Têis cik hnuz xiêz 9/1, công an tỉnh Điện Biên tưz tsưr tsix chiv nhênhv 65 shông cxiv tsa tâu lực lươngx, hnuz xiêz 10/1/1953-10/1/2018 thiêz tok txêik côngz mênhx hov 3, tsưx phưv truôx têz qơưs. Hồng x Shôngx, Giám đốc công an tỉnh Điện Biên cux hêik: Hâur 65 shông  cxiv tsa thiêz huôv tsar lực lươngx, ngênhx lực lươngx công an tỉnh Điện Biên tưz uô tâu truôx cxuô luôs hâux lưv Đảng têz qơưs zok muôz zos đrêiv li zơưv hloz Hôx têx luk hêik kriê, paz phênhv đros trâu luôs hâux lưv tsưx phưv truôx têz qơưs hâur thax tsav, tsôngv px sđ muôx luz nênhs truôx tuk, shir phaz./.

                                                                                     (Tsu cxêik nhênhv-Vũ Lợi-TTTB)

Tiv jiês chuô txiêk uô hiêv txos, hnuz xiêz 9/1, xav kror đruôz đraz jêx tưv hâur thax tsav tỉnh Yên Bái tsuôk txix 12-16, thax tsav tox siêz kis đuô 10 tưv thiêz lok nas yâur, ntux no njiv. Txix têx li heik co, tỉnh Yên Bái tưz chuôz tsar tiês uô têx faz tsưr ziv chiê taz por đas jos trâu tsôngv box thiêz têx tsiêx tu zus. Chor huyện tox siêz sir jos fuô kriê tsôngv box sđ tsoz phưz thiêz tsi cxoz chaz têx nhux tưv muk lêix têz hâur têx hnuz ntux nas, no njiv. Iz chas ntơư taz por qơư cơư têx tsiêx tâu xor thêir ntov, tsi muôx chuô txiêk yâu; muôz cxix cxuô têx jâuz, krâur trâu tsiêx nox. Zơưv Chư Xênhv Zax, Chủ tịch xã Trạm Tấu, huyện Trạm Tấu heik pâuz:

“Pâuz tâu ntux têx txơưr txar, cux li txix tỉnh, huyện chox kriê mak hur tiz si 5 jok thiêz têx chuôz zis muôx tsiêx lox, pêz tưz tso canr bôv muk chox kriê, heik tsôngv box uô qơư cơư têx tsiêx thiêz muôz ntâuz tax xor thêir cov ntov trâu. Hâur six hơưv ntux nas thiêz no mak tsuv lêis jâuz lok trâu nox ntơưv qơư, tsi cxoz tso muk seiz, muk nox jâuz pêv têx har jâuz”./.

  (Thừa Xuân-Riê Lâux cxeik, nhênhv)

Viv muôx iz jiês chuô txiêk, sâuv thax tsav tỉnh Sơn la cux muôx yưv ntux no njiv hênhr, hâurtêis cik hnuz xiêz 9/1, ntơưv huyện Mộc Châu, ntux no njik tưz txo grêk kik 4,8 độ c. Trơưk li cơ quan njuôk ntux yar ntux nas hêik pâuz, ntux no njik tsênhv zuôr no nhiv no tax txos trâu hnuz 14/1, cxuô thax tsav tsênhv qơư nhoz tỉnh Sơn La li: Bắc Yên, Vân Hồ, Mộc Châu, têx jiês ntux zuôr no njik txos 3 độ C. Chênhr zos li hêik ntơư, Chi Cục thú y tỉnh Sơn la tưz fuô yax kriê tsôngv px sâuv thax tsav tsuv uô jông luôs hâux lưv tir thêir ntux no njiv trâu tsiêx cxu lox zâu, tsik chiê têx tsiêx tsiêx cxu trâus puôk tsuôx, tiv ntux no njiv./.

                                                                                            (Tsu cxêik nhênhv-Hoàng Long)

Tix têx njuôk xav lok sâuv ntux no njiv, no hênhr muôx têx zuôr truz ntêr, zôngx ziv uô trâu iz cxiê tuk tsiêx cxu, lar heik zos ntơưv têx thax tsav tox siêz muôx tsi txâuk jâuz, krâur nox, sở kôngz nuv thiêz huôv tsar tox siêz tỉnh Lào Cai nhiv kruôr chox kriê cxuô thax tsav qơư heik tsôngv box zênhx max nzaz nzơưv têx jâuz tâux muôx ntơưv qơư chiê txar jav qênhx shênhx tsiêx cxu trâus tuôs yeiz. Zơưv Nguyễn Xuân Nhẫn, Phưv Giám đốc Sở kôngz nuv thiêz huôv tsar tox siêz tỉnh Lào cai heik pâuz, tiv têx jâuz krâur bax tsês chiê tsơưs viv li sở tưz chox kriê cxuô thax tsav qơư heik kriê tsôngv box huôk njôngr thâuv ntux yar, sor sơưr mê njik tso thiêz chaz têx nhux tưv muk nox jâuz; iz chas ntơư khơưk tsês têx kuôr blêx, flâuz cưk.... chiê bax tsês nzir trâu nhux tưv nox:

“Tsôngv box nhoz têx suôv qơư zos yeik txar tâu mak chaz têx nhux tưv lok trâu têx qơư sor mê njik gâuv no, xor thêir thiêz uô qơư chiê cơư têx tsiêx, nzaz nzơưv têx jâuz tâux ntơưv têx qơư co chiê trâu nhux tưv nox. Tiv 2 zos tsuv cxaz nzir nzor têx krâur trâu tsiêx nox chiê muôx tsưr ziv sir zôngv têx jâuz tâux, krâur bax tsês chiê li chas cov huv đros. Tiv 3 zos nzaz nzơưv têx kuôr blêx, flâuz cưk..... mak têx tsiêx muôx têx nox tâu chiê trâu tsiêx nox hâur têx hnuz ntux no njiv”./.

                       (An Kiên-Riê Lâux cxeik, nhênhv)