co cxênhx oz cux kriê uô cơưv lơưr tsưr ziv VNEN zos huv đros trâu Điện Biên thiêz muôx chêx cur. Uô ntêx mak pêz hêik Sở Zoz zux thiêz Thox cxov Điện Biên tsuv uô truôx jông cxiv luôs chor tsêr cơưv ntơưr tsênhv kriz uô tsaz yênhx VNEN chiê jux juk gra siêz tsơưr lươngv zoz zux hâur nganhx, hok têx tsêr cơưv tsik kriê lơưr VNEN, tsênhv kriê lơưr tsưr ziv nhiv no mak cux zuôr tror sir jos kriz uô jông côngz xưv kriê thiêz cơưv ntơưr”./.

(Vũ Lợi-Lik Thox cxêik nhênhv)

Ntơưv xã Hạnh Sơn, huyện Văn Chấn, tỉnh Yên Bái, lưx lươngv công an ntês tâu 2 lênhx nênhs fêv njuôs xav tuô lênhx nênhs tsar yêz Grab tâu heik txos ntâu hâur têx hnuz đhâu. 2 lênhx nênhs no tsênhv tâu chox tror mul Hà Nội chiê phưx vưv côngz xưv qênhz yuôx. Lơưr co, thâuv 7 six tsâus ntux hnuz 30/9, Công an huyện Văn Chấn tưz ntês cxov tâu 2 lênhx nênhs njuôs xav zos Đinh Vân Trường xênhz shông 2000 nhoz xã THanh Lương, huyện Văn Chấn, tỉnh Yên Bái thiêz Đinh VĂn Giáp xênhz shông 1995 nhoz xã Phù Nham, huyện Văn Chấn, tỉnh Yên Bái ntơưv xã Hạnh Sơn, huyện Văn Chấn, tỉnh Yên Bái, đhâu co tror xa lol Hà Nội chiê phưx vưv côngz xưv qênhz yuôx. Trường thiêz Giáp puôr lênhx tso kuz têz qơưk tsês mul Hà Nội, taz sik tsi muôx hâux lưv uô ngaz tul. Đinh Văn Giáp muôx jiês phamv cxâuv muôv muôs lênhx nênhs lok shông 2013. Yuôr Đinh Văn Trường mak công an tiv phaz puz pâuz khênhr sik zâuv têx lênhx nênhs txơưr hâuk zax zênhz. Uô ntêx co, Công an Hà Nội tưz tsưr tsix nriêr 2 lênhx nênhs njuôs xav tuô Nguyễn Cao S xênhz shông 2001 nhoz huyện Vĩnh Lộc, tỉnh Thanh Hóa- zos nênhs tsar yêz meir công nghệ sâuv ứng dụng Grab tuôs./.

(Đinh Tuấn-Txâur Vax cxeik nhênhv)