Zar hnuz kêix hnuz 31/7, pos Tòng Thị Phóng, uỷ viên Bộ Chính trị, phó chủ tịch Thường trực Quốc Hội đros đoanx côngz xưv Trung ương tưz muk hlơưr shaz  thiêz shov cxuô lênhx liệt sĩ têx nza nhoz sâuv thax tsav thành phố Điện Biên phủ, tỉnh Điện Biên, ndax trâu chiv nhênhv hnuz thương binh liệt sĩ 27/7/1947-27/7/2017. Sâuv thax tsav trôngz nza liệt sĩ A1, Tông Khao, pos Tòng thị Phóng đros đoanx hâu nov  2 tỉnh Điện Biên, Sơn La tưz muk hlơưr shaz thiêz shov chor nza liệt sĩ, viv tir ntâuk trods châuz cxiv kho têz qơưs, tâu tas siv nênhx.

          Hnuz xiêz 1/8, pos Tòng thị Phóng, uỷ viên  Bộ chính trị, phó chủ tịch Thường trực Quốc Hội, muôx jiês đros hâu nov tỉnh Điện Biên uô hâux lưv thiêz muôz huv puz trâu iz cxiê chuôz zis muôx côngz têz qơưs./.

                                                                                                                                       (Tsu cxêik nhênhv-Vũ Lợi)

Mông txix Tsênhv qơư yuô pov ntux yar ntux nas T.Ư heik pâuz, muôx têx zar tsâuk ntux thiêz hmo xiêz 1/8, têx tỉnh Tây Bắc-Đông Bắc zuôr muôx ntux na lok trâu cxiê qơư.

Chiê txo grêk tsơưs têx trâus uô ruôr hiêv tiv ntux uô, hâu nov thiêz tsôngv box cxuô thax tsav qơư, lar heik zos thax tsav tox siêz tsuv bax uô jông cxuô faz tsưr ziv chiê phax tir thêir nas chuô thiêz chênhr phax ntux nas lox ntêr hnuz, uô đêx huôv hloz, cuôr yôngz, tox poz ar lơưk uô tsi jông txos lênhx nênhs thiêz chuôz zênhx chuôz tas. Thax tsav qơư kis, vuôk har, khênhr muôx đêx tênhr.... phax tar tsav muôx đêx ngaz; chênhr phax muôx khâur jênhs chuô, chuô lox, xoz tuô thâuv ntux đuz thiêz nxông./. 

                                                                   (KT-Riê Lâux cxeik, nhênhv)

Thâuv 11 six ntâu, hnuz 30/7, ntơưv thax tsav jos Nà Sàng, xã Chiềng Xuân, huyện Vân Hồ, tỉnh Sơn la, công an tỉnh Sơn la tưz cxov tâu 5 lênhx, zuôr muôs  20 cxênhz njiêr yuôx shơư zax zênhz đros trâu 2 traz fov, 32 luz mok txưr.

Ntơư zos Dông x Zax, xênhz shông 1991; Lâu x shôngx, xênhz shông 1983, nhoz xã Luông Luông, huyện Vân Hồ, tỉnh Sơn La:  Por x Ly, xênhz shông 1972; Chêi x Ly xênhz shông 1973; Giang x Phangx, xênhz shông 1991, puôr lênhx nhoz jos Pa Háng, huyện Sốp Bâu, tỉnh Hủa Phăn, têz qơưs Lok Tsuôk.

                                                                                                                                           (Tsuv cxêik nhênhv-TTT)

Thâuv 8 six 50 phênhz tsâuk ntux hnuz 28/7/2017, Công an huyện Lục Yên, tỉnh Yên Bái txeik tâu Công an xã Liễu Đô mông lok sâuv txuz nuv ntơưv jok Cốc Bó, xã Liễu Đô zos Nông Văn Liêm, xênhz shông 1962, nhoz ntơưv jok Cốc Bó trâus ntâuk ntâu trâu luz tâuz hâu thiêz chax đaz trâus saz. Lênhx nênhs ntâu Nông Văn Liêm ntơư zos lơưr chor cưr tix, bê hu uô Nông Văn Thách.

  Thâuv muôx nhos 8 six 40 phênhz tsâuk ntux đros hnuz,  thâuv lok txos trâu ntơưv ntus pak njêl (kuôk đêz tsêr muôx 30 thiêr), pov iz lênhx nênhs lok hâur pak njêl lok, Thách xar tiêk nyê ntơư lênhx nênhs tuz saz, muk nhiês njêl lok viv li tưz muôz phưx ntâuk lênhx mak Thách xar tiêk zos tuz saz ntơư tâuz hâu. Đhâu co, Thách thiêx pâuz lênhx nênhs trâul zuk ntâuk ntơư zos Nông Văn Liêm ( zuk iz cho cưr tix nhiv kruôr jâuv hâuk chơưr uô cê tas). Tix lâus Liêm trâus lok six saz, tâu sơưr đơưk chox zênhx max muk chơưv kho trâu tsênhv qơư y tế huyện Lục Yên, txos 11 six 20 phênhz tsâuk ntux đros hnuz Nông Văn Liêm tưz trâul tuôs./.

                                                                      (Thừa Xuân-Riê Lâux cxeik, nhênhv)