Tiv têx chuô txiêk uô hiêv txos, ntâu thax tsav qơư hâur tỉnh Yên Bái, lar heik zos têx huyện, thị faz Tây , 2, 3 hnuz đhâu ntux no njiv hênhr thiêz lok nas yâur. Ciês ntơưv huyện tox siêz Trạm Tấu, jêx tưv muôx kênh thâuv kis đuô 5 tưv, uô hiêv txos ntâu tuk tsiêx cxu hâur thax tsav no.

Trơưk li huyện Trạm Tấu, tỉnh Yên Bái heik pâuz, txos thâuv zuôr tar su hnuz 31/1, huyện tưz muôx 15 tuk nhux tưv trâul tuôs no ntơưv têx xã Túc Đán, Pá Hau, Bản Công thiêz Xà Hồ. Njuôk xav têx trâus uô ruôr hiêv tas muôx nhos 200 ntâu tsov đeiv.

Njuôk xav ntux tsênhv zuôr tror txơưr txar phiv liv hâur têx hnuz zuôr txos, huyện Trạm Tấu tsênhv tror chuôz tsar tiês chox kriê cxuô phongx ban car uô đreiv luôs hâux lưv no đros têx xã yax kriê, vênhv tôngv têx chuôz zis tu zus tsiêx cxu bax tsưr ziv thiêz gra siêz đuô txux chi tsưr ziv jênhv pâuz lok phax tar yeiz thiêz no trâu têx tsiêx cxu./.

                                                              (Tuấn Xuân-Riê Lâux cxeik, nhênhv)

Xưk li Đaix TNVN tưz xa mông, txix thâuv 8 six têik cik hnuz 31/1, bu piz pôngz txix sâuv trôngz Fansipan. Bu pôngz đơưz cxiê qơư thiêz tuô jux juk xav txix sâuv trongz siêz lok, taz sik tiv pôngz đros ntux nas viv li bu cux zax ciês đhâu co.

Ntơưv tsênhv qơư thị trấn Sa Pa, bu cux pôngz hâur iz ntu lur thâuv tar su. Lơưr nganhx njuôk xav qiv hơưv, txos zar hnuz kêix 31/1, jêx tưv ntơưv thị trấn Sa Pa tsuôk muôx 0,5 tưv, kik đuô pir li têik cik sơưr nzor.

Tưz tsik zos Sa Pa xưz, ntơưv xã Y Tý, huyện Bát Xát cux muôx bu pôngz hâur oz pêz phênhz. Hok sâuv trôngz Ngải Thầu Thượng, xã Ngải Thầu, huyện Bát Xát tiv jêx tưvz grêk kik đuô 0 tưv, viv li tưz muôx yưv đâuk bu./.

                                                                     (An Kiên-Lik Thox cxêik nhênhv)

  Tiv têx chuô txiêk uô hiêv txos, 2 hnuz đhâu hâur thax tsav tỉnh Lai Châu jêx tưv grêk kis, uô hiêv lox txos tsôngv box sđ luz nênhx nox nhoz.

Mông txix Tsênhv qơư yuô pov ntux yar ntux nas tỉnh Lai Châu heik pâuz, xav kror đruôz đraz jêx tưv hâur thax tsav njuôk tâu hâur tas cik hnuz 31/1 zos txix 2-6 tưv. Têx thax tsav tox siêz mak txix 2-3 tưv, uô hiêv lox txos têx luôs hâux lưv uô nox uô hâuk thiêz tsôngv box sđ luz nênhx, lar heik zos ntơưv têx thax tsav tox siêz li: Sìn Hồ, Phong Thổ thiêz Tam Đường.

Txix têx phiv liv li heik sâuv, Ủy ban tỉnh Lai Châu tưz muôx côngz tênhv chox kriê cxuô ngênhx muôx vax huôv thiêz têx thax tsav qơư chuôz tsar tiês hâux lưv yax mông thiêz fuô kriê têx faz tsưr ziv phax tar no, taz por truôx tuk trâu lênhx nênhs, têx kôngz lôngk thiêz tsiêx tu zus. Iz chas ntơư, Chủ tịch Ủy ban tỉnh Lai Châu choz hâux lưv trâu Chủ tịch ủy ban têx huyện thiêz têx lênhx thơưx chor sở ngênhx cov taz por truôx tuk trâu suôv qơư thiêz thax tsav zuk car seiz./.

                                                           (Khắc Kiên-Riê Lâux cxeik, nhênhv)

Chiê bax tir tar ntux no chênhr, no njiv, Ban chỉ huiz phax tar ntux têz uô hiêv thiêz zok nriêr chơưv paz tỉnh Sơn La hêik Ban sêiz car phax tar ntux têz uô hiêv thiêz zok nriêr chơưv paz chor huyện, thành phố tsik so sêiz shuôk jông chuô Đông Bắc, ntux no chênhr, no njiv, hêik pâuz ndar six hơưv txos trâu pêx xênhv pâuz, tiv zix zos tox siêz, nhoz đêz, bax phax tar; tsưr tsix qênhz yuôx, kruôz kriê chuôz zis tu zus thêir vor têx tsêr guôx, uô sor trâu tsiêx cxu; yax kriê, hêik pêx xênhv tsik chiê nhux tưv uô hâux lưv, tsik tso yar, chox lok cơưv, bax tsês chiê zav jâuz nox trâu tsiêx cxu. Phongx kôngz nuv thiêz huôv tsar jêx jok, Trạm cxơưz cxiz uô kôngz chor huyện, thành phố sik côngv đros trạm chos kôngz lôngk, por vêv đrox tsuôs, trạm tu zus thiêz thú y qênhz yuôx, kriê pêx xênhv uô chor tsưr ziv thêir, vor, uô sor trâu tsiêx tu zus thiêz tsoz chos, jâuz tâuv; kruôz kriê chos kôngz lôngk huv chêix chiv, tsoz phưz, por vêv thax tsav tsoz chos, jâuz tâuv chiê txo grêk tsơưs tiv zix têx trâus hiêv./.

                                                                       (KT-Lik Thox cxêik nhênhv)